തിരുവനന്തപുരം: കല്ലേറ് കൊള്ളാനുള്ള കരുത്തുണ്ടെന്ന് എറിയുന്നവർക്ക് അറിയാവുന്നത് കൊണ്ടാണ് താൻ നിരന്തരം ആക്രമിക്കപ്പെടുന്നതെന്ന് വിജിലൻസ് ഡയറക്ടർ ജേക്കബ് തോമസ്. ആക്രമിക്കുന്നവർക്ക് അറിയാം കല്ലേറ് കൊണ്ട് താൻ വീണുപോകില്ലെന്ന്. മുഖ്യമന്ത്രിയുടെ പിന്തുണക്ക് നന്ദി പറഞ്ഞുകൊണ്ടാണ് ജേക്കബ് തോമസ് മാധ്യമപ്രവർത്തകരോട് സംസാരിച്ചത്. ജോലി വെല്ലുവിളി ആകുമ്പോൾ എല്ലാവരടേയും പിന്തുണ ആശ്വാസകരമാണെന്നും അദ്ദേഹം പറഞ്ഞു.
വിജിലന്‍സ് ഡയറക്ടര്‍ സ്ഥാനത്തുനിന്ന് ജേക്കബ് തോമസിനെ മാറ്റില്ലെന്ന് ഇന്നലെ മുഖ്യമന്ത്രി നിയമസഭയിൽ സൂചന നല്‍കിയിരുന്നു. വിജിലന്‍സ് ഡയറക്ടര്‍ സ്ഥാനത്തുനിന്ന് ജേക്കബ് തോമസിനെ മാറ്റണമെന്നാഗ്രഹിക്കുന്ന നിരവധിപേരുണ്ട്. ആ കട്ടിലുകണ്ട് പനിക്കേെണ്ടന്നാണ് അവരോട് പറയാനുള്ളതെന്ന് വ്യക്തമാക്കിക്കൊണ്ടാണ് നിയമസഭയിൽ മുഖ്യമന്ത്രി വിജിലൻസ് ഡയറക്ടർക്കുള്ള പൂർണപിന്തുണ അറിയിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.