നെയ്യാറ്റിൻകരയിലെ കുടിയൊഴിപ്പിക്കൽ: റവന്യൂ വകുപ്പ് ഇരുട്ടിൽ തപ്പുന്നു

തി​രു​വ​ന​ന്ത​പു​രം: നെ​യ്യാ​റ്റി​ൻ​ക​ര പൊ​ങ്ങ​യി​ലെ ല​ക്ഷം​വീ​ട് കോ​ള​നി​യി​ൽ കു​ടി​യൊ​ഴി​പ്പി​ക്ക​ൽ ന​ട​പ​ടി​ക്കി​ടെ തീ​പ്പൊ​ള്ള​ലേ​റ്റ്​ മ​രി​ച്ച രാ​ജ​ൻ-​അ​മ്പി​ളി ദ​മ്പ​തി​ക​ൾ താ​മ​സി​ച്ചി​രു​ന്ന ഭൂ​മി​യു​ടെ ഉ​ട​മ​സ്ഥ​ത സം​ബ​ന്ധി​ച്ച്​ റ​വ​ന്യൂ വ​കു​പ്പ് ഇ​രു​ട്ടി​ൽ ത​പ്പു​ന്നു.

രാ​ജ​നെ​യും അ​മ്പി​ളി​യെ​യും അ​ട​ക്കം​ചെ​യ്ത ഭൂ​മി വി​ല​ക്കു​വാ​ങ്ങി ന​ൽ​കാ​മെ​ന്ന വാ​ഗ്ദാ​ന​വു​മാ​യി ബോ​ബി ചെ​മ്മ​ണ്ണൂ​ർ എ​ത്തി​യ​തോ​ടെ​യാ​ണ് കു​ട്ടി​ക​ൾ ല​ക്ഷം വീ​ട് കോ​ള​നി​യു​ടെ പ​ട്ട​യം കൈ​മാ​റ്റം ചെ​യ്യാ​നാ​കി​ല്ലെ​ന്ന പ്ര​ശ്നം ഉ​ന്ന​യി​ച്ച​ത്.

1972ലാ​ണ് മ​ന്ത്രി എം.​എ​ൻ. ഗോ​വി​ന്ദ​ൻ നാ​യ​രു​ടെ നേ​തൃ​ത്വ​ത്തി​ൽ സം​സ്ഥാ​ന​ത്ത് 'ല​ക്ഷം വീ​ട്' എ​ന്ന പേ​രി​ൽ ഭ​വ​ന​പ​ദ്ധ​തി തു​ട​ങ്ങി​യ​ത്. പ​ദ്ധ​തി​പ്ര​കാ​ര​മു​ള്ള കോ​ള​നി​യാ​ണി​തെ​ന്ന് അ​വി​ടെ താ​മ​സി​ക്കു​ന്ന​വ​രു​ടെ പ​ട്ട​യ​ങ്ങ​ളി​ൽ രേ​ഖ​പ്പെ​ടു​ത്തി​യി​ട്ടു​ണ്ട്.

പ​ദ്ധ​തി​യു​മാ​യി ബ​ന്ധ​പ്പെ​ട്ട് 1988 ജൂ​ൺ 18, 1997 മേ​യ് 20, 2015 ജൂ​ൺ 30 തീ​യ​തി​ക​ളി മൂ​ന്ന് ഉ​ത്ത​ര​വു​ക​ൾ റ​വ​ന്യൂ വ​കു​പ്പ് പു​റ​പ്പെ​ടു​വി​ച്ചി​ട്ടു​ണ്ട്. ഈ ​ഉ​ത്ത​ര​വു​ക​ളു​ടെ അ​ടി​സ്ഥാ​ന​ത്തി​ൽ മാ​ത്ര​മേ ല​ക്ഷം​വീ​ട് കോ​ള​നി​യി​ലെ ഭൂ​മി കൈ​മാ​റ്റം ചെ​യ്യാ​ൻ ക​ഴി​യൂ. 1988 ജൂ​ലൈ 18നാ​ണ് പ​ദ്ധ​തി​യു​ടെ ഗു​ണ​ഭോ​ക്താ​ക്ക​ൾ​ക്ക് ചി​ല വ്യ​വ​സ്ഥ​ക​ൾ​ക്ക് വി​ധേ​യ​മാ​യി പ​ട്ട​യം ന​ൽ​കാ​ൻ ആ​ദ്യ ഉ​ത്ത​ര​വി​റ​ങ്ങി​യ​ത്.

അ​നു​വ​ദി​ച്ച സ്ഥ​ല​ത്ത്​ താ​മ​സി​ക്കു​ന്ന​വ​രെ മാ​ത്ര​മേ ഗു​ണ​ഭോ​ക്താ​ക്ക​ളാ​യി അ​ന്ന് പ​രി​ഗ​ണി​ച്ചു​ള്ളൂ. ല​ക്ഷം​വീ​ട് നി​വാ​സി​ക​ൾ​ക്ക് അ​വ​രു​ടെ കൈ​വ​ശ​മു​ള്ള ഭൂ​മി​യി​ൽ അ​വ​കാ​ശം ന​ൽ​കാ​ൻ 1988ൽ ​തീ​രു​മാ​നി​ച്ചു. തു​ട​ർ​ന്ന് 1989ലാ​ണ് നെ​യ്യാ​റ്റി​ൻ​ക​ര​യി​ൽ ഭൂ​മി​ക്ക് പ​ട്ട​യം ന​ൽ​കി​യ​ത്.

ല​ക്ഷം​വീ​ട് കോ​ള​നി​ക​ളി​ലെ പ​ട്ട​യ​ങ്ങ​ൾ പ​ല​രും കൈ​ക്ക​ലാ​ക്കു​ന്ന​ത്​ തി​രി​ച്ച​റി​ഞ്ഞ്​ റ​വ​ന്യൂ സെ​ക്ര​ട്ട​റി​യാ​യി​രു​ന്ന കെ. ​മോ​ഹ​ൻ​ദാ​സ് വ്യ​വ​സ്ഥ​ക​ൾ പു​തു​ക്കി 1997 മേ​യ് 20ന് ​ഉ​ത്ത​ര​വി​ട്ടു. ചി​കി​ത്സ, മ​ക​ളു​ടെ വി​വാ​ഹം തു​ട​ങ്ങി​യ ആ​വ​ശ്യ​ങ്ങ​ൾ​ക്ക്​ സാ​മ്പ​ത്തി​ക പ​രാ​ധീ​ന​ത​മൂ​ലം ഭൂ​മി കൈ​മാ​റ്റം ചെ​യ്യാ​മെ​ന്ന് 2015ൽ ​ഉ​ത്ത​ര​വാ​യി. നെ​യ്യാ​റ്റി​ൽ​ക​ര​യി​ൽ വി​വാ​ദ​ഭൂ​മി​യു​ടെ ആ​ദ്യ കൈ​മാ​റ്റം 2001ലും ​ര​ണ്ടാ​മ​ത്തേ​ത്​ 2006ലു​മാ​ണ് ന​ട​ന്ന​ത്.

അ​വി​ടെ പ​ട്ട​യ​വ്യ​വ​സ്ഥ ലം​ഘി​ച്ചാ​ണ് കൈ​മാ​റ്റം ന​ട​ത്തി​യ​തെ​ന്ന് വ്യ​ക്തം. ത​ഹ​സി​ൽ​ദാ​രു​ടെ അ​ന്വേ​ഷ​ണ റി​പ്പോ​ർ​ട്ടാ​ണ്​ ഇ​ക്കാ​ര്യ​ത്തി​ൽ നി​ർ​ണാ​യ​കം. എ​ന്നാ​ൽ, ഭൂ​മി​യു​ടെ ഉ​ട​മ​സ്ഥ​ത സം​ബ​ന്ധി​ച്ച്​ വ്യ​ക്ത​ത വ​രു​ത്തു​ന്ന​തി​ൽ റ​വ​ന്യൂ ഉ​ദ്യോ​ഗ​സ്ഥ​ർ അ​നാ​വ​ശ്യ കാ​ല​താ​മ​സം വ​രു​ത്തു​ന്നെ​ന്നും അ​തി​ൽ ദു​രൂ​ഹ​ത​യു​ണ്ടെ​ന്നും ആ​ക്ഷേ​പ​മു​ണ്ട്.