പൗ​ര​ത്വ നി​യ​മ​ത്തി​ലെ നി​ല​പാ​ട്​ ഉ​ൾ​പ്പെ​ടു​ത്തി ന​യ​പ്ര​ഖ്യാ​പ​ന​ത്തി​ന്​ അം​ഗീ​കാ​രം

തി​രു​വ​ന​ന്ത​പു​രം: പൗ​ര​ത്വ​ഭേ​ദ​ഗ​തി നി​യ​മ​ത്തി​നെ​തി​രാ​യ സ​ർ​ക്കാ​ർ നി​ല​പാ​ട്​ ഗ​വ​ർ​ണ​റു​ടെ ന​യ ​പ്ര​ഖ്യാ​പ​ന പ്ര​സം​ഗ​ത്തി​​െൻറ ക​ര​ടി​ൽ ഉ​ൾ​പ്പെ​ടു​ത്തി. നി​യ​മ​ത്തി​നെ​തി​രെ സു​പ്രീം​കോ​ട​തി​യെ സ​ ർ​ക്കാ​ർ സ​മീ​പി​ച്ച​തും യോ​ജി​ച്ച പ്ര​ക്ഷോ​ഭ​ങ്ങ​ളും നി​യ​മ​സ​ഭ പ്ര​മേ​യ​വും ജ​ന​സം​ഖ്യ ര​ജി​സ്​​റ്റ​ർ ന​ട​പ്പാ​ക്കി​ല്ലെ​ന്ന തീ​രു​മാ​ന​വും ജ​ന​ങ്ങ​ളു​ടെ ആ​ശ​ങ്ക​യു​മൊ​ക്കെ ഇ​തി​ൽ പ​രാ​മ​ർ​ശ വി​ധേ​യ​മാ​കും. ക​ര​ടി​ന്​ മ​ന്ത്രി​സ​ഭ അം​ഗീ​കാ​രം ന​ൽ​കി. പ്ര​തി​പ​ക്ഷ നേ​താ​വ്​ പൗ​ര​ത്വ വി​ഷ​യ​ത്തി​ലെ നി​ല​പാ​ട്​ ഉ​ൾ​പ്പെ​ടു​ത്ത​ണ​മെ​ന്ന ആ​വ​ശ്യ​പ്പെ​ട്ടി​രു​ന്നു. ജ​നു​വ​രി 29നാ​ണ്​ ഗ​വ​ർ​ണ​റു​ടെ പ്ര​സം​ഗം.

ന​യ​പ്ര​ഖ്യാ​പ​ന പ്ര​സം​ഗ​വും സ​ർ​ക്കാ​ർ-​ഗ​വ​ർ​ണ​ർ പോ​രി​ന്​ വീ​ണ്ടും വ​ഴി​യൊ​രു​ക്കി​യേ​ക്കു​മെ​ന്ന ആ​ശ​ങ്ക ഉ​യ​ർ​ന്നി​ട്ടു​ണ്ട്. പൗ​ര​ത്വ ഭേ​ദ​ഗ​തി​ക്തെി​രെ സ​ർ​ക്കാ​ർ സു​പ്രീം​കോ​ട​തി​യി​ൽ പോ​കും മു​മ്പ്​ അ​നു​മ​തി വാ​ങ്ങേ​ണ്ടി​യി​രു​ന്നു​വെ​ന്നും ചെ​യ്യാ​ത്ത​ത്​ നി​യ​മ​ലം​ഘ​ന​മാ​ണെ​ന്നും ഗ​വ​ർ​ണ​ർ​ ആ​വ​ർ​ത്തി​ക്കു​ന്ന ഘ​ട്ട​ത്തി​ലാ​ണ്​ ന​യ​പ്ര​ഖ്യാ​പ​നം വ​രു​ന്ന​ത്. പൗ​ര​ത്വ ഭേ​ദ​ഗ​തി നി​യ​മ​ത്തെ അ​നു​കൂ​ലി​ക്കു​ന്ന ഗ​വ​ർ​ണ​ർ ഇൗ ​ഭാ​ഗം വാ​യി​ക്കു​േ​​മാ എ​ന്നാ​ണ്​ ഏ​വ​രും ഉ​റ്റു​നോ​ക്കു​ന്ന​ത്. ക​ര​ട്​ രാ​ജ്​​ഭ​വ​ന്​ അ​യ​ക്കും. ഗ​വ​ർ​ണ​ർ​ക്ക്​ മാ​റ്റം ആ​വ​ശ്യ​പ്പെ​ടാ​മെ​ങ്കി​ലും അം​ഗീ​ക​രി​ക്കേ​ണ്ട നി​യ​മ​പ​ര​മാ​യ ബാ​ധ്യ​ത സ​ർ​ക്കാ​റി​നി​ല്ല.

താ​ൽ​പ​ര്യ​മി​ല്ലാ​ത്ത ഭാ​ഗം വാ​യി​ക്കാ​തെ വി​ട്ടു​ക​ള​യു​ന്ന രീ​തി മു​മ്പ്​ പ​ല ഗ​വ​ർ​ണ​ർ​മാ​രും സ്വീ​ക​രി​ച്ചി​ട്ടു​ണ്ട്. സു​ഖേ​ദേ​വ്​ സി​ങ്​ കാ​ങ്, പി. ​സ​ദാ​ശി​വം എ​ന്നി​വ​ർ പ്ര​സം​ഗ​ത്തി​ലെ ചി​ല പ​രാ​മ​ർ​ശ​ങ്ങ​ൾ വി​ട്ടി​ട്ടു​ണ്ട്. ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ൻ യോ​ജി​ക്കാ​ത്ത ഭാ​ഗം വി​ട്ടു​ക​ള​ഞ്ഞ്​ വാ​യി​ക്കു​േ​മാ, പു​റ​ത്ത്​ നി​ല​പാ​ട്​ പ​ര​സ്യ​മാ​യി പ്ര​ഖ്യാ​പി​ക്കു​മോ എ​ന്നാ​ണ്​ ആ​കാം​ക്ഷ.