തിരുവനന്തപുരം: ലഹരി വേട്ട ശക്തമാക്കിയ എക്സൈസ് വകുപ്പ് രജിസ്റ്റർ ചെയ്തത് 1165 കേസ്. 1195 പേർ അറസ്റ്റിലായി. സെപ്റ്റംബർ 16 മുതൽ ഒക്ടോബർ 27 വരെ ലഹരി ഉപയോഗം, വിതരണം എന്നിവയുമായി ബന്ധപ്പെട്ടാണ് ഇത്രയും കേസ്. പ്രതികളിൽനിന്ന് 175.1 കിലോ കഞ്ചാവ്, 182 കഞ്ചാവുചെടി, 1.096 കിലോ എം.ഡി.എം.എ, 1.449 കിലോ മെത്താംഫിറ്റമിൻ, 13.9 ഗ്രാം എൽ.എസ്.ഡി സ്റ്റാമ്പ്, 333 ഗ്രാം ഹഷീഷ് ഓയിൽ, 90 ഗ്രാം ഹെറോയിൻ, 321.7 ഗ്രാം നാർക്കോട്ടിക് ഗുളിക, 16 ഇൻജക്ഷൻ ആംപ്യൂൾ എന്നിവ പിടിച്ചെടുത്തു.
മയക്കുമരുന്ന് കേസുകളിലെ ഒമ്പത് പ്രഖ്യാപിത കുറ്റവാളികളുൾപ്പെടെ വാറന്‍റിലെ 472 പ്രതികളെ അറസ്റ്റ് ചെയ്ത് കോടതിയിൽ ഹാജരാക്കി.എല്ലാ എക്സൈസ് ഓഫിസിലും 24 മണിക്കൂറും പ്രവർത്തിക്കുന്ന കൺട്രോൾ റൂം, മുഴുസമയ ഹൈവേ പട്രോളിങ് എന്നിവ സജീവമാണ്. കേസിലുൾപ്പെട്ട 2364 കുറ്റവാളികളുടെ ഡേറ്റ ബാങ്ക് തയാറാക്കി നിരീക്ഷണം ശക്തമാക്കി.
വിദ്യാലയ പരിസരങ്ങളിൽ ലഹരി ഉൽപന്ന വിതരണം തടയാൻ പ്രത്യേക പരിശോധനയുമുണ്ട്. അന്തർ സംസ്ഥാന സർവിസ് നടത്തുന്ന ബസുകളിലും ട്രെയിനുകളിലും അതിർത്തി ചെക്പോസ്റ്റുകളിലും ഇടറോഡുകളിലും വാഹന പരിശോധന കർശനമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.