കോൺഗ്രസ്​ പുനഃസംഘടന: പട്ടിക തയാറാക്കൽ അന്തിമഘട്ടത്തിൽ

തി​രു​വ​ന​ന്ത​പു​രം: ഡി.​സി.​സി ഭാ​ര​വാ​ഹി​ക​ളു​ടെ​യും ബ്ലോ​ക്ക്​ ക​മ്മി​റ്റി ​പ്ര​സി​ഡ​ന്‍റു​മാ​രു​ടെ​യും പ​ട്ടി​ക ത​യാ​റാ​ക്ക​ൽ അ​ന്തി​മ​ഘ​ട്ട​ത്തി​ൽ. പ​ട്ടി​ക​ക്ക്​ അ​ന്തി​മ​രൂ​പം ന​ൽ​കാ​ൻ​ കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​നും ​പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​നും കെ.​പി.​സി.​സി ആ​സ്ഥാ​ന​ത്ത്​ അ​ട​ച്ചി​ട്ട മു​റി​യി​ൽ തി​ങ്ക​ളാ​ഴ്ച ഉ​ച്ച​ക്കു​ശേ​ഷം ആ​രം​ഭി​ച്ച കൂ​ടി​യാ​ലോ​ച​ന രാ​ത്രി​യും തു​ട​ർ​ന്നു. ചൊ​വ്വാ​ഴ്ച രാ​വി​ലെ പ്ര​തി​പ​ക്ഷ​നേ​താ​വ്​ ക​ണ്ണൂ​രി​ലേ​ക്ക്​ പോ​കു​ന്ന​തി​നാ​ൽ അ​ന്തി​മ​പ​ട്ടി​ക ത​യാ​റാ​ക്കാ​നു​ള്ള ശ്ര​മ​മാ​ണ്​ ഇ​രു​വ​രും ന​ട​ത്തു​ന്ന​ത്.

ര​ണ്ടാ​യാ​ഴ്ച മു​മ്പ്​ 14 ഡി.​സി.​സി​ക​ളി​ൽ​നി​ന്ന്​ എ​ത്തി​ച്ച ഭാ​ര​വാ​ഹി​ക​ളു​ടെ ക​ര​ട്​ പ​ട്ടി​ക കെ.​പി.​സി.​സി പ്ര​സി​ഡ​ന്‍റി​ന്‍റെ നേ​തൃ​ത്വ​ത്തി​ൽ വെ​ട്ടി​ച്ചു​രു​ക്കി. ദി​വ​സ​ങ്ങ​ൾ നീ​ണ്ട ഈ ​പ്ര​ക്രി​യ തി​ങ്ക​ളാ​ഴ്ച ഉ​ച്ച​യോ​ടെ പൂ​ർ​ത്തി​യാ​യ​തി​ന്​ പി​ന്നാ​ലെ​യാ​ണ്​ പ്ര​തി​പ​ക്ഷ​നേ​താ​വും കെ.​പി.​സി.​സി പ്ര​സി​ഡ​ന്‍റും ച​ർ​ച്ച ആ​രം​ഭി​ച്ച​ത്. ഏ​തെ​ങ്കി​ലും ഗ്രൂ​പ്പി​ന്​ അ​മി​ത​​​പ്രാ​തി​നി​ധ്യം ന​ൽ​കാ​തെ അ​ർ​ഹ​ത​പ്പെ​ട്ട​വ​ർ​ക്ക്​ പ​രി​ഗ​ണ​ന ന​ൽ​കും​വി​ധ​മാ​ണ്​ പ​ട്ടി​ക ത​യാ​റാ​ക്കി​യ​ത​ത്രെ. വെ​ട്ടി​ച്ചു​രു​ക്കി​യ ഈ ​പ​ട്ടി​ക​യി​ലും ഓ​രോ ജി​ല്ല​യി​ലേ​ക്കും ആ​വ​ശ്യ​മു​ള്ള​തി​െ​ന​ക്കാ​ൾ കൂ​ടു​ത​ൽ പേ​രു​ക​ൾ ഉ​ൾ​പ്പെ​ടു​ത്തി​യി​ട്ടു​ണ്ട്.

അ​തി​നാ​ൽ പ്ര​തി​പ​ക്ഷ​നേ​താ​വു​മാ​യി ന​ട​ക്കു​ന്ന കൂ​ടി​ക്കാ​ഴ്ച​ക്ക്​ ശേ​ഷ​മാ​കും അ​ന്തി​മ​പ​ട്ടി​ക ത​യാ​റാ​ക്കു​ക. ചൊ​വ്വാ​ഴ്ച​യോ​ടെ അ​തി​ന്​ സാ​ധി​ക്കു​ക​യും അ​വ​സാ​ന​ഘ​ട്ടം മ​റ്റ്​ അ​ട്ടി​മ​റി​ക​ളൊ​ന്നും സം​ഭ​വി​ക്കാ​തി​രി​ക്കു​ക​യും ചെ​യ്താ​ൽ ബു​ധ​നാ​ഴ്ച​യോ വ്യാ​ഴാ​ഴ്ച​യോ പു​നഃ​സം​ഘ​ട​ന സം​ബ​ന്ധി​ച്ച പ്ര​ഖ്യാ​പ​നം ന​ട​ത്താ​ൻ ക​ഴി​ഞ്ഞേ​ക്കും.

ഡി​സം​ബ​റി​ൽ പൂ​ർ​ത്തീ​ക​രി​ക്കു​മെ​ന്ന്​ നേ​താ​ക്ക​ൾ അ​റി​യി​ച്ച പു​നഃ​സം​ഘ​ട​ന​യാ​ണ്​ ഇ​പ്പോ​ൾ ല​ക്ഷ്യ​ത്തോ​ട​ടു​ക്കു​ന്ന​ത്. വൈ​കി​യെ​ങ്കി​ലും പ​ര​മാ​വ​ധി തൃ​പ്തി​ക​ര​മാ​യ പ​ട്ടി​ക പു​റ​ത്തി​റ​ക്കി പൊ​ട്ടി​ത്തെ​റി പ​ര​മാ​വ​ധി ഒ​ഴി​വാ​ക്കു​ക​യെ​ന്ന ക​ഠി​ന​ശ്ര​മ​മാ​ണ്​ നേ​തൃ​ത്വം ന​ട​ത്തു​ന്ന​ത്.

പ​ട്ടി​ക സം​ബ​ന്ധി​ച്ച്​ ഗ്രൂ​പ് നേ​താ​ക്ക​ളു​മാ​യി കെ.​പി.​സി.​സി പ്ര​സി​ഡ​ന്‍റ്​ നേ​ര​േ​ത്ത ച​ർ​ച്ച ന​ട​ത്തി​യി​രു​ന്നു. ഓ​രോ ജി​ല്ല​യി​ലും അ​വ​രു​ടെ താ​ൽ​പ​ര്യം മ​ന​സ്സി​ലാ​ക്കാ​നാ​യി​രു​ന്നു ച​ർ​ച്ച. അ​തി​നു​​ശേ​ഷ​മാ​ണ്​ ജി​ല്ല​ക​ളി​ൽ​നി​ന്ന്​ എ​ത്തി​ച്ച ക​ര​ട്​ പ​ട്ടി​ക​യി​ൽ വെ​ട്ടി​ച്ചു​രു​ക്ക​ൽ ആ​രം​ഭി​ച്ച​ത്. അ​തി​നി​ടെ, പ്ര​തി​പ​ക്ഷ​നേ​താ​വി​ന്‍റെ ഔ​ദ്യോ​ഗി​ക വ​സ​തി​യി​ൽ ഗ്രൂ​പ്​ യോ​ഗം ചേ​ർ​ന്നെ​ന്നും പ​രി​ശോ​ധ​ന​ക്ക്​ കെ.​പി.​സി.​സി പ്ര​സി​ഡ​ന്‍റ്​ ആ​ളെ അ​യ​ച്ചെ​ന്നും വാ​ർ​ത്ത പ​ര​ന്ന​ത്​ നേ​തൃ​ത്വ​ത്തെ അ​ങ്ക​ലാ​പ്പി​ലാ​ക്കി​യി​രു​ന്നു.