മരുന്നുമാറി കുത്തിവെച്ച സംഭവം; ബാലൻ അപകടനില തരണം ചെയ്തു

തി​രു​വ​ന​ന്ത​പു​രം: തൈ​ക്കാ​ട് ആ​ശു​പ​ത്രി​യി​ൽ മ​രു​ന്നു​മാ​റി കു​ത്തി​വെ​ച്ച്​ അ​തി​ഗു​രു​ത​രാ​വ​സ്ഥ​യി​ൽ എ​സ്.​എ.​ടി ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന പ​ത്തു​വ​യ​സ്സു​കാ​ര​ൻ അ​പ​ക​ട​നി​ല ത​ര​ണം ചെ​യ്തു. വെ​ന്‍റി​ലേ​റ്റ​ർ സ​ഹാ​യ​ത്തോ​ടെ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ൽ ക​ഴി​ഞ്ഞി​രു​ന്ന ബാ​ല​ൻ ഇ​പ്പോ​ൾ സാ​ധാ​ര​ണ​നി​ല​യി​ൽ ശ്വാ​സ​മെ​ടു​ത്ത്​ തു​ട​ങ്ങി. നേ​രി​യ​തോ​തി​ൽ ഭ​ക്ഷ​ണ​വും ക​ഴി​ക്കു​ന്നു​ണ്ട്. ഐ.​സി.​യു​വി​ലേ​ക്ക്​ മാ​റ്റി​യ ബാ​ല​ന്​ കു​റ​ച്ച്​ ദി​വ​സ​ങ്ങ​ൾ കൂ​ടി ആ​ശു​പ​ത്രി​യി​ൽ തു​ട​രേ​ണ്ടി​വ​രു​മെ​ന്ന്​ ആ​​ശു​പ​ത്രി അ​ധി​കൃ​ത​ർ അ​റി​യി​ച്ചു. അ​തേ​സ​മ​യം മ​രു​ന്നു​മാ​റി കു​ത്തി​വെ​പ്പ്​ ന​ൽ​കി​യ സം​ഭ​വ​ത്തി​ൽ ത​മ്പാ​നൂ​ർ പൊ​ലീ​സെ​ടു​ത്ത കേ​സു​മാ​യി ബ​ന്ധ​പ്പെ​ട്ട്​ കു​ട്ടി​യു​ടെ ബ​ന്ധു​ക്ക​ളു​ടെ മൊ​ഴി ​പൊ​ലീ​സ്​ രേ​ഖ​പ്പെ​ടു​ത്തി. തൈ​ക്കാ​ട്​ ആ​ശു​പ​ത്രി അ​ത്യാ​ഹി​ത​വി​ഭാ​ഗ​ത്തി​ൽ കു​ട്ടി​യെ എ​ത്തി​ച്ച​തു​മു​ത​ലു​ള്ള കാ​ര്യ​ങ്ങ​ൾ പൊ​ലീ​സി​ന്​ ന​ൽ​കി​യ മൊ​ഴി​യി​ൽ പ​റ​ഞ്ഞി​ട്ടു​ണ്ടെ​ന്ന്​ ബ​ന്ധു​ക്ക​ൾ അ​റി​യി​ച്ചു.

ന​ഴ്സി​ങ്​ പ​രി​ശീ​ല​ന​ത്തി​നാ​യി അ​ത്യാ​ഹി​ത​വി​ഭാ​ഗ​ത്തി​ൽ ഉ​ണ്ടാ​യി​രു​ന്ന വി​ദ്യാ​ർ​ഥി​ക​ളാ​ണ്​ കു​ട്ടി​ക്ക്​ കു​ത്തി​വെ​പ്പ്​ ന​ൽ​കി​യ​തെ​ന്നും കു​ട്ടി​ക്ക്​ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ടി​ട്ടും അ​ത്​ കാ​ര്യ​മാ​യി എ​ടു​ത്തി​ല്ലെ​ന്നും ബ​ന്ധു​ക്ക​ൾ മൊ​ഴി​ന​ൽ​കി. ജൂ​ലൈ 30 നാ​ണ് തൈ​ക്കാ​ട്​ ആ​ശു​പ​ത്രി​യി​ൽ കു​ട്ടി​ക്ക്​ മ​രു​ന്ന് മാ​റി കു​ത്തി​വെ​പ്പ്​ എ​ടു​ത്ത​ത്.

സം​ഭ​വം ന​ട​ക്കു​മ്പോ​ൾ ഡ്യൂ​ട്ടി​യി​ൽ ഉ​ണ്ടാ​യി​രു​ന്ന​വ​രെ​യാ​ണ്​ കേ​സി​ൽ പൊ​ലീ​സ്​ പ്ര​തി​ചേ​ർ​ത്തി​രി​ക്കു​ന്ന​ത്. സം​ഭ​വം വി​വാ​ദ​മാ​യ​തി​ന്‍റെ പ​ശ്ചാ​ത്ത​ല​ത്തി​ൽ ഡ്യൂ​ട്ടി ന​ഴ്‌​സ്, എ​ൻ.​എ​ച്ച്.​എം ന​ഴ്‌​സ് എ​ന്നി​വ​ർ​ക്കെ​തി​രെ ആ​രോ​ഗ്യ​വ​കു​പ്പ് ന​ട​പ​ടി സ്വീ​ക​രി​ച്ചി​രു​ന്നു. ഡ്യൂ​ട്ടി ന​ഴ്​​സി​നെ സ​സ്​​പെ​ൻ​ഡ്​​ ചെ​യ്യു​ക​യും എ​ൻ.​എ​ച്ച്.​എം ന​ഴ്​​സി​നെ പി​രി​ച്ചു​വി​ടു​ക​യു​മാ​യി​രു​ന്നു. ആ​ദ്യം ത​വ​ണ കു​ത്തി​വെ​പ്പ്​ ന​ൽ​കി​യ​തി​ന് പി​ന്നാ​ലെ വീ​ണ്ടും ഒ​രെ​ണ്ണം​കൂ​ടി എ​ടു​ത്ത​താ​ണ്​ ആ​രോ​ഗ്യ​നി​ല വ​ഷ​ളാ​കാ​ൻ കാ​ര​ണം. ​