ലാവോസിലേക്ക്​ മനുഷ്യക്കടത്ത്; രണ്ടു മലയാളികൾ ഉൾപ്പെടെ ആറ്​ ഇന്ത്യക്കാരെ രക്ഷപ്പെടുത്തി

തി​രു​വ​ന​ന്ത​പു​രം: ലാ​വോ​സി​ലേ​ക്കു​ള്ള​ മ​നു​ഷ്യ​ക്ക​ട​ത്തി​ന്‍റെ ഇ​ര​ക​ളാ​യ ര​ണ്ട്​ മ​ല​യാ​ളി​ക​ൾ ഉ​ൾ​പ്പെ​ടെ ആ​റ്​ ഇ​ന്ത്യ​ക്കാ​രെ ര​ക്ഷ​പ്പെ​ടു​ത്തി. കേ​ര​ള സൈ​ബ​ർ പൊ​ലീ​സി​ന്‍റെ ക​ണ്ടെ​ത്ത​ലി​ന്‍റെ അ​ടി​സ്ഥാ​ന​ത്തി​ൽ കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം ഇ​ട​പെ​ട്ടാ​ണ്​ മോ​ച​നം സാ​ധ്യ​മാ​ക്കി​യ​ത്. ര​ക്ഷ​പ്പെ​ട്ട​വ​രി​ൽ ആ​ന്ധ്ര​പ്ര​ദേ​ശ്, ത​മി​ഴ്നാ​ട് എ​ന്നി​വി​ട​ങ്ങ​ളി​ൽ​നി​ന്നു​ള്ള നാ​ലു​പേ​രു​മു​ണ്ട്​​. ക​ഴി​ഞ്ഞ ദി​വ​സം കൊ​ച്ചി സി​റ്റി പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ൽ ഏ​ജ​ന്‍റു​മാ​രാ​യ ര​ണ്ടു​​പേ​രെ അ​റ​സ്റ്റ്​ ചെ​യ്​​തു.

തെ​ക്ക്​ കി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​​ലേ​ക്ക്​ കേ​ര​ള​ത്തി​ൽ​നി​ന്നു​ൾ​പ്പെ​ടെ നി​ര​വ​ധി പേ​രെ ക​ട​ത്തു​ന്ന​താ​യി നേ​ര​ത്തേ സൂ​ച​ന ല​ഭി​ച്ചി​രു​ന്നു. ല​ക്ഷ​ങ്ങ​ൾ വാ​ങ്ങി​യാ​ണ്​ തൊ​ഴി​ല​ന്വേ​ഷ​ക​രെ ഏ​ജ​ന്‍റു​മാ​ർ സൈ​ബ​ർ ത​ട്ടി​പ്പ്​ സം​ഘ​ത്തി​ന്​ വി​ൽ​ക്കു​ന്ന​ത്. സം​ഘ​ത്തി​ന്‍റെ പി​ടി​യി​ലാ​യാ​ൽ അ​വ​ർ പ​റ​യു​ന്ന നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ചെ​യ്യ​ണം. സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ ഉ​പ​യോ​ഗി​ച്ച്​ ആ​ളു​ക​ളെ ക​ബ​ളി​പ്പി​ച്ച്​ പ​ണം ത​ട്ടു​ക​യാ​ണ്​ പ്ര​ധാ​ന ദൗ​ത്യം. ഇ​തി​ൽ പ​രാ​ജ​യ​പ്പെ​ടു​ന്ന​വ​രെ പൂ​ട്ടി​യി​ട്ട് ശാ​രീ​രി​ക പീ​ഡ​ന​ത്തി​ന് വി​ധേ​യ​രാ​ക്കും.

ഇ​തി​നി​ടെ ത​ങ്ങ​ളു​ടെ ദു​ര​വ​സ്ഥ​യെ​ക്കു​റി​ച്ച് ചി​ല​ർ ഫോ​ണി​ലൂ​ടെ നാ​ട്ടി​ലു​ള്ള​വ​രെ അ​റി​യി​ച്ചു. ഇ​തോ​ടെ ഇ​ന്ത്യ​ൻ വി​ദേ​ശ​കാ​ര്യ മ​ന്ത്രാ​ല​യം കം​ബോ​ഡി​യ​ൻ നി​യ​മ നി​ർ​വ​ഹ​ണ ഏ​ജ​ൻ​സി​ക​ളെ ബ​ന്ധ​പ്പെ​ട്ടു. ഒ​രു മാ​സം നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ്​ അ​ന്വേ​ഷ​ണ സം​ഘ​ത്തി​ന്​ ര​ക്ഷാ​പ്ര​വ​ർ​ത്ത​നം പൂ​ർ​ത്തി​യാ​ക്കാ​നാ​യ​ത്. പ്ര​ത്യേ​ക ലൊ​ക്കേ​ഷ​ൻ ഗ്രാ​ബി​ങ്​ ആ​പ് വി​ക​സി​പ്പി​ച്ചാ​ണ്​ അ​ന്വേ​ഷ​ണ സം​ഘം ​ഇ​ര​ക​ളെ ത​ട​വി​ലാ​ക്കി​യ സ്ഥ​ലം ക​ണ്ടെ​ത്തി​യ​ത്. ഈ ​ഒ​ളി​ത്താ​വ​ളം റെ​യ്ഡ് ചെ​യ്താ​ണ്​ ആ​റു​പേ​രെ​ ര​ക്ഷ​പ്പെ​ടു​ത്തി​യ​ത്. അ​വ​രെ ലാ​വോ​സി​ൽ​നി​ന്നും സിം​ഗ​പ്പൂ​രി​ലേ​ക്കും അ​വി​ടെ​നി​ന്ന് ഇ​ന്ത്യ​യി​ലേ​ക്കും എ​ത്തി​ച്ചു.

പ്ര​ധാ​ന ക​ണ്ടെ​ത്ത​ലു​ക​ൾ

• കേ​ര​ള​ത്തി​ൽ ന​ട​ന്നു​വ​രു​ന്ന ഓ​ൺ​ലൈ​ൻ ട്രേ​ഡി​ങ് സാ​മ്പ​ത്തി​ക ത​ട്ടി​പ്പു​കേ​സു​ക​ളു​ടെ ആ​സൂ​ത്ര​ണം തെ​ക്ക് കി​ഴ​ക്ക് ഏ​ഷ്യ​ൻ രാ​ജ്യ​ങ്ങ​ളി​ൽ​.

• വ്യാ​ജ കാ​ൾ സെൻറു​ക​ൾ നി​യ​ന്ത്രി​ക്കു​ന്ന​തി​ൽ പ്ര​ധാ​നി മ​ല​പ്പു​റം പാ​പ്പ​ന്നൂ​ർ സ്വ​ദേ​ശി.

• മ​ല​യാ​ളി യു​വാ​ക്ക​ൾ സ്വ​ന്തം ബാ​ങ്ക് അ​ക്കൗ​ണ്ടു​ക​ൾ ക​മീ​ഷ​ൻ വ്യ​വ​സ്ഥ​യി​ൽ ത​ട്ടി​പ്പി​ന്​ വാ​ട​ക​യ്ക്ക് ന​ൽ​കു​ന്നു.

• കു​റു​ക്ക് വ​ഴി​ക​ളി​ലൂ​ടെ വി​ദേ​ശ​രാ​ജ്യ​ങ്ങ​ളി​ൽ തെ​ഴി​ൽ തേ​ടി പോ​കു​ന്ന യു​വാ​ക്ക​ളെ​യാ​ണ്​ ത​ട്ടി​പ്പു​കാ​ർ ല​ക്ഷ്യ​മി​ടു​ന്ന​ത്.​

• ദു​ബൈ, ബാ​ങ്കോ​ക്, സി​ങ്ക​പ്പൂ​ർ, ഇ​ന്ത്യ തു​ട​ങ്ങി​യ സ്ഥ​ല​ങ്ങ​ളി​ലെ അ​ഭി​മു​ഖ​ങ്ങ​ളി​ലൂ​ടെ​യാ​ണ്​ ഏ​ജ​ന്‍റു​മാ​ർ ഇ​വ​രെ ക​ണ്ടെ​ത്തു​ന്ന​ത്​.

• ഉ​യ​ർ​ന്ന ശ​മ്പ​ള​വും ഹോ​ട്ട​ൽ താ​മ​സ​വും റി​ട്ടേ​ൺ എ​യ​ർ ടി​ക്ക​റ്റു​ക​ളും വാ​ഗ്ദാ​നം ചെ​യ്താ​ണ്​ യു​വാ​ക്ക​ളെ ആ​ക​ർ​ഷി​ക്കു​ന്ന​ത്​.