മലപ്പുറം: വാഴക്കാട് ചാലിയപ്രം ഹൈസ്കൂളിലെ എസ്.എസ്.എല്‍.സി സർട്ടിഫിക്കറ്റിൽ സീൽ മാറി പതിച്ചു. സൂളിെൻറ സീലിന് പകരം സ്കൂൾ സഹകരണ സംഘത്തിെൻറ സീലാണ് പതിപ്പിച്ചത്. ചാലിയപ്രം ജി.യു.പി സ്കൂൾ കോ-ഒാപ്പറേറ്റീവ് സൊസൈറ്റി എന്ന സീലാണ് സർട്ടിഫിക്കറ്റുകളിലുള്ളത്.
യു.പി സ്കൂൾ ഹൈസ്കൂളാക്കി ഉയർത്തിയ ശേഷമുള്ള ആദ്യ ബാച്ച് എസ്.എസ്.എൽ.സിയുടെ സറട്ടിഫിക്കറ്റിലാണ് അബദ്ധം. ഉപരിപഠനം തടസപ്പെടുമോ എന്ന ആശങ്കയിലാണ് സർട്ടിഫിക്കറ്റ് ലഭിച്ച വിദ്യാർഥികൾ. ചാലിയപ്രം സ്കൂളിൽ നിന്നും പാസായ 50 വിദ്യാർഥികളുടെ സർട്ടിഫിക്കറ്റിലാണ് സീൽ മാറി പതിച്ചത്.
തെറ്റായ സീലുള്ള സർട്ടിഫിക്കറ്റുമായി ഉപരിപഠനത്തിന് അപേക്ഷിച്ച വിദ്യാർഥികൾ ആശങ്കയിലാണ്. പ്രധാന അധ്യാപികക്ക് സംഭവിച്ച പിഴവാണിതെന്ന് വ്യക്തമായിട്ടുണ്ട്. സർട്ടിഫിക്കറ്റിെൻറ ഡ്യൂപ്ലിക്കേറ്റിന് അപേക്ഷിക്കാനുള്ള ചിലവ് വഹിക്കാമെന്ന് സ്കൂള്‍ മാനേജ്മെൻറ് വിദ്യാർഥികളെ അറിയിച്ചിട്ടുണ്ട്. 45വിദ്യാർഥികളുടെ സർട്ടിഫിക്കറ്റ് മാറ്റി നൽകാൻ നടപടി ആരംഭിച്ചു. അഞ്ചുപേർ എത്തിയിട്ടില്ലെന്നും സ്കൂൾ അധികൃതർ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.