കൊല്ലം: ഉത്ര വധക്കേസിൽ മൂർഖൻ പാമ്പിനെ കൊണ്ട് ഡമ്മിയിൽ കടിപ്പിച്ചുള്ള തെളിവെടുപ്പ് ദൃശ്യങ്ങൾ പുറത്ത്. കേസിൽ തെളിവായി ഈ ദൃശ്യങ്ങൾ പ്രോസിക്യൂഷൻ കോടതിയിൽ സമർപ്പിച്ചിരുന്നു.
പാമ്പ് ഒരാളെ സ്വയം കടിക്കുമ്പോഴും മറ്റൊരാൾ പ്രകോപിപ്പിച്ച് കടിപ്പിക്കുമ്പോഴുമുണ്ടാകുന്ന മുറിവിലെ വ്യത്യാസമാണ് തെളിവെടുപ്പിൽ പരിശോധിച്ചത്. കൊല്ലത്തെ അരിപ്പ വനംവകുപ്പ് ഇൻസ്റ്റിറ്റ്യൂട്ടിലാണ് മൂന്ന് പാമ്പുകളെ ഉപയോഗിച്ച് ഇത്തരമൊരു പരീക്ഷണം നടത്തിയത്. കൊല്ലം മുൻ റൂറൽ എസ്.പി ഹരിശങ്കർ നേതൃത്വം നൽകി.
ഉത്രയുടെ ശരീരത്തിൽ നീളം കൂടിയ രണ്ട് മുറിവുകളാണുണ്ടായിരുന്നത്. ഇത് പാമ്പിനെ പ്രകോപിപ്പിച്ച് കടിപ്പിക്കുമ്പോളുണ്ടാകുന്ന മുറിവിന് സമാനമാണ്. അതേസമയം, ഉത്ര വധക്കേസിൽ വിധി ഉടനെയുണ്ടാകും. കേസിലെ അന്തിമവാദം നേരത്തെ പൂർത്തിയായിരുന്നു. നാളെ കേസ് വീണ്ടും പരിഗണിക്കുമ്പോൾ വിധിപ്രഖ്യാപന തീയതി കോടതി പറഞ്ഞേക്കും.
ഉത്രയെ പാമ്പിനെക്കൊണ്ട് കടിപ്പിച്ചതാണെന്ന് ഭർത്താവ് സൂരജ് മൊഴിനൽകിയതായി വനം കുറ്റകൃത്യങ്ങൾ അന്വേഷിക്കുന്ന ഫോറസ്റ്റ് റേഞ്ച് ഓഫിസറായ ബി.ആർ. ജയൻ നേരത്തെ പറഞ്ഞിരുന്നു. പ്ലാസ്റ്റിക് കുപ്പിയിൽനിന്ന് പുറത്തിറക്കിയ മൂർഖെൻറ തലയിൽ വടികൊണ്ട് കുത്തിപ്പിടിച്ച് ഉത്രയുടെ കൈയിൽ രണ്ടുപ്രാവശ്യം കടിപ്പിച്ചതായി സൂരജ് ഫോറസ്റ്റ് റേഞ്ച് ഓഫിസർക്ക് മൊഴി നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.