കാസര്‍കോട്: ഉറങ്ങിക്കിടന്ന പത്തുവയസ്സുകാരിയെ തട്ടിക്കൊണ്ടുപോയി സ്വർണം കവർന്ന് ഉപേക്ഷിച്ചു. കാസർകോട് പടന്നക്കാട് ഒഴിഞ്ഞവളപ്പിൽ ഇന്ന് പുലർച്ചെ മൂന്നു മണിയോടെയാണ് സംഭവം.
മുത്തശ്ശൻ പശുവിനെ കറക്കാൻ പുറത്തുപോയിരുന്നു. ഈ സമയം അടുക്കള ഭാഗത്തെ കതക് തുറന്നാണ് കുട്ടിയെ കൊണ്ടുപോയതെന്നാണ് വിവരം. കുട്ടിയുടെ സ്വർണ കമ്മൽ നഷ്ടപ്പെട്ടിട്ടുണ്ട്. കണ്ണിലും കഴുത്തിലും പരിക്കുണ്ട്.
അക്രമി ഉപേക്ഷിച്ച് പോയ ശേഷം കുട്ടി സമീപത്തെ വീട്ടിൽ കയറി വിവരം അറിയിക്കുകയായിരുന്നു. ഈ സമയം കുട്ടിയെ കാണാനില്ലെന്ന് അറിഞ്ഞതോടെ നാട്ടുകാർ തിരച്ചിലിൽ നടത്തുന്നുണ്ടായിരുന്നു.
പരിക്കേറ്റ പെൺകുട്ടി കാഞ്ഞങ്ങാട് ജില്ല ആശുപത്രിയിൽ ചികിത്സയിലാണ്. പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.