'പകൽവീട്' നിർമാണ പ്രവൃത്തി ഉദ്ഘാടനം ചെയ്തു

വേലാശ്വരം: കാഞ്ഞങ്ങാട് ബ്ലോക്ക് പഞ്ചായത്ത് 2021- 22 വാർഷിക പദ്ധതിയിൽ ഉൾപ്പെടുത്തി അജാനൂർ പഞ്ചായത്തിന്റെയും ജില്ല പഞ്ചായത്തിന്റെയും സഹകരണത്തോടെ അജാനൂർ പഞ്ചായത്തിലെ മൂന്നാം വാർഡായ വേലാശ്വരത്ത് നടപ്പിലാക്കുന്ന വയോജനങ്ങൾക്ക് വേണ്ടിയുള്ള പകൽവീട് കെട്ടിടത്തിന്റെ നിർമാണ പ്രവൃത്തി ഉദ്ഘാടനം നടന്നു. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്‍റ്​ കെ. മണികണ്ഠൻ ഉദ്ഘാടനം നിർവഹിച്ചു. അജാനൂർ പഞ്ചായത്ത് പ്രസിഡന്റ് ടി.ശോഭ അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാന്മാരായ കെ. മീന, കെ. കൃഷ്ണൻ മാസ്റ്റർ, ബ്ലോക്ക് പഞ്ചായത്ത് മെംബർമാരായ എ. ദാമോദരൻ, കെ. സീത, എം.ജി. പുഷ്പ, വാർഡ് അംഗങ്ങളായ സി. കുഞ്ഞാമിന, എം. ബാലകൃഷ്ണൻ, പി. മിനി, പൊതുപ്രവർത്തകരായ കോടാട്ട് കൃഷ്ണൻ, രാമകൃഷ്ണൻ എന്നിവർ സംസാരിച്ചു. pakalveedu കാഞ്ഞങ്ങാട് ബ്ലോക്ക് പഞ്ചായത്തിന്‍റെയും അജാനൂർ പഞ്ചായത്തിന്റെയും ജില്ല പഞ്ചായത്തിന്‍റെയും സഹകരണത്തോടെ അജാനൂർ പഞ്ചായത്തിലെ വേലാശ്വരത്ത് നടപ്പിലാക്കുന്ന പകൽവീട് കെട്ടിടത്തിന്‍റെ നിർമാണ പ്രവൃത്തി ബ്ലോക്ക്​ പഞ്ചായത്ത്​ പ്രസിഡന്‍റ്​ കെ. മണികണ്ഠൻ ഉദ്​ഘാടനം ചെയ്യുന്നു