തിരുവനന്തപുരം: നെയ്യാർ ഡാം പൊലീസിന് നേരെ കഞ്ചാവ് മാഫിയയുടെ പെട്രോൾ ബോംബേറ്. സംഭവത്തിൽ ഒരു പൊലീസുകാരന് പരിക്കേറ്റു. സി.പി.ഒ ടിനോ ജോസഫിനാണ് പരിക്കേറ്റത്. കഞ്ചാവ് മാഫിയയാണ് ആക്രമണത്തിന് പിന്നിലെന്ന് പൊലീസ് അറിയിച്ചു.
കഴിഞ്ഞ ദിവസം കഞ്ചാവ് മാഫിയ സംഘത്തിൽപ്പെട്ട ഒരാളെ പൊലീസ് അറസ്റ്റ് ചെയ്തിരുന്നു. ഇതേതുടർന്ന് മാഫിയയെ കുറിച്ച് പൊലീസിന് വിവരം നൽകിയെന്ന ആരോപിച്ച് ഒരാളുടെ വീടിന് നേരെ വെള്ളിയാഴ്ച പുലർച്ചെ ആക്രമണം നടന്നു. വീട്ടുകാർ വിവരമറിയിച്ചതിനെ തുടർന്ന പൊലീസ് സ്ഥലത്തെത്തി പരിശോധന നടത്തി.
പരിശോധനക്കിടെ 20ഓളം വരുന്ന മാഫിയ സംഘം െപാലീസിന് നേരെ ആക്രമണം നടത്തുകയായിരുന്നു. ആക്രമണത്തിന് ശേഷം സമീപത്തുള്ള വനപ്രദേശത്തേക്ക് ഇവർ രക്ഷപ്പെട്ടുവെന്നാണ് സംശയിക്കുന്നത്. പ്രതികൾക്കായി പൊലീസ് വ്യാപക തെരച്ചിൽ ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.