പി.വി. അൻവറിന്‍റെ ആരോപണം: മുഖ്യമന്ത്രി പൊലീസ് മേധാവിയുമായി കൂടിക്കാഴ്ച നടത്തി

കോട്ടയം: പി.വി. അൻവർ എം.എൽ.എ പൊലീസിനെതിരെ ഉന്നയിച്ച ഗുരുതര ആരോപണങ്ങളുടെ പശ്ചാത്തലത്തിൽ മുഖ്യമന്ത്രി പിണറായി വിജയൻ ഡി.ജി.പി ഷെയ്ഖ് ദർവേശ് സാഹിബുമായി കൂടിക്കാഴ്ച നടത്തി. കോട്ടയം നാട്ടകം ഗസ്റ്റ്ഹൗസില്‍വെച്ചാണ് ഡി.ജി.പി മുഖ്യമന്ത്രിയെ കണ്ടത്. ആരോപണങ്ങളുടെ പശ്ചാത്തലത്തിൽ എന്ത് നടപടിയുണ്ടാകുമെന്നാണ് രാഷ്ട്രീയ കേന്ദ്രങ്ങൾ ഉറ്റുനോക്കുന്നത്. 

പൊ​ലീ​സ് സേ​ന​യി​ലെ ഉ​ന്ന​ത​രെ​ക്കു​റി​ച്ചു​ള്ള പി.​വി. അ​ന്‍വ​ര്‍ എം.​എ​ല്‍.​എ.​യു​ടെ വെ​ളി​പ്പെ​ടു​ത്ത​ലു​ക​ൾ​ക്ക്​ പി​ന്നാ​ലെ ഇന്നലെ തന്നെ മു​ഖ്യ​മ​ന്ത്രി ഡി.​ജി.​പി​യോ​ട്​​ റി​പ്പോ​ർ​ട്ട്​ തേ​ടിയതായി സൂചനയുണ്ടായിരുന്നു. ഞാ​യ​റാ​ഴ്ച ​വൈ​കീ​ട്ട്​ ചേ​ർ​ന്ന ഐ.​പി.​എ​സ് ഉ​ദ്യോ​​ഗ​സ്ഥ​രു​ടെ അ​ടി​യ​ന്ത​ര യോ​ഗ​ത്തി​ൽ മു​ഖ്യ​മ​ന്ത്രി​ക്ക് ന​ൽ​കേ​ണ്ട റി​പ്പോ​ർ​ട്ടി​നെ​ക്കു​റി​ച്ച് ച​ർ​ച്ച ന​ട​ന്ന​താ​യാ​ണ് സൂ​ച​ന.

മ​ല​പ്പു​റം ജി​ല്ല പൊ​ലീ​സ് മേ​ധാ​വി​യി​ൽ തു​ട​ങ്ങി, സം​സ്ഥാ​ന പൊ​ലീ​സ് സേ​ന​യു​ടെ അ​ത്യു​ന്ന​ത​ങ്ങ​ളേ​യും ആ​ഭ്യ​ന്ത​ര വ​കു​പ്പ് നി​യ​ന്ത്രി​ക്കു​ന്ന മു​ഖ്യ​മ​ന്ത്രി​യു​ടെ ഓ​ഫി​സി​നെ​യും ഗു​രു​തര ആ​രോ​പ​ണ​ത്തി​ൽ ഞെ​ട്ടി​ച്ചാണ് പി.​വി അ​ൻ​വ​റി​ന്റെ അ​സാ​ധാ​ര​ണ നീ​ക്കമുണ്ടായത്. പൊ​ലീ​സ് എ.​ഡി.​ജി.​പി അ​ജി​ത് കു​മാ​റി​നെ​തി​രെ കൊ​ല​പാ​ത​ക​മ​ട​ക്ക​മു​ള്ള അ​തീ​വ ഗു​രു​ത​ര കു​റ്റ​ങ്ങ​ൾ ആ​രോ​പി​ച്ച അ​ൻ​വ​ർ, എ.​ഡി.​ജി.​പി​യെ നിയന്ത്രിക്കുന്നതിൽ മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി പി.​ശ​ശി​ പരാജയമാണെന്നും വാ​ർ​ത്താ​സ​മ്മേ​ള​ന​ത്തി​ൽ ആ​രോ​പി​ച്ച​തോ​ടെ സം​സ്ഥാ​ന സ​ർ​ക്കാ​റും സി.​പി.​എ​മ്മും അ​മ്പ​ര​പ്പിലായിരുന്നു.

സം​സ്ഥാ​ന പൊ​ലീ​സ് സം​വി​ധാ​ന​ത്തെ നി​രീ​ക്ഷി​ച്ച് വി​ല​യി​രു​ത്തി വേ​ണ്ട ന​ട​പ​ടി സ്വീ​ക​രി​ക്കേ​ണ്ട ചു​മ​ത​ല​യു​ള്ള ശ​ശി വ​ലി​യ പ​രാ​ജ​യം നേ​രി​ട്ടെ​ന്നാ​ണ് അ​ൻ​വ​റി​ന്റെ പ്ര​ധാ​ന ആ​രോ​പ​ണം. പ​രാ​തി​ക​ളി​ല്ലാ​തെ ചു​മ​ത​ല നി​ർ​വ​ഹി​ക്കാ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് പാ​ർ​ട്ടി ശ​ശി​യെ പൊ​ളി​റ്റി​ക്ക​ൽ സെ​ക്ര​ട്ട​റി​യാ​യി നി​യോ​ഗി​ച്ച​തെ​ന്നും എ​ന്നി​ട്ടും പ​രാ​ജ​യ​പ്പെ​ട്ടി​ട്ടു​ണ്ടെ​ങ്കി​ൽ പാ​ർ​ട്ടി വി​ല​യി​രു​ത്തി ന​ട​പ​ടി​യെ​ടു​ക്ക​ട്ടേ​യെ​ന്നും അ​ൻ​വ​ർ പ​റ​ഞ്ഞു. മു​ഖ്യ​മ​ന്ത്രി​യെ താ​ൻ പി​താ​വി​ന്റെ സ്ഥാ​ന​ത്താ​ണ് താ​ൻ കാ​ണു​ന്ന​​തെ​ന്നും അ​ദ്ദേ​ഹ​ത്തി​ന് പാ​ര​വെ​ക്കാ​നു​ള്ള ശ്ര​മം ന​ട​ക്കു​ന്നു​ണ്ടെ​ന്നും മ​ക​നെ​ന്ന നി​ല​യി​ൽ അ​ത് ത​ട​യാ​ൻ താ​ൻ ബാ​ധ്യ​ത​നാ​ണെ​ന്നും എം.​എ​ൽ.​എ പ​റ‍യു​ന്നു.

എ​സ്.​പി​യാ​യി​രി​ക്കെ ഔ​ദ്യോ​ഗി​ക വ​സ​തി​യി​ലെ ഓ​ഫി​സി​ല്‍നി​ന്ന് മ​ര​ങ്ങ​ള്‍ മു​റി​ച്ചു​ക​ട​ത്തി​യെ​ന്ന ത​നി​ക്കെ​തി​രാ​യ പ​രാ​തി പി​ന്‍വ​ലി​ക്ക​ണ​മെ​ന്ന് ആ​വ​ശ്യ​പ്പെ​ടു​ന്ന പ​ത്ത​നം​തി​ട്ട എ​സ്.​പി സു​ജി​ത് ദാ​സി​ന്റെ ഫോ​ൺ സം​ഭാ​ഷ​ണ​ത്തി​ലെ കൂ​ടു​ത​ൽ ഭാ​ഗ​ങ്ങ​ൾ പു​റ​ത്തു​വി​ട്ടാ​ണ് അ​ൻ​വ​ർ ഇ​ന്ന​ലെ ആ​രോ​പ​ണ​ങ്ങ​ൾ ഉ​ന്ന​യി​ച്ച​ത്. ‘‘നി​ല​വി​ൽ മു​ഖ്യ​മ​ന്ത്രി​യോ​ട് ഒ​ന്നും നേ​രി​ട്ട് പറഞ്ഞിട്ടില്ല. എ​ല്ലാം ക​ല​ങ്ങി തെ​ളി​യു​മ്പോ​ൾ നേ​രി​ട്ടെ​ത്തി വി​ശ​ദ​വി​വ​ര​ങ്ങ​ൾ ധ​രി​പ്പി​ക്കും. പ്ര​ത്യേ​ക സം​ഘ​ത്തെ നി​യോ​ഗി​ച്ച് അ​ന്വേ​ഷി​ക്കാ​ൻ ആ​വ​ശ്യ​പ്പെ​ടും’’ -അ​ൻ​വ​ർ പറഞ്ഞു.