1. താനൂർ സ്കൂൾ പടിയിൽ അപകടത്തിൽപെട്ട ലോറി, 2. അപകടത്തിൽപെട്ടയുടൻ വാഹനങ്ങൾക്ക് തീപിടിച്ചപ്പോൾ, 3. അപകടത്തിൽ മരിച്ച നവാസ്
മലപ്പുറം: കൂട്ടിയിടിച്ച ലോറിക്കും ബൈക്കിനും തീപിടിച്ച് ബൈക്ക് യാത്രികൻ വെന്തുമരിച്ചു. കൊണ്ടോട്ടി വലിയപറമ്പ് സ്വദേശി നവാസ് (25) ആണ് മരിച്ചത്. താനൂർ സ്കൂൾപടിയിൽ ശനിയാഴ്ച ഉച്ചക്ക് രണ്ടോടെയാണ് അപകടം. താനൂര്‍ ഭാഗത്തേക്ക് പോകുന്ന ബൈക്കില്‍ എതിര്‍ദിശയില്‍നിന്ന് നിയന്ത്രണംവിട്ടെത്തിയ ലോറി ഇടിക്കുകയായിരുന്നു. ലോറി സമീപത്തെ വൈദ്യുതി തൂണിലിടിച്ചതോടെയാണ് തീപടർന്നത്.
ലോറിക്കടിയിൽ അകപ്പെട്ട നവാസിന്റെ ശരീരത്തിലും തീപടർന്നു. താനൂരിൽനിന്നെത്തിയ അഗ്നിരക്ഷ സേനയും നാട്ടുകാരും ചേർന്ന് ലോറിയുടെ ഡീസൽ ടാങ്കിലേക്ക് പടരും മുമ്പ് തീയണച്ചെങ്കിലും മാരക പൊള്ളലേറ്റ നവാസ് മരിച്ചിരുന്നു. ബൈക്ക് പൂർണമായും ലോറി ഭാഗികമായും കത്തിയിട്ടുണ്ട്. നവാസിന്റെ മൃതദേഹം തിരൂര്‍ ജില്ലാ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.