പട്ന: ബിഹാർ തെരഞ്ഞെടുപ്പിൽ എൻ.ഡി.എ കേവല ഭൂരിപക്ഷവുമായി ലീഡ് ചെയ്യുേമ്പാഴും ഒന്നും ഉറപ്പിക്കാറായില്ല. ബിഹാറിലെ ഗ്രാമീണ മേഖലകളിൽ വോട്ടെണ്ണൽ പതിയെയാണ് മുന്നേറുന്നത്. നിലവിൽ എൻ.ഡി.എ 128 സീറ്റിലും മഹാസഖ്യം 104 സീറ്റിലും ലീഡ് ചെയ്യുന്നുണ്ട്.
വാശിയേറിയ തെരഞ്ഞെടുപ്പിൽ 4.10 കോടിയോളം പേർ വോട്ട് രേഖപ്പെടുത്തിയതിൽ ഒരു കോടിയോളം വോട്ടുകൾ മാത്രമാണ് എണ്ണിയത്. വലിയ പ്രതീക്ഷയുള്ള ഗ്രാമീണ മേഖലകളിൽ വോട്ടുകൾ എണ്ണാൻ ബാക്കിയുള്ളതിനാൽ മഹാസഖ്യം പ്രതീക്ഷ കൈവിട്ടിട്ടില്ല.
വോട്ടെണ്ണൽ പൂർണമായും അവസാനിക്കാൻ രാത്രി വരെ കാത്തിരിക്കേണ്ടി വരുമെന്നാണ് തെരഞ്ഞെടുപ്പ് കമീഷൻ അറിയിപ്പ്. കോവിഡ് സാഹചര്യവും പ്രോട്ടോക്കോൾ നിയന്ത്രണങ്ങളുമുള്ളതിനാലാണ് വോട്ടെണ്ണൽ വൈകുന്നത്.
തെരഞ്ഞെടുപ്പിന് മുേമ്പയുള്ള അഭിപ്രായ സർവ്വേകൾ എൻ.ഡി.എക്ക് മുൻതൂക്കം നൽകിയപ്പോൾ എക്സിറ്റ്പോളുകൾ മഹാസഖ്യത്തിന് വിജയം പ്രഖ്യാപിച്ചിരുന്നു. 15 വര്‍ഷമായി സംസ്ഥാനം ഭരിക്കുന്ന നിതീഷ്‌കുമാര്‍ ആണ് എൻ.ഡി.എയുടെ മുഖ്യമന്ത്രി സ്ഥാനാർഥി. ഇന്നലെ 31ാം പിറന്നാൾ ആഘോഷിച്ച ലാലു പ്രസാദ് യാദവിെൻറ മകനും ആർ.ജെ.ഡി നേതാവുമായ തേജസ്വി യാദവിെൻറ നേതൃത്വത്തിലാണ് പ്രതിപക്ഷം തെരഞ്ഞെടുപ്പിനെ നേരിട്ടത്. അതേസമയം, കഴിഞ്ഞ തവണ എൻ.ഡി.എയുടെ കൂടെയുണ്ടായിരുന്ന രാംവിലാസ് പാസ്വാെൻറ മകന്‍ ചിരാഗ് പാസ്വാെൻറ നേതൃത്വത്തിലുള്ള എൽ.ജെ.പി ഇത്തവണ ഉടക്കിയാണ് മത്സരിച്ചത്. ജെ.ഡി.യു മത്സരിക്കുന്ന മണ്ഡലങ്ങളിലൊക്കെ ഇവർ സ്ഥാനാർഥികളെ നിര്‍ത്തിയിട്ടുണ്ട്.
2015ലെ കക്ഷി തിരിച്ചുള്ള സീറ്റ് നില (ബ്രാക്കറ്റിൽ വോട്ടുശതമാനം):
ആര്‍.ജെ.ഡി- 80 (18.4%)
ജെ.ഡി.യു -71 (16.8%)
കോണ്‍ഗ്രസ് 23 (6.7%)
ബി.ജെ.പി 53 (24.4%)
എൽ.ജെ.പി -രണ്ട് (4.8%)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.