മേപ്പയൂർ (കോഴിക്കോട്): ഡി.വൈ.എഫ്.ഐ പ്രവർത്തകനുനേരെ വധശ്രമം. ഡി.വൈ.എഫ്.ഐ കാരയാട് മേഖല ജോയൻറ് സെക്രട്ടറിയും എസ്.എഫ്.ഐ പേരാമ്പ്ര ഏരിയ കമ്മിറ്റി അംഗവുമായ തണ്ടയിൽത്താഴ മരുതിയാട്ട് മീത്തൽ വിഷ്ണുവിന് (21) നേരെയാണ് ആക്രമണം.
അരിക്കുളം പഞ്ചായത്തിലെ കാരയാടാണ് സംഭവം. ഡി.വൈ.എഫ്.ഐ മേഖല കമ്മിറ്റി യോഗം കഴിഞ്ഞ് വീട്ടിലേക്ക് മടങ്ങുമ്പോൾ തിങ്കളാഴ്ച രാത്രി 10.30ഒാടെ വിഷ്ണുവിെൻറ വീടിനടുത്തുവെച്ച് എട്ടോളം വരുന്ന അക്രമിസംഘം ബൈക്ക് തടഞ്ഞുനിർത്തി മുളകുപൊടി വിതറി മാരകായുധങ്ങളുമായി ആക്രമിക്കുകയായിരുന്നു. കൈക്കും കാലിനും തലക്കും വെട്ടേറ്റു.
പേരാമ്പ്ര താലൂക്ക് ആശുപത്രിയിലെത്തിച്ച വിഷ്ണുവിനെ പരിക്ക് ഗുരുതരമായതിനാൽ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി. എസ്.ഡി.പി.ഐ പ്രവർത്തകരാണ് ആക്രമണത്തിന് പിന്നിലെന്ന് സി.പി.എം, ഡി.വൈ.എഫ്.ഐ നേതാക്കൾ ആരോപിച്ചു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.