തൃക്കരിപ്പൂർ: മൈതാനി സിൽവർ സ്റ്റാർ സ്പോർട്സ് ക്ലബ് ഒരുക്കുന്ന ബൈത്താൻസ് കിങ്‌സ് കപ്പ് ഫുട്ബാൾ ടൂർണമെൻറ് ഡിസംബർ 19 മുതൽ ഇളംബച്ചി മിനി സ്റ്റേഡിയത്തിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. കണ്ണൂർ -കാസർകോട് ജില്ലകളിലെ 16 പ്രബല ടീമുകൾ മാറ്റുരക്കും. അന്നേദിവസം വൈകീട്ട് അഞ്ചിന് തൃക്കരിപ്പൂർ ഗ്രാമപഞ്ചായത്ത് പ്രസിഡൻറ് സത്താർ വടക്കുമ്പാട് ഉദ്ഘാടനം ചെയ്യും. ഡിവൈ.എസ്.പി ഡോ. വി. ബാലകൃഷ്‌ണൻ മുഖ്യാതിഥിയായിരിക്കും. വിജയികൾക്ക് ലക്ഷം രൂപ പ്രൈസ് മണി നൽകും. റൈമ മൈതാനി റോളിങ് ട്രോഫി, ഡി ക്ലബ് വിന്നേഴ്സ്, റണ്ണേഴ്‌സ് ട്രോഫികൾ എന്നിവ സമ്മാനിക്കും. ഹിറ്റാച്ചി തൃക്കരിപ്പൂർ, ടൗൺ പടന്ന, മെട്ടമ്മൽ ബ്രദേഴ്‌സ് മെട്ടമ്മൽ, ടൗൺ എഫ്.സി തൃക്കരിപ്പൂർ, അൽഹുദ ബീരിച്ചേരി, സിൽവർ സ്റ്റാർ മൈതാനി, എഫ്.സി മൊഗ്രാൽ, സെവൻസ്റ്റാർ ഇളമ്പച്ചി, ബ്രദേഴ്‌സ് വൾവക്കാട്, റെഡ്‌ ഫോഴ്സ് കൊയോങ്കര, എഫ്.സി ബ്രദേഴ്‌സ് ഒളവറ, മുനവ്വിർ സിറ്റി തൃക്കരിപ്പൂർ, യുനൈറ്റഡ്‌ എഫ്.സി തങ്കയം, റെഡ്‌ സ്റ്റാർ ഉടുമ്പുന്തല, യൂനിറ്റി കൈതക്കാട്, ബ്ലാക്ക് ആൻഡ് വൈറ്റ് പൊറോപ്പാട് തുടങ്ങിയ ടീമുകൾ ഏറ്റുമുട്ടും. വാർത്തസമ്മേളനത്തിൽ ടുർണമെൻറ് കമ്മിറ്റി ചെയർമാൻ ജമാൽ ഹാജി, കൺവീനർ ടി.എം. മുസ്തഫ, കെ.പി. ഗുൽസാർ, ആസിഫ് മൈതാനി, ബിലാൽ, ടി.എം. അഷ്റഫ്, വി.കെ.പി. ജലീൽ, ടി.എം. സിദ്ദീഖ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.