മുഖ്യമന്ത്രിയുടെ വിമർശനം: പൊലീസ് പാസിങ്​ ഔട്ട് പരേഡ് പരിഷ്കരിച്ചു, ഇനി ഒറ്റ രീതി

തൃ​ശൂ​ർ: മു​ഖ്യ​മ​ന്ത്രി​യു​ടെ വി​മ​ർ​ശ​ന​ത്തെ തു​ട​ർ​ന്ന്​ കേ​ര​ള പൊ​ലീ​സി​ന്റെ പാ​സി​ങ്​ ഔ​ട്ട് പ​രേ​ഡ് രീ​തി പ​രി​ഷ്ക​രി​ച്ചു. കേ​ര​ള പൊ​ലീ​സി​ന്റെ എ​ല്ലാ സേ​ന​യും വി​ഭാ​ഗ​വും ഒ​രേ രീ​തി​യി​ലാ​ണ്​ ഇ​നി പ​രേ​ഡ് ന​ട​ത്തു​ക. പ​രേ​ഡ് രീ​തി പ​രി​ഷ്ക​രി​ച്ചും ഏ​കീ​ക​രി​ച്ചും ആ​ഭ്യ​ന്ത​ര വ​കു​പ്പ് പു​തി​യ ഉ​ത്ത​വ് പു​റ​പ്പെ​ടു​വി​ച്ചു.

രാ​വി​ലെ 8.30ന് ​പ​രേ​ഡി​ലെ മു​ഖ്യാ​തി​ഥി ബ​ഹു​മ​തി ന​ൽ​കി​ക്ക​ഴി​ഞ്ഞു​ള്ള പ​രേ​ഡ് പ​രി​ശോ​ധ​ന​ക്ക് ശേ​ഷ​മാ​ക​ണം ദേ​ശീ​യ​പ​താ​ക​ക്ക് അ​ഭി​വാ​ദ​നം ന​ൽ​കു​ന്ന​ത് എ​ന്ന​താ​ണ്​ പു​തി​യ രീ​തി. പ​രേ​ഡ് പ​രി​ശോ​ധ​ന​ക്ക് ശേ​ഷം ഫോ​ർ​ട്ട് ഭാ​ഗ​ത്ത് നി​ന്ന് വേ​ണം ദേ​ശീ​യ​പ​താ​ക പ​രേ​ഡ് മൈ​താ​ന​ത്തി​ന്റെ മ​ധ്യ​ത്തി​ലേ​ക്ക് എ​ത്താ​ൻ.

ഈ ​സ​മ​യം ദേ​ശീ​യ ഗാ​നം ആ​ല​പി​ക്ക​ണം. സ​ത്യ​പ്ര​തി​ജ്ഞ ച​ട​ങ്ങ്, പ​താ​ക ഏ​ന്തി​യു​ള്ള മാ​ർ​ച്ച്, വേ​ഗ​ത്തി​ലും മെ​ല്ലെ​യു​മു​ള്ള സേ​നാം​ഗ​ങ്ങ​ളു​ടെ മാ​ർ​ച്ച്, റി​വ്യൂ, റി​പ്പോ​ർ​ട്ട്, സ​മ്മാ​ന​ദാ​നം, മു​ഖ്യാ​തി​ഥി​യു​ടെ പ്ര​സം​ഗം, ച​ട​ങ്ങ് പി​രി​ച്ചു​വി​ട​ൽ എ​ന്നി​ങ്ങ​നെ​യാ​ണ് ക്ര​മം. തു​റ​ന്ന ജീ​പ്പി​ൽ മു​ഖ്യാ​തി​ഥി പ​രേ​ഡ് പ​രി​ശോ​ധി​ക്കു​മ്പോ​ൾ ബ​റ്റാ​ലി​യ​ൻ എ.​ഡി.​ജി.​പി​യോ പൊ​ലീ​സ് അ​ക്കാ​ദ​മി ഡ​യ​റ​ക്ട​റോ അ​ക​മ്പ​ടി സേ​വി​ക്ക​ണം.

കേ​ര​ള പൊ​ലീ​സി​ന്റെ എ​ല്ലാ ത​സ്തി​ക​യി​ലു​ള്ള പാ​സി​ങ്ങ് ഔ​ട്ട് പ​രേ​ഡി​നും ഈ ​രീ​തി മാ​ത്ര​മേ ഉ​പ​യോ​ഗി​ക്കാ​വൂ. സ​ത്യ​പ്ര​തി​ജ്ഞ വേ​ള​യി​ൽ ദേ​ശീ​യ​പ​താ​ക ഇ​ള​ക്ക​രു​ത്. ദേ​ശീ​യ പ​താ​ക​യേ​ന്തി​യ​വ​ർ പ​രേ​ഡു​കാ​രു​ടെ ഇ​ട​യി​ലൂ​ടെ ന​ട​ക്ക​രു​തെ​ന്നും കേ​ര​ള പൊ​ലീ​സ് മേ​ധാ​വി പു​റ​ത്തി​റ​ക്കി​യ പ​രേ​ഡ് സ്റ്റാ​ൻ​ഡി​ങ്​ ഓ​ർ​ഡ​റി​ലു​ണ്ട്. കേ​ര​ള പൊ​ലീ​സ്, സി.​ആ​ർ.​പി.​എ​ഫ്, നാ​ഷ​ന​ൽ പൊ​ലീ​സ് അ​ക്കാ​ദ​മി, ക​ർ​ണാ​ട​ക പൊ​ലീ​സ് എ​ന്നി​വ​യു​ടെ പാ​സി​ങ്​ ഔ​ട്ട് രീ​തി​ക​ൾ പ​ഠി​ച്ച് പൊ​ലീ​സ് ട്രെ​യി​നി​ങ്​ അ​ഡീ​ഷ​ന​ൽ ഡി.​ജി.​പി ചെ​യ​ർ​മാ​നാ​യ സ​മി​തി​യാ​ണ് പു​തി​യ രീ​തി ത​യാ​റാ​ക്കി​യ​ത്.

അ​ക്കാ​ദ​മി​യി​ൽ ക​ഴി​ഞ്ഞ മാ​സം ര​ണ്ടി​ന് പ​തി​വ് ശൈ​ലി​ക്ക് വി​പ​രീ​ത​മാ​യി കേ​ന്ദ്ര ശൈ​ലി​യി​ൽ പ​രേ​ഡ് ന​ട​ത്തി​യി​രു​ന്നു. മു​ഖ്യാ​തി​ഥി​യാ​യി ഓ​ൺ​ലൈ​നി​ൽ പ​ങ്കെ​ടു​ത്ത മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​സം​ഗ​ത്തി​ൽ ത​ന്നെ ഇ​തി​നെ വി​മ​ർ​ശി​ച്ചു.

പ​തി​വി​ല്ലാ​ത്ത രീ​തി ക​ണ്ടു​വെ​ന്നും പ​രി​ശീ​ല​നം ത​ന്നെ പി​ഴ​വു​ള്ള​താ​യാ​ൽ സേ​ന​യെ ആ​കെ ബാ​ധി​ക്കു​മെ​ന്നും ഇ​ക്കാ​ര്യം പ​രി​ശോ​ധി​ക്ക​ണ​മെ​ന്നും മു​ഖ്യ​മ​ന്ത്രി നി​ർ​ദേ​ശി​ച്ചി​രു​ന്നു. കേ​ന്ദ്ര സേ​ന​യി​ൽ നി​ന്നും ഡെ​പ്യൂ​ട്ടേ​ഷ​നി​ലെ​ത്തി​യ ഉ​ദ്യോ​ഗ​സ്ഥ​നാ​യി​രു​ന്നു അ​ന്ന് പ​രേ​ഡി​ന്‍റെ ചു​മ​ത​ല​യി​ലു​ണ്ടാ​യി​രു​ന്ന​ത്.