ചെറുതോണി (ഇടുക്കി): ഒാമനക്ക് ഇപ്പോഴും നടുക്കം മാറിയിട്ടില്ല. പൊന്നോമനയായ വളർത്തു നായ കൺമുന്നിൽ പിടഞ്ഞുമരിക്കുന്നു. അതും തെൻറ ജീവൻ രക്ഷിച്ചശേഷം. ചേലച്ചുവട് പെരിയാർവാലി കൈപ്പടമലയിൽ സജീവെൻറ ഭാര്യ ഓമനയാണ് (50) വൈദ്യുതാഘാതത്തിൽ നിന്ന് അത്ഭുതകരമായി രക്ഷപ്പെട്ടത്. ചൊവ്വാഴ്ച ഉച്ചകഴിഞ്ഞ് മൂന്ന് മണിയോടെ പെരിയാർവാലിയിൽ പുല്ലറുക്കാൻ പോയപ്പോഴാണ് സംഭവം.
കാറ്റിൽ പൊട്ടിവീണ വൈദ്യുതി കമ്പിയിൽ അറിയാതെ ചവിട്ടിയ ഒാമനക്ക് ഷോക്കേൽക്കുകയായിരുന്നു. നിലത്തുവീണ ഇവരുടെ ദേഹത്തു ചുറ്റിയ വൈദ്യുതി കമ്പി നായയാണ് കടിച്ചു മാറ്റിയത്. ഷോക്കേറ്റ് കമ്പിയിൽതന്നെ കിടന്ന് നിമിഷങ്ങൾക്കകം നായും ചത്തു. വീട്ടമ്മ ബഹളംെവച്ച് ആളെക്കൂട്ടി വിവരം നൽകിയതിനെ തുടർന്ന് ലൈൻ ഒാഫാക്കിയ ശേഷമാണ് പൊള്ളലേറ്റ് കരിഞ്ഞ നിലയിൽ നായെ േവർപ്പെടുത്താനായത്. വീട്ടമ്മയെ ചേലച്ചുവട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവർ അപകടനില തരണംെചയ്തു. റാണിയെന്നാണ് നായയുടെ പേര്. തന്നെ രക്ഷിക്കാനുള്ള ശ്രമത്തിൽ നായ ചത്തത് വീട്ടമ്മക്ക് നൊമ്പരമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.