തിരുവനന്തപുരം : കെ. സുരേന്ദ്രന് ജാമ്യം അനുവദിച്ച ഹൈകോടതി നടപടി ബി.ജെ.പി സംസ്ഥാന അധ്യക്ഷൻ പി.എസ്. ശ്രീധരൻപിള ്ള സ്വാഗതം ചെയ്തു. അധർമത്തിനെതിരെ ധർമം നേടിയ വിജയമാണിതെന്ന് പിള്ള പ്രസ്താവനയിൽ പറഞ്ഞു. സുരേന്ദ്രനെ അറസ്റ്റ് ചെയ്ത നാൾ മുതൽ സംസ്ഥാനവ്യാപകമായി പ്രക്ഷോഭത്തിലേർപ്പെട്ടിരിക്കുന്ന പാർട്ടി പ്രവർത്തകരെയും അണികളേയും അദ്ദേഹം അഭിനന്ദിച്ചു. പിണറായി വിജയന് മന്ത്രിസഭയുടെ ഫാഷിസ്റ്റ് ഭരണത്തിൻകീഴിൽ കേരളത്തിൽ നടക്കുന്ന അടിയന്തരാവസ്ഥയെ പോലും ലജ്ജിപ്പിക്കുന്ന മനുഷ്യാവകാശ ലംഘനത്തിനും പൗരാവകാശ ധ്വംസനത്തിനും ഇരയാണ് കെ. സുരേന്ദ്രൻ. ശബരിമലയിലെ വിശ്വാസ സംരക്ഷണത്തിനായുള്ള സമരം ബി.ജെ.പി ശക്തമായി മുന്നോട്ടുകൊണ്ടുപോകുമെന്നും ശ്രീധരൻപിള്ള പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.