സ​ഭ​യു​ടെ പേരിൽ വ​ർ​ഗീ​യ​വി​ഷം വി​ള​മ്പരുതെന്ന് ദീപിക മുഖപ്രസംഗം: ‘സ്വ​ന്തം മ​ത​ത്തി​ലെ തീ​വ്ര​വാ​ദി​ക്കൂ​ട്ട​ങ്ങ​ളെ ത​ള്ളി​പ്പ​റ​യാ​ൻ സ​ഭ​ക്ക് മ​ടി​യില്ല’

കോട്ടയം: ക​ത്തോ​ലി​ക്കാ​ സ​ഭ​യു​ടെ പേ​രു പ​റ​ഞ്ഞ് വ​ർ​ഗീ​യ​ത​യു​ടെ വി​ഷം വി​മ്പാൻ ആ​രും ഇ​ല​യി​ടേണ്ടെന്ന് ക​ത്തോ​ലി​ക്കാ​ സ​ഭ മുഖപത്രമായ ദീപികയുടെ മുഖപ്രസംഗം. കേരള സ്റ്റോറിയെന്ന വിവാദ വിദ്വേഷ സിനിമ രൂപതകളിൽ പ്രദർശിപ്പിക്കുന്നതിന്റെയും കാസ അടക്കമുള്ള തീവ്ര ക്രൈസ്തവ വർഗീയ സംഘടനകളുടെ വിദ്വേഷ പ്രചാരണത്തിന്റെയും പശ്ചാത്തലത്തിലാണ് ‘പാ​ന​പാ​ത്ര​മേ​താ​യാ​ലും വി​ഷം കു​ടി​ക്ക​രു​ത്’ എന്ന തലക്കെട്ടിലുള്ള മുഖപ്രസംഗം ശ്രദ്ധേയമാകുന്നത്.

ക്രൈ​സ്ത​വ​രെ ര​ക്ഷി​ക്കാ​നെ​ന്ന മു​ഖം​മൂ​ടി​യി​ട്ട് ഇ​ത​ര മ​ത​സ്ഥ​രെ അ​വ​ഹേ​ളി​ക്കു​ന്ന ക്രി​സ്ത്യ​ൻ നാ​മ​ധാ​രി​ക​ൾ ആ​രാ​യാ​ലും സ​ഭ​യു​ടെ തോ​ളി​ലി​രു​ന്നു ചെ​വി തി​ന്നേ​ണ്ട. അ​ന്ത്യ​ത്താ​ഴ​വേ​ള​യി​ൽ ക്രി​സ്തു കാ​സ​യി​ലെ​ടു​ത്തു കൊ​ടു​ത്ത​ത് സ്വ​ന്തം ര​ക്ത​മാ​ണ്, അ​പ​ര​ന്‍റെ​യ​ല്ല. ആ​ടു​ക​ളാ​ണെ​ങ്കി​ലും ഇ​ട​യ​ന്മാ​രാ​ണെ​ങ്കി​ലും ഇ​ത​ര മ​ത​വി​ദ്വേ​ഷം പ്ര​ച​രി​പ്പി​ക്കു​ന്ന​വ​രു​ടെ നു​ണ​പ്ര​ചാ​ര​ണ​ങ്ങ​ളി​ൽ കു​ടു​ങ്ങി സോ​ഷ്യ​ൽ മീ​ഡി​യ​യി​ൽ വൈ​കാ​രി​ക പ്ര​തി​ക​ര​ണ​ത്തി​നി​റ​ങ്ങരുത്. പ്ര​ലോ​ഭ​ന​ങ്ങ​ളി​ൽ ഉ​ൾ​പ്പെ​ടാ​തി​രി​ക്കാ​ൻ ഉ​ണ​ർ​ന്നി​രു​ന്നു പ്രാ​ർ​ഥി​ക്കണമെന്നും എഡിറ്റോറിയലിൽ അഭ്യർഥിച്ചു.

ചി​ല​രു​ടെ വി​ദ്വേ​ഷ​പ്ര​ചാ​ര​ണം ക്രൈ​സ്ത​വ​രെ​യാ​കെ തെ​റ്റി​ദ്ധ​രി​പ്പി​ക്കും വി​ധ​മാ​ണ്. തെ​റ്റുപറ്റിയാൽ ​ന്യാ​യീ​ക​രി​ക്കാ​തെ കു​രി​ശി​ൽപി​ടി​ച്ച് ലോ​ക​ത്തോ​ടു മാ​പ്പു പ​റ​യാ​ൻ മ​ടി​ച്ചി​ട്ടി​ല്ലാ​ത്ത​വ​രാ​ണ് ക​ത്തോ​ലി​ക്കാ സ​ഭ​യെ ന​യി​ക്കു​ന്ന​ത്. സ്വ​ന്തം മ​ത​ത്തി​ലെ അ​തി​ന്യൂ​ന​പ​ക്ഷ​മാ​യ തീ​വ്ര​വാ​ദി​ക്കൂ​ട്ട​ങ്ങ​ളെ ത​ള്ളി​പ്പ​റ​യാ​ൻ സ​ഭ​യ്ക്കു മ​ടി​യി​ല്ല -മുഖപ്രസംഗം തുടർന്നു.

മുഖപ്രസംഗത്തിൽനിന്ന്:

‘സ്വ​ന്തം മ​ത​മൗ​ലി​ക​വാ​ദ​ത്തെ ഓ​മ​നി​ച്ചു വ​ള​ർ​ത്തി​ക്കൊ​ണ്ട് മ​റ്റെ​ല്ലാ മ​ത​ങ്ങ​ളു​ടെ​യും തീ​വ്ര​വാ​ദ​ത്തെ​യും വ​ർ​ഗീ​യ​വാ​ദ​ത്തെ​യും പ്ര​തി​രോ​ധി​ക്കാ​നി​റ​ങ്ങു​ന്ന കാ​പ​ട്യ​ത്തെ കേ​ര​ളം ഏ​റ്റെ​ടു​ക്കി​ല്ല. സ്വ​ന്തം മ​ത​ത്തി​നു​വേ​ണ്ടി മാ​ത്രം ഇ​ര​വേ​ഷം കെ​ട്ടി​യാ​ടി സ​മാ​ധാ​ന​ത്തി​ന്‍റെ ക​ഴു​ത്ത​റ​ക്കു​ന്ന​വ​രെ​യും, സ​മു​ദാ​യ​സ്നേ​ഹ​ത്തി​ന്‍റെ വീ​ഞ്ഞെ​ന്ന വ്യാ​ജേ​ന ഇ​ത​ര മ​ത​വി​ദ്വേ​ഷ​ത്തി​ന്‍റെ പാ​ന​പാ​ത്ര​വു​മാ​യെ​ത്തു​ന്ന​വ​രെ​യും, സ്വ​ന്തം മ​ത​ത്തി​ൽ പെ​ടാ​ത്ത സ​ഹ​പൗ​ര​ന്മാ​രെ ര​ണ്ടാം ത​ര​ക്കാ​രാ​യി വി​ചാ​രി​ക്കു​ന്ന ഹിം​സ​യു​ടെ ധാ​ര​ക​ളെ ത​ള്ളി​പ്പ​റ​യാ​തെ മ​തേ​ത​ര ജ​നാ​ധി​പ​ത്യ​ത്തെ മ​ത​വേ​ഷം കെ​ട്ടി​ക്കാ​ൻ ശ്ര​മി​ക്കു​ന്ന​വ​രെ​യും നാം ​തി​രി​ച്ച​റി​യേ​ണ്ട​തു​ണ്ട്.

ദൈ​വ​ത്തി​നു​ള്ള​തു ദൈ​വ​ത്തി​നും സീ​സ​റി​നു​ള്ള​തു സീ​സ​റി​നും കൊ​ടു​ത്ത് ഒ​രു ജ​ന​ത​യാ​യി ന​മു​ക്കു ജീ​വി​ക്ക​ണം. മ​ത​ത്തെ ര​ക്ഷി​ക്കാ​നി​റ​ങ്ങി​യി​രി​ക്കു​ന്ന​വ​രെ​ക്കൊ​ണ്ടു മ​റ്റു​ള്ള​വ​ർ​ക്കു ജീ​വി​ക്കാ​നാ​കാ​ത്ത സ്ഥി​തി വ​ള​രു​ക​യാ​ണ്. രാ​ജ്യ​ത്തെ തൊ​ഴി​ലി​ല്ലാ​യ്മ​യും സാ​ന്പ​ത്തി​ക അ​സ​മ​ത്വ​ങ്ങ​ളും അ​ഴി​മ​തി​യും അ​ഴി​മ​തി​വി​രു​ദ്ധ നി​ഴ​ൽ​യു​ദ്ധ​ങ്ങ​ളും ജ​നാ​ധി​പ​ത്യ ധ്വം​സ​ന​വും മ​ത​ധ്രു​വീ​ക​ര​ണ​വും ഉ​ൾ​പ്പെ​ടെ നൂ​റാ​യി​രം നീ​റ്റ​ലു​ക​ളെ മ​റ​ക്കാ​നു​ള്ള ഒ​റ്റ​മൂ​ലി​യാ​യി മ​ത​ത്തെ ദു​രു​പ​യോ​ഗി​ക്കു​ന്ന​വ​രു​ടെ എ​ണ്ണം കൂ​ടു​ക​യാ​ണ്.

ക​ത്തോ​ലി​ക്കാ സ​ഭ​യു​ടെ പേ​രു പ​റ​ഞ്ഞ് വ​ർ​ഗീ​യ​ത​യു​ടെ വി​ഷം വി​ള​മ്പാ​ൻ ആ​രും ഇ​ല​യി​ടേ​ണ്ട. ഇ​സ്‌​ലാ​മി​ക തീ​വ്ര​വാ​ദ​ത്തെ​യും ഹി​ന്ദു വ​ർ​ഗീ​യ​വാ​ദ​ത്തെ​യും ന്യൂ​ന​പ​ക്ഷ വി​രു​ദ്ധ​ത​യെ​യും അ​ഹിം​സാ​മാ​ർ​ഗ​ങ്ങ​ളി​ലൂ​ടെ എ​തി​ർ​ത്തി​ട്ടു​ള്ള ക​ത്തോ​ലി​ക്കാ സ​ഭ സ്വ​ന്തം ചെ​ല​വി​ൽ ഒ​രു വ​ർ​ഗീ​യ​പ്ര​സ്ഥാ​ന​ത്തെ​യും വ​ള​ർ​ത്തി​യെ​ടു​ക്കി​ല്ല. മ​ത​ത്തെ​യ​ല്ല, തീ​വ്ര​വാ​ദ​ത്തെ​യാ​ണ് നാം ​ചെ​റു​ക്കു​ന്ന​ത്.

ക്രൈ​സ്ത​വ​രെ ര​ക്ഷി​ക്കാ​നെ​ന്ന മു​ഖം​മൂ​ടി​യി​ട്ട് ഇ​ത​ര മ​ത​സ്ഥ​രെ അ​വ​ഹേ​ളി​ക്കു​ന്ന ക്രി​സ്ത്യ​ൻ നാ​മ​ധാ​രി​ക​ൾ ആ​രാ​യാ​ലും സ​ഭ​യു​ടെ തോ​ളി​ലി​രു​ന്നു ചെ​വി തി​ന്നേ​ണ്ട. അ​ന്ത്യ​ത്താ​ഴ​വേ​ള​യി​ൽ ക്രി​സ്തു കാ​സ​യി​ലെ​ടു​ത്തു കൊ​ടു​ത്ത​ത് സ്വ​ന്തം ര​ക്ത​മാ​ണ്, അ​പ​ര​ന്‍റെ​യ​ല്ല. വ​ർ​ഗീ​യ​തൊ​ഴു​ത്തു​ക​ളി​ൽ കൊ​ണ്ടു​കെ​ട്ടാ​മെ​ന്നു ക​രു​തു​ന്ന​വ​ർ കാ​ര്യം ന​ട​ക്കാ​തെ​വ​രു​മ്പോ​ൾ, സ​ഭ​യെ ക്രി​സ്തു​വി​ന്‍റേ​താ​യി നി​ല​നി​ർ​ത്താ​ൻ ശ്ര​മി​ക്കു​ന്ന​വ​രു​ടെ​യൊ​ക്കെ നേ​രേ ഭീ​ഷ​ണി​യു​ടെ സ്വ​ര​മെ​ടു​ക്കാ​ൻ ശ്ര​മി​ക്കു​ന്നു​ണ്ട്. അ​ധി​കാ​ര​മോ ആ​ത്മ​നി​ർ​വൃ​തി​യോ വെ​ള്ളി​നാ​ണ​യ​ങ്ങ​ളോ എ​ന്തു​മാ​ക​ട്ടെ, മ​ത​വി​ദ്വേ​ഷോ​ന്മാ​ദ​ത്തി​ന്‍റെ പ്ര​ലോ​ഭ​നം കൈ​യി​ൽ വ​ച്ചാ​ൽ മ​തി.

ഐ​റി​ഷ് റി​പ്പ​ബ്ലി​ക്ക​ൻ ആ​ർ​മി​യി​ലെ അം​ഗ​ങ്ങ​ൾ അ​ക്ര​മ​ത്തി​ന്‍റെ​യും ഹിം​സ​യു​ടെ​യും പാ​ത​യി​ലി​റ​ങ്ങി​യ​പ്പോ​ൾ അ​തു വേ​ണ്ടെ​ന്നു പ​റ​യാ​ൻ മു​ന്നി​ലി​റ​ങ്ങി​യ​തു ക​ത്തോ​ലി​ക്കാ സ​ഭ​യാ​ണ്. അം​ഗ​ങ്ങ​ൾ ക​ത്തോ​ലി​ക്കാ വി​ശ്വാ​സി​ക​ളാ​യി​രു​ന്ന​തി​നാ​ൽ സ​ഭ​യ്ക്ക് ഇ​ട​പെ​ടേ​ണ്ടി​വ​ന്നു. "ദൈ​വ​സ​ന്നി​ധി​യി​ലെ കൊ​ല​പാ​ത​കം' എ​ന്നാ​ണ് ഐ​ആ​ർ​എ ന​ട​പ​ടി​ക​ളെ ത​ള്ളി​പ്പ​റ​ഞ്ഞു​കൊ​ണ്ട് 1922ൽ ​ക​ത്തോ​ലി​ക്കാ ബി​ഷ​പ്പു​മാ​ർ ഇ​ട​യ​ലേ​ഖ​ന​മി​റ​ക്കി​യ​ത്. ബ്രി​ട്ട​നെ ചെ​റു​ക്കാ​ൻ ഒ​രു​വേ​ള ഐ.ആർ.എ സ​ഹാ​യ​മ​ഭ്യ​ർ​ഥി​ച്ച​ത് ന​രാ​ധ​മ​നാ​യ ഹി​റ്റ്‌​ല​റോ​ടാ​ണെ​ന്ന​തു​കൂ​ടി ചേ​ർ​ത്തു വാ​യി​ക്കാം. തീ​വ്ര ദേ​ശീ​യ​ത​യും മ​ത​ഭ്രാ​ന്തും മ​നു​ഷ്യ​രെ എ​വി​ടെ​യെ​ത്തി​ക്കു​മെ​ന്ന​തി​ന് ച​രി​ത്ര​ത്തി​ൽ ഓ​ർ​മ​പ്പെ​ടു​ത്ത​ലു​ക​ളു​ണ്ട്.

ക്രൈ​സ്ത​വ വ​ർ​ഗീ​യ​ത ഉ​യ​ർ​ത്താ​ൻ ശ്ര​മി​ക്കു​ന്ന കേ​ര​ള​ത്തി​ലെ സം​ഘ​ങ്ങ​ളോ​ടു ഐ​ആ​ർ​എയോട് സാ​മ്യ​പ്പെ​ടു​ത്തേ​ണ്ട​തി​ല്ല. പ​ക്ഷേ, ചി​ല​രു​ടെ വി​ദ്വേ​ഷ​പ്ര​ചാ​ര​ണം ക്രൈ​സ്ത​വ​രെ​യാ​കെ തെ​റ്റി​ദ്ധ​രി​പ്പി​ക്കും വി​ധ​മാ​ണ്. ഇ​ത​ര മ​ത​വി​ദ്വേ​ഷം പ്ര​ച​രി​പ്പി​ക്കു​ന്ന​വ​രു​ടെ നു​ണ​പ്ര​ചാ​ര​ണ​ങ്ങ​ളി​ൽ കു​ടു​ങ്ങി സോ​ഷ്യ​ൽ മീ​ഡി​യ​യി​ൽ വൈ​കാ​രി​ക പ്ര​തി​ക​ര​ണ​ത്തി​നി​റ​ങ്ങു​ന്ന​വ​രോ​ട് അ​ഭ്യ​ർ​ഥി​ക്കാ​നു​ള്ള​ത്, പ്ര​ലോ​ഭ​ന​ങ്ങ​ളി​ൽ ഉ​ൾ​പ്പെ​ടാ​തി​രി​ക്കാ​ൻ ഉ​ണ​ർ​ന്നി​രു​ന്നു പ്രാ​ർ​ഥി​ക്കാ​നാ​ണ്; അ​ത് ആ​ടു​ക​ളാ​ണെ​ങ്കി​ലും ഇ​ട​യ​ന്മ​രാ​ണെ​ങ്കി​ലും.

നു​ണ​ക​ളു​ടെ​യും അ​ർ​ദ്ധ​സ​ത്യ​ങ്ങ​ളു​ടെ​യും വാ​ക്കു​ക​ളാ​ൽ ഒ​രു​ക്കു​ന്ന യു​ദ്ധ​ഭൂ​മി​യി​ലാ​ണ് ഹിം​സ ആ​യു​ധ​ങ്ങ​ളു​മാ​യി​റ​ങ്ങാ​ൻ കാ​ത്തി​രി​ക്കു​ന്ന​ത്. വ​ർ​ഗീ​യ​ത​യ്ക്കു മ​റു​പ​ടി വ​ർ​ഗീ​യ​ത​യ​ല്ല. ഇ​സ്‌​ലാ​മി​ക തീ​വ്ര​വാ​ദി​ക​ളു​ടെ വം​ശ​ഹ​ത്യ​യി​ൽ ഇ​റാ​ക്കി​ലും സി​റി​യ​യി​ലും ഈ​ജി​പ്തി​ലും ലി​ബി​യ​യി​ലും സൊ​മാ​ലി​യ​യി​ലും യെ​മ​നി​ലും നൈ​ജീ​രി​യ​യി​ലു​മൊ​ക്കെ പ​തി​നാ​യി​ര​ക്ക​ണ​ക്കി​നു ക്രൈ​സ്ത​വ​ർ കൊ​ല്ല​പ്പെ​ട്ടു​കൊ​ണ്ടി​രി​ക്കു​ക​യാ​ണ്. ഹൈ​ന്ദ​വ വ​ർ​ഗീ​യ​വാ​ദി​ക​ൾ ഇ​ന്ത്യ​യി​ലും ക്രൈ​സ്ത​വ​രെ വേ​ട്ട​യാ​ടു​ന്നു​ണ്ട്. പ​ക്ഷേ, ഇ​തൊ​ന്നും വ​ർ​ഗീ​യ​മാ​യി സം​ഘ​ടി​ക്കാ​നു​ള്ള കാ​ര​ണ​മാ​ക്കാ​ൻ ക്രൈ​സ്ത​വ​ർ​ക്കാ​കി​ല്ല.

സ​മു​ദാ​യ​സം​ര​ക്ഷ​ണ​ത്തി​ന്‍റെ​യും കെ​ട്ടു​റ​പ്പി​ന്‍റെ​യും വ്യാ​ജ​ബിം​ബ​ങ്ങ​ൾ എ​ഴു​ന്ന​ള്ളി​ച്ചു​കൊ​ണ്ടു​വ​രു​ന്ന​വ​രെ ആ​ട്ടി​യോ​ടി​ക്കു​ക. അ​ഹിം​സ​യു​ടെ ഗാ​ന്ധി​മ​ണ്ണി​നെ നാം ​കൈ​വി​ട​രു​ത്. ഏ​തു പാ​ന​പാ​ത്ര​ത്തി​ൽ​നി​ന്നാ​യാ​ലും വി​ഷം കു​ടി​ക്കി​ല്ലെ​ന്നും മ​ക്ക​ൾ​ക്കു കൊ​ടു​ക്കി​ല്ലെ​ന്നും പ​റ​ഞ്ഞു​കൊ​ണ്ടേ ന​മു​ക്കു സ​ത്യ​സ​ന്ധ​രാ​കാ​ൻ ക​ഴി​യൂ.