അമ്പലപ്പുഴ: കമ്മൽ മോഷ്ടിക്കാനുള്ള ശ്രമത്തിനിടെ മോഷ്ടാവ് ചെവി പറിച്ചെടുക്കുകയും പിന്നീട് ചികിത്സയിലാവുകയും ചെയ്ത വയോധിക മരിച്ചു. അമ്പലപ്പുഴ കോമന കണ്ടൻചേരിയിൽ പരേതനായ ഗോപാലകൃഷ്ണന്‍റെ ഭാര്യ ഗൗരിയാണ് (85) മോഷ്ടാവ് ആരെന്നറിയാതെ ഈ ലോകത്തോട് വിട പറഞ്ഞത്.
ഏതാനും മാസം മുമ്പാണ് ഉച്ചക്കുശേഷം ഇവർ വീട്ടിൽ കിടന്നുറങ്ങിയപ്പോൾ മോഷ്ടാവ് ചെവി പറിച്ചെടുത്ത് കമ്മൽ കവർന്നത്. ഓടിക്കൂടിയ നാട്ടുകാർ ഇവരെ ആലപ്പുഴ മെഡിക്കൽ കോളജ് ആശുപത്രിയിലെത്തിച്ചു.
ദിവസങ്ങൾക്കുശേഷമാണ് ഗൗരി ആശുപത്രി വിട്ടത്. മോഷണ വിവരമറിഞ്ഞ് സ്ഥലത്തെത്തിയ പൊലീസ് പരിസരങ്ങളിൽ പരിശോധന നടത്തിയെങ്കിലും ഒരു തുമ്പും ലഭിച്ചില്ല. മാസങ്ങൾ പിന്നിട്ടിട്ടും ഈ കേസിലെ പ്രതി കാണാമറയത്താണ്.
മക്കൾ: ലീല, പുരുഷോത്തമൻ, കൃഷ്ണന്‍കുട്ടി, ഹരിക്കുട്ടൻ. മരുമക്കൾ: ദിനകരൻ, ഓമന, കുമാരി, ശോഭ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.