നെടുങ്കണ്ടം: സഹോദരങ്ങളുടെ വഴക്കിനിടെ കുരച്ചുചാടിയ സഹോദരിയുടെ വളർത്തുനായെ സഹോദരൻ പാറയിൽ അടിച്ച് കൊലപ്പെടുത്തി. സന്യാസിയോട സ്വദേശി കളപ്പുരമറ്റത്തിൽ രാജേഷാണ് നായെ അടിച്ചുകൊന്നത്. വെള്ളിയാഴ്ച വൈകീട്ട് സഹോദരിയുടെ വീട്ടിെലത്തിയ രാജേഷ് സഹോദരിയുമായി വാക്തർക്കം ഉണ്ടാക്കി. തുടർന്ന് ശാരിയെയും പ്രായമായ സ്ത്രീയെയും മർദിച്ചു.
വിട്ടുകാരെ മർദിക്കുന്നത് കണ്ടതോടെ പൂട്ടിയിട്ടിരുന്ന നായ് കുരക്കുകയായിരുന്നു. ഇതോടെ പ്രകോപിതനായ രാജേഷ് തുടലിൽനിന്ന് പട്ടിയെ അഴിച്ചശേഷം സമീപത്തെ പാറയിൽ അടിച്ചുകൊല്ലുകയായിരുന്നു. പോമറേനിയൻ ഇനത്തിൽപെട്ട വളർത്തുനായെയാണ് കൊന്നത്. വീട്ടുകാരുടെ പരാതിയിൽ കമ്പംമെട്ട് പൊലീസ് രാജേഷിനെ അറസ്റ്റ് ചെയ്ത് ജാമ്യത്തിൽ വിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.