പാഠ്യപദ്ധതി പരിഷ്കരണം: പുതിയ പാഠപുസ്തകം രണ്ടു വര്‍ഷത്തിനകം -മന്ത്രി ശിവന്‍കുട്ടി

അ​മ്പ​ല​പ്പു​ഴ: പാ​ഠ്യ​പ​ദ്ധ​തി പ​രി​ഷ്ക​ര​ണ പ്ര​വ​ർ​ത്ത​നം ആ​രം​ഭി​ച്ച​താ​യി മ​ന്ത്രി വി. ​ശി​വ​ൻ​കു​ട്ടി.ര​ണ്ടു​വ​ർ​ഷ​ത്തി​നു​ള്ളി​ൽ പു​തി​യ പാ​ഠ​പു​സ്ത​ക​ങ്ങ​ൾ പു​റ​ത്തി​റ​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ പൂ​ർ​ണ​വി​ജ​യം നേ​ടി​യ അ​മ്പ​ല​പ്പു​ഴ കെ.​കെ. കു​ഞ്ചു​പി​ള്ള സ്മാ​ര​ക സ്കൂ​ളി​ലെ വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും അ​നു​മോ​ദി​ക്കാ​നെ​ത്തി​യ​താ​യി​രു​ന്നു മ​ന്ത്രി.

ദേ​ശീ​യ നി​ല​വാ​ര​ത്തി​ലും സാ​ർ​വ​ദേ​ശീ​യ നി​ല​വാ​ര​ത്തി​ലു​മു​ള്ള വി​ഷ​യ​ങ്ങ​ൾ പാ​ഠ​പു​സ്ത​ക​ത്തി​ൽ ഉ​ൾ​പ്പെ​ടു​ത്തും. സാ​മൂ​ഹി​ക പ്ര​തി​ബ​ദ്ധ​ത, ഭ​ര​ണ​ഘ​ട​ന മൂ​ല്യ​ങ്ങ​ൾ, കൃ​ഷി, സം​സ്കാ​രം, ഭാ​ഷ തു​ട​ങ്ങി​യ​വ​യും ഉ​ൾ​പ്പെ​ടു​ത്തും. പാ​ഠ​പു​സ്ത​കം പൂ​ർ​ണ​രൂ​പ​മാ​യാ​ൽ പൊ​തു​ജ​ന​ങ്ങ​ൾ​ക്ക് അ​ഭി​പ്രാ​യം അ​റി​യി​ക്കു​ന്ന​തി​ന്​ അ​വ​സ​ര​മൊ​രു​ക്കും.

ഈ ​വ​ർ​ഷം സാ​ധാ​ര​ണ ക്ലാ​സു​ക​ൾ ഉ​ള്ള​തു​പോ​ലെ ഓ​ൺ​ലൈ​ൻ ക്ലാ​സു​ക​ളും ഉ​ണ്ടാ​കും. കോ​വി​ഡ്​ പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ ശ​ക്ത​മാ​ക്കും. എ​സ്.​എ​സ്.​എ​ൽ.​സി വി​ജ​യി​ച്ച എ​ല്ലാ വി​ദ്യാ​ർ​ഥി​ക​ൾ​ക്കും ഉ​പ​രി​പ​ഠ​നം ഉ​റ​പ്പാ​ക്കും. പ്രീ​പ്രൈ​മ​റി​ത​ലം മു​ത​ൽ ഹ​യ​ർ സെ​ക്ക​ൻ​ഡ​റി​വ​രെ അ​ക്കാ​ദ​മി​ക് നി​ല​വാ​രം മെ​ച്ച​പ്പെ​ടു​ത്തു​മെ​ന്നും മ​ന്ത്രി പ​റ​ഞ്ഞു.

അ​നു​മോ​ദ​ന​വു​മാ​യി മ​ന്ത്രി

അ​മ്പ​ല​പ്പു​ഴ: ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ സ​മ്പൂ​ർ​ണം വി​ജ​യം നേ​ടി​യ വി​ദ്യാ​ല​യ​ങ്ങ​ൾ​ക്ക് വി​ദ്യാ​ഭ്യാ​സ മ​ന്ത്രി​യു​ടെ അ​നു​മോ​ദ​നം. അ​മ്പ​ല​പ്പു​ഴ കെ.​കെ. കു​ഞ്ചു​പി​ള്ള സ്മാ​ര​ക സ്കൂ​ൾ, കാ​ക്കാ​ഴം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നി​വി​ട​ങ്ങ​ളി​ലാ​ണ് മ​ന്ത്രി വി. ​ശി​വ​ൻ​കു​ട്ടി എ​ത്തി​യ​ത്. കാ​ക്കാ​ഴം സ്കൂ​ളി​ൽ 319ഉം ​കു​ഞ്ചു​പി​ള്ള സ്മാ​ര​ക സ്കൂ​ളി​ൽ 109 വി​ദ്യാ​ർ​ഥി​ക​ളു​മാ​ണ് പ​രീ​ക്ഷ​യെ​ഴു​തി​യ​ത്.

കു​ഞ്ചു​പി​ള്ള സ്മാ​ര​ക സ്കൂ​ൾ തു​ട​ർ​ച്ച​യാ​യ പ​ത്താം വ​ർ​ഷ​മാ​ണ് ഈ ​നേ​ട്ടം സ്വ​ന്ത​മാ​ക്കി​യ​ത്. കാ​ക്കാ​ഴം സ്കൂ​ൾ ഇ​താ​ദ്യ​മാ​യാ​ണ് ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ നൂ​റു​ശ​ത​മാ​നം വി​ജ​യം നേ​ടു​ന്ന​ത്. വെ​ള്ളി​യാ​ഴ്ച ഉ​ച്ച​യോ​ടെ​യാ​ണ് ര​ണ്ട് വി​ദ്യാ​ല​യ​ത്തി​ലും മ​ന്ത്രി​യെ​ത്തി​യ​ത്. വി​ജ​യ​ത്തി​ന് ചു​ക്കാ​ൻ പി​ടി​ച്ച അ​ധ്യാ​പ​ക​ർ​ക്കും വി​ജ​യം നേ​ടി​യ എ​ല്ലാ വി​ദ്യാ​ർ​ഥി​ക​ൾ​ക്കും മ​ന്ത്രി മ​ധു​രം ന​ൽ​കി. ത​ങ്ങ​ളെ അ​നു​മോ​ദി​ക്കാ​ൻ നേ​രി​ട്ട് സ്കൂ​ളു​ക​ളി​ലെ​ത്തി​യ മ​ന്ത്രി​ക്ക് അ​ധ്യാ​പ​ക​രും വി​ദ്യാ​ർ​ഥി​ക​ളും വ​ലി​യ വ​ര​വേ​ൽ​പാ​ണ് ന​ൽ​കി​യ​ത്. മ​ന്ത്രി​യെ ജ​ന​പ്ര​തി​നി​ധി​ക​ൾ പൊ​ന്നാ​ട​യ​ണി​യി​ച്ചു.

എ​ച്ച്. സ​ലാം എം.​എ​ൽ.​എ, പ​ഞ്ചാ​യ​ത്ത് പ്ര​സി​ഡ​ന്‍റു​മാ​രാ​യ കെ. ​ക​വി​ത, എ​സ്. ഹാ​രി​സ്, ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ പി. ​ര​മേ​ശ​ൻ, ബ്ലോ​ക്ക് പ​ഞ്ചാ​യ​ത്ത്​ അം​ഗ​ങ്ങ​ളാ​യ ആ​ർ. ശ്രീ​ജ, ആ​ർ. ജ​യ​രാ​ജ്, ഗ്രാ​മ​പ​ഞ്ചാ​യ​ത്ത്​ അം​ഗ​ങ്ങ​ളാ​യ മ​നോ​ജ് കു​മാ​ർ, ലേ​ഖ മോ​ൾ സ​നി​ൽ, പ്രി​ൻ​സി​പ്പ​ൽ​മാ​രാ​യ വി. ​ബി​നൂ​ജ, അ​രു​ൺ ജി. ​കൃ​ഷ്ണ​ൻ, പി.​ടി.​എ പ്ര​സി​ഡ​ന്‍റു​മാ​രാ​യ ഉ​മേ​ഷ്, എ. ​ന​സീ​ർ തു​ട​ങ്ങി​യ​വ​ർ പ​ങ്കെ​ടു​ത്തു.