കൂത്തുപറമ്പ്​ സമരത്തിന്‍റെ ​​പേരിലൊരു പോര്​

ഭ​ര​ണ​പ​ക്ഷ​ത്തെ പ്ര​കോ​പി​ത​രാ​ക്കാ​ൻ കി​ട്ടു​ന്ന അ​വ​സ​ര​മൊ​ന്നും പാ​ഴാ​ക്കാ​ത്ത ആ​ളാ​ണ്​ മാ​ത്യു​ കു​ഴ​ൽ​നാ​ട​ൻ. സ്വാ​ശ്ര​യ കോ​ള​ജി​നെ​തി​രാ​യ സ​മ​ര​ത്തി​നി​​ടെ കൂ​ത്തു​പ​റ​മ്പി​ൽ അ​ഞ്ചു​പേ​രു​ടെ ര​ക്ത​സാ​ക്ഷി​ത്വം പ​രാ​മ​ർ​ശി​ച്ച കു​ഴ​ൽ​നാ​ട​ൻ ആ ​സ​മ​ര​ത്തി​ന്‍റെ ചൂ​ടാ​റും മു​മ്പാ​ണ്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മ​ക്ക​ളെ സ്വാ​ശ്ര​യ കോ​ള​ജി​ൽ പ​ഠി​പ്പി​ച്ച​തെ​ന്ന്​ ആ​രോ​പി​ച്ചു. ‘ര​ക്​​ത​സാ​ക്ഷി’ ക​വി​ത​യു​ടെ ര​ണ്ടു വ​രി ചൊ​ല്ലി, ജീ​വി​ക്കു​ന്ന ര​ക്​​ത​സാ​ക്ഷി​യാ​യി​രു​ന്ന പു​ഷ്പ​നെ ആ​ദ​രി​ക്കു​​ന്ന ആ​ളാ​ണെ​ന്നു കൂ​ടി പ​റ​ഞ്ഞു​വെ​ച്ചു. ​ഭ​ര​ണ​പ​ക്ഷം സ്വ​ഭാ​വി​ക​മാ​യും ​പ്ര​കോ​പി​ത​രാ​യി. കൂ​ത്തു​പ​റ​മ്പ്​ സ​മ​രം തൊ​ഴി​ലി​ല്ലാ​യ്മ​ക്കും സ്വ​കാ​ര്യ​വ​ത്​​ക​ര​ണ​ത്തി​നു​മെ​തി​രെ​യാ​യി​രു​ന്നെ​ന്ന വാ​ദം സി.​പി.​എ​മ്മി​ലെ കെ.​വി. സു​മേ​ഷ്​ ഉ​യ​ർ​ത്തി. ​തൊ​ഴി​ലി​ല്ലാ​യ്മ​ക്കും സ്വ​കാ​ര്യ​വ​ത്​​ക​ര​ണ​ത്തി​​നു​മെ​തി​രെ​യോ... പ്ര​തി​പ​ക്ഷം വി​ളി​ച്ചു ചോ​ദി​ച്ചു. സു​മേ​ഷി​ന്‍റെ വാ​ദ​ത്തി​ൽ വ്യ​ക്ത​ത വ​രു​ത്തി കൂ​ത്തു​പ​റ​മ്പ്​ സ​മ​രം എ​ന്തി​നു​ വേ​ണ്ടി​യാ​യി​രു​ന്നെ​ന്ന്​ കെ.​ ​സ​ചി​ൻ​ദേ​വി​നും ലി​ന്‍റോ ജോ​സ​ഫി​നും ഒ​ടു​വി​ൽ മ​ന്ത്രി പി. ​രാ​ജീ​വി​നും വി​ശ​ദീ​ക​രി​ക്കേ​ണ്ടി വ​ന്നു. പു​ഷ്പ​ന്‍റെ പേ​ര്​ ഉ​ച്ച​രി​ക്കാ​ൻ പോ​ലും കു​ഴ​ൽ​നാ​ട​ന്​ അ​ർ​ഹ​ത​യി​ല്ലെ​ന്നും അ​വ​ർ പ​റ​ഞ്ഞു.

വ്യ​വ​സാ​യ വ​കു​പ്പി​ന്‍റെ ബി​ൽ ച​ർ​ച്ച കാ​ടു​ക​യ​റി​​യെ​ങ്കി​ലും ആ​രോ​ഗ്യ സ്ഥാ​പ​ന​ങ്ങ​ളു​ടെ ര​ജി​സ്​​ട്രേ​ഷ​ൻ ബി​ൽ ച​ർ​ച്ച വി​ഷ​യ​ത്തി​ൽ ഒ​തു​ങ്ങി നി​ന്നു. ക്രി​യാ​ത്​​മ​ക നി​ർ​ദേ​ശ​ങ്ങ​ൾ വ​ന്നു. ത​ർ​ക്ക​ങ്ങ​ളോ വാ​ഗ്വാ​ദ​ങ്ങ​ളോ ഉ​ണ്ടാ​യി​ല്ല. സ്വ​കാ​ര്യ ആ​ശു​പ​ത്രി​ക​ളി​ലെ ന​ടു​വൊ​ടി​ക്കു​ന്ന നി​ര​ക്കു​ക​ളെ കു​റി​ച്ചാ​യി​രു​ന്നു ആ​ശ​ങ്ക. ഒ​രു പ്രാ​വ​ശ്യം മ​രു​ന്ന്​ ന​ൽ​കു​ന്ന​തി​ന്​ 100 രൂ​പ ന​ഴ്​​സി​ങ്​ ചാ​ർ​ജ്​ ഈ​ടാ​ക്കി പ​ക​ൽ​ക്കൊ​ള്ള ന​ട​ത്തു​ന്ന​വ​രു​ണ്ടെ​ന്ന്​ പി.​വി. ശ്രീ​നി​ജ​ൻ ചൂ​ണ്ടി​ക്കാ​ട്ടി. ഓ​രോ വ്യ​ക്തി​യു​ടെ​യും മെ​ഡി​ക്ക​ൽ ഫ​യ​ലു​ക​ൾ ആ​ശു​പ​ത്രി​ക​ൾ സ്വ​കാ​ര്യ സ്വ​ത്താ​യി സൂ​ക്ഷി​ക്കു​ന്ന​തി​നെ​തി​രെ​യും ചോ​ദ്യ​മു​യ​ർ​ന്നു.

പെ​രു​മ​ഴ പെ​യ്ത്​ തോ​ർ​ന്ന​തു​പോ​ലെ​യാ​യി​രു​ന്നു ശൂ​ന്യ​വേ​ള​യി​ൽ സ​ഭാ​ത​ലം. പൂ​രം ക​ല​ക്ക​ലും എ.​ഡി.​ജി.​പി-​ആ​ർ.​എ​സ്.​എ​സ്​ കൂ​ടി​ക്കാ​ഴ്ച​യും മ​ല​പ്പു​റം വി​വാ​ദ​വു​മൊ​ക്കെ ക​ത്തി​പ്പ​ട​ർ​ന്ന മൂ​ന്നു​​ദി​ന​ങ്ങ​ൾ​ക്ക്​ ശേ​ഷം. ഇ​റ​ങ്ങി​പ്പോ​ക്കും ചി​ല്ല​റ ത​ർ​ക്ക​ങ്ങ​ളു​മൊ​ഴി​ച്ചാ​ൽ ശാ​ന്ത​മാ​യ ദി​നം. ഒ​രു രാ​ജ്യം ഒ​രു തെ​ര​ഞ്ഞെ​ടു​പ്പ്​ എ​ന്ന കേ​ന്ദ്ര​ത്തി​ന്‍റെ വി​വാ​ദ നീ​ക്ക​ത്തി​നെ​തി​രെ പ്ര​മേ​യം പാ​സാ​ക്കു​ന്ന​തി​ൽ സ​ഭ ഒ​റ്റ​ക്കെ​ട്ടാ​യി. പ്ര​തി​പ​ക്ഷ​വും ഭ​ര​ണ​പ​ക്ഷ​വും മ​ന്ത്രി എം.​ബി. രാ​ജേ​ഷ്​ അ​വ​ത​രി​പ്പി​ച്ച പ്ര​മേ​യ​ത്തെ പി​ന്തു​ണ​ച്ചു. പ്ര​തി​പ​ക്ഷ​ത്തെ കെ.​കെ. ര​മ​യു​ടെ​യും പി. ​ഷം​സു​ദ്ദീ​ന്‍റെ​യും ഭേ​ദ​ഗ​തി​ക​ൾ സ്വീ​ക​രി​ക്കാ​നും ഭ​ര​ണ​പ​ക്ഷം ത​യാ​റാ​യി.

കേ​ര​ളീ​യ​ത്തി​ന്​ പ​ണ​മു​ണ്ട്, ന​വ​കേ​ര​ള സ​ദ​സ്സി​ന്​ പ​ണ​മു​ണ്ട്, ഹെ​ലി​കോ​പ്​​ട​ർ വാ​ട​ക​ക്ക്​ എ​ടു​ക്കാ​ൻ പ​ണ​മു​ണ്ട്, ലോ​ക കേ​ര​ള സ​ഭ​ക്ക്​ പ​ണ​മു​ണ്ട്, അ​ർ​ജ​ന്‍റീ​ന ഫു​ട്​​ബാ​ൾ ടീ​മി​നെ കൊ​ണ്ടു വ​രാ​ൻ 100​ കോ​ടി ചെ​ല​വാ​ക്കാ​ൻ പ​ണ​മു​ണ്ട്, എ​ന്നി​ട്ടും ഏ​റ്റ​വും അ​വ​ശ്യ മേ​ഖ​ല​ക​ളി​ൽ ഏ​താ​നും ത​സ്തി​ക നി​ർ​മി​ക്കാ​ൻ മാ​ത്രം ധ​ന​വ​കു​പ്പി​ൽ പ​ണ​മി​ല്ലേ എ​ന്നാ​യി​രു​ന്നു അ​ടി​യ​ന്ത​ര പ്ര​​മേ​യ നോ​ട്ടീ​സ്​ ഉ​ന്ന​യി​ച്ച്​ പി.​സി. വി​ഷ്ണു​നാ​ഥി​ന്‍റെ ചോ​ദ്യം. തൊ​ഴി​ലി​ല്ലാ​യ്മ റി​പ്പോ​ർ​ട്ടി​ൽ കേ​ര​ളം മു​ന്നി​ൽ വ​ന്ന​തി​നെ​ക്കു​റി​ച്ചും വി​മ​ർ​ശ​നം ഉ​യ​ർ​ന്നെ​ങ്കി​ലും അ​ടി​യ​ന്ത​ര പ്ര​മേ​യ നോ​ട്ടീ​സി​ന്​ മ​റു​പ​ടി പ​റ​ഞ്ഞ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ കൊ​ത്തി​യി​ല്ല. പു​തി​യ ത​സ്തി​ക നി​ർ​ണ​യ ആ​വ​ശ്യ​ങ്ങ​ളൊ​ക്കെ നി​ഷ്ക​രു​ണം വെ​ട്ടു​ന്ന ധ​ന​വ​കു​പ്പി​ന്‍റെ ചു​മ​ത​ല വ​ഹി​ക്കു​ന്ന മ​ന്ത്രി​ക്ക്​ വാ​രി​ക്കോ​രി ത​സ്തി​ക ന​ൽ​കു​മെ​ന്ന്​ പ​റ​യാ​നു​മാ​കി​ല്ല.