പ്രളയം തോറ്റ രക്ഷാദൗത്യം: ആഘോഷമില്ലാതെ സുബ്ഹാന്​ രണ്ടാം പിറന്നാള്‍

ചെ​ങ്ങ​മ​നാ​ട്: 2018ലെ ​പ്ര​ള​യ​കാ​ല​ത്ത്​ ഹെ​ലി​കോ​പ്ട​റി​ല്‍ സാ​ഹ​സി​ക​മാ​യി ര​ക്ഷ​പ്പെ​ടു​ത്തി​യ സാ​ജി​ത നാ​വി​ക​സേ​ന ആ​ശു​പ​ത്രി​യി​ല്‍ ജ​ന്മം ന​ല്‍കി​യ സു​ബ്ഹാ​ന് തി​ങ്ക​ളാ​ഴ്ച ര​ണ്ടാം പി​റ​ന്നാ​ളാ​യി​രു​ന്നു. കോ​വി​ഡ്​ പ​ശ്ചാ​ത്ത​ല​ത്തി​ല്‍ ആ​ഘോ​ഷ​മി​ല്ലാ​തെ​യാ​ണ്​ പി​റ​ന്നാ​ൾ ക​ട​ന്നു​പോ​യ​ത്. ചെ​ങ്ങ​മ​നാ​ട് പ​ന​യ​ക്ക​ട​വ് ക​ള​ത്തി​ങ്ക​ല്‍ വീ​ട്ടി​ല്‍ ജ​ബ​ല്‍ കെ. ​ജ​ലീ​ലി​െൻറ ഭാ​ര്യ സാ​ജി​ത​യാ​ണ്, പ്ര​ള​യ​ത്തി​ൽ മു​ങ്ങി​യ ചൊ​വ്വ​ര കൊ​ണ്ടോ​ട്ടി ജു​മ മ​സ്ജി​ദി​ന് മു​ക​ളി​ല്‍നി​ന്ന് നാ​വി​ക​സേ​ന ഹെ​ലി​കോ​പ്​​ട​റി​ല്‍ ക​റ​ങ്ങി​പ്പ​റ​ന്ന് മ​ണി​ക്കൂ​റു​ക​ള്‍ക്ക​കം കു​ഞ്ഞി​ന് ജ​ന്മം ന​ല്‍കി​യ​ത്. പൂ​ര്‍ണ ഗ​ര്‍ഭി​ണി​യാ​യ സാ​ജി​ത​യു​ടെ പ്ര​സ​വ തീ​യ​തി ആ​ഗ​സ്​​റ്റ്​ 20നാ​ണ്​ ഡോ​ക്ട​ര്‍ പ​റ​ഞ്ഞി​രു​ന്ന​ത്. 16ന്​ ​രാ​ത്രി 11ന്​ ​വേ​ദ​ന തു​ട​ങ്ങി. സ​മീ​പ പ്ര​ദേ​ശ​ങ്ങ​ള്‍ വെ​ള്ള​ത്തി​ല്‍ മു​ങ്ങി​യ​തി​നാ​ല്‍ ആ​ശു​പ​ത്രി​യി​െ​ല​ത്തു​ക അ​സാ​ധ്യ​മാ​യി​രു​ന്നു. വീ​ട്ടു​കാ​രും നാ​ട്ടു​കാ​രും ജ​ന​പ്ര​തി​നി​ധി​ക​ളും സാ​ജി​ത​യെ ആ​ശു​പ​ത്രി​യി​ൽ എ​ത്തി​ക്കാ​ന്‍ പ​ല വ​ഴി​ക​ളും അ​ന്വേ​ഷി​ച്ചു. എ​ല്ലാ ശ്ര​മ​വും വി​ഫ​ല​മാ​യി. ഒ​ടു​വി​ൽ നാ​വി​ക​സേ​ന​യു​ടെ സ​ഹാ​യം തേ​ടി.

17ന് ​പു​ല​ര്‍ച്ച പ​രി​സ​ര​ത്ത് സാ​ജി​ത​യെ തേ​ടി​​യെ​ത്തി​യ ഹെ​ലി​കോ​പ്ട​ര്‍ സ്ഥ​ല​മ​റി​യാ​തെ ചു​റ്റി​ക്ക​റ​ങ്ങി. വേ​ദ​ന​കൊ​ണ്ട് പു​ള​യു​ന്ന സാ​ജി​ത​ക്ക്​ ചു​റ്റും ക്യാ​മ്പി​ലു​ള്ള​വ​രു​ടെ പ്രാ​ര്‍ഥ​ന​യും ക​ര​ച്ചി​ലും ഉ​യ​ർ​ന്നു. ഒ​ടു​വി​ല്‍ നാ​ട്ടു​കാ​ര്‍ മ​സ്ജി​ദി​ന് മു​ക​ളി​ല്‍ ക​യ​റി ഒ​ച്ച​വെ​ക്കു​ക​യും ചു​വ​ന്ന തു​ണി വീ​ശി സൂ​ച​ന ന​ൽ​കു​ക​യും ചെ​യ്​​തു. മ​സ്ജി​ദി​ന് മു​ക​ളി​ല്‍ നി​ര്‍ത്തി​യ ഹെ​ലി​കോ​പ്ട​റി​ൽ നി​ന്ന് സേ​ന​യു​ടെ ഡോ​ക്ട​ര്‍ മ​ഹേ​ഷും ക​മാ​ന്‍ഡ​ര്‍ ഓ​ഫി​സ​റും ഇ​റ​ങ്ങി സ്ഥി​തി​ഗ​തി വി​ല​യി​രു​ത്തി. ഹെ​ലി​കോ​പ്ട​റി​ല്‍ തൂ​ങ്ങു​മ്പോ​ള്‍ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ വി​ശ​ദീ​ക​രി​ച്ച്​ സാ​ജി​ത​ക്ക്​ ധൈ​ര്യം പ​ക​ർ​ന്നു. അ​ര​യി​ല്‍ ചു​റ്റി​യ ബെ​ല്‍റ്റി​ല്‍ പൈ​ല​റ്റ് വി​ജ​യ വ​ര്‍മ സാ​ജി​ത​യെ തൂ​ക്കി​യെ​ടു​ക്കു​മ്പോ​ള്‍ നാ​ടൊ​ന്നാ​കെ ശ്വാ​സ​മ​ട​ക്കി പ്രാ​ര്‍ഥി​ച്ചു.

കൊ​ച്ചി​യി​ലെ നാ​വി​ക​സേ​ന ആ​ശു​പ​ത്രി​യി​ല്‍ രാ​വി​ലെ 9.30ഓ​െ​ട എ​ത്തി​യ സാ​ജി​ത ഉ​ച്ച​ക്ക് 2.12ന് ​സു​ഖ​പ്ര​സ​വ​ത്തി​ലൂ​ടെ​യാ​ണ് സു​ബ്ഹാ​ന് ജ​ന്മം ന​ല്‍കി​യ​ത്. 12 ദി​വ​സം അ​മ്മ​യും കു​ഞ്ഞും ആ​ശു​പ​ത്രി​യി​ല്‍ ക​ഴി​ഞ്ഞു. സേ​ന ആ​ശു​പ​ത്രി ക​മാ​ന്‍ഡി​ങ് ഓ​ഫി​സ​ര്‍ സു​ഭാ​ഷാ​ണ് കു​ഞ്ഞി​ന് 'സു​ബ്ഹാ​ന്‍' എ​ന്ന് പേ​ര് വി​ളി​ച്ച​ത്. ക​ഴി​ഞ്ഞ വ​ര്‍ഷം ഒ​ന്നാം ജ​ന്മ​ദി​ന​ത്തി​ല്‍ കൈ​നി​റ​യെ സ​മ്മാ​ന​ങ്ങ​ളു​മാ​യി സേ​ന അ​ധി​കൃ​ത​രും മ​റ്റും സു​ബ്ഹാ​നെ കാ​ണാ​നെ​ത്തി​യി​രു​ന്നു. മു​ഹ​മ്മ​ദ് ന​ഹീം, മു​ഹ​മ്മ​ദ് നു​ഹൈം എ​ന്നി​വ​രാ​ണ് സ​ഹോ​ദ​ര​ങ്ങ​ള്‍.