പ്ലാ​സ്റ്റി​ക് ക​വ​ർ ക​ത്തി​ക്ക​ാൻ നിർദേശം നൽകിയത് അ​ന്വേ​ഷി​ക്ക​ണം -മ​നു​ഷ്യാ​വ​കാ​ശ ക​മീ​ഷ​ൻ

കാ​സ​ർ​കോ​ട്: ന​ന​ഞ്ഞ പ്ലാ​സ്റ്റി​ക് ക​വ​ർ ക​ത്തി​ച്ചു​ക​ള​യാ​ൻ ഹ​രി​ത​ക​ർ​മ സേ​നാം​ഗ​ങ്ങ​ൾ നി​ർ​ദേ​ശം ന​ൽ​കി​യെ​ന്ന പ​രാ​തി​യെ​ക്കു​റി​ച്ച് അ​ന്വേ​ഷി​ച്ച് വാ​സ്ത​വ​മാ​ണെ​ന്നു​ക​ണ്ടാ​ൽ ബ​ന്ധ​പ്പെ​ട്ട ഹ​രി​ത​ക​ർ​മ സേ​നാം​ഗ​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ.

പു​ത്തി​ഗൈ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​ക്കാ​ണ് ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് നി​ർ​ദേ​ശം ന​ൽ​കി​യ​ത്. പു​ത്തി​ഗൈ ഗ്രാ​മ​പ​ഞ്ചാ​യ​ത്തി​ലെ ഹ​രി​ത​ക​ർ​മ​സേ​ന എ​ല്ലാ പ്ലാ​സ്റ്റി​ക് മാ​ലി​ന്യ​വും കൊ​ണ്ടു​പോ​കാ​റി​ല്ലെ​ന്നാ​രോ​പി​ച്ച് സ​മ​ർ​പ്പി​ച്ച പ​രാ​തി​യി​ലാ​ണ് ഉ​ത്ത​ര​വ്.

പു​ത്തി​ഗൈ പ​ഞ്ചാ​യ​ത്ത് സെ​ക്ര​ട്ട​റി സ​മ​ർ​പ്പി​ച്ച റി​പ്പോ​ർ​ട്ടി​ൽ ആ​രോ​പ​ണം നി​ഷേ​ധി​ച്ചു. പ​രാ​തി​യു​ള്ള സ്ഥ​ല​ത്തെ മാ​ലി​ന്യം പൂ​ർ​ണ​മാ​യി നീ​ക്കം​ചെ​യ്തി​ട്ടു​ണ്ടെ​ന്നും മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ച്ചി​ട്ടു​ണ്ട​ന്നും റി​പ്പോ​ർ​ട്ടി​ൽ പ​റ​യു​ന്നു. സീ​താം​ഗോ​ളി ടൗ​ണി​ലെ മാ​ലി​ന്യം നി​ക്ഷേ​പി​ക്കു​ന്ന സ്ഥ​ല​ങ്ങ​ളി​ൽ സി.​സി.​ടി.​വി കാ​മ​റ സ്ഥാ​പി​ക്കാ​ൻ 86,000 രൂ​പ​യു​ടെ പ​ദ്ധ​തി പൊ​തു​മ​രാ​മ​ത്ത് വ​കു​പ്പ് ഇ​ല​ക്ട്രോ​ണി​ക്സ് വി​ഭാ​ഗ​ത്തി​ന് കൈ​മാ​റി​യി​ട്ടു​ണ്ട്.

സീ​താം​ഗോ​ളി ടൗ​ണി​ൽ വി​ജി​ല​ൻ​സ് പ​രി​ശോ​ധ​ന​യി​ൽ ക​ണ്ടെ​ത്തി​യ നാ​ല് പ്ര​ധാ​ന നി​യ​മ​ലം​ഘ​ന​ങ്ങ​ൾ​ക്ക് 30,000 രൂ​പ പി​ഴ​യും ചു​മ​ത്തി​യി​ട്ടു​ണ്ട്. സീ​താം​ഗോ​ളി പ​രി​സ​രം വൃ​ത്തി​യാ​ക്കി​യ​തി​ന്റെ ചി​ത്ര​ങ്ങ​ളും ഹാ​ജ​രാ​ക്കി.

എ​ന്നാ​ൽ, പ​രി​സ​ര മ​ലി​നീ​ക​ര​ണ​ത്തി​നെ​തി​രെ പ​രാ​തി ന​ൽ​കി​യ​തി​ന് ത​നി​ക്ക് പെ​ട്ടി​ക്ക​ട അ​നു​വ​ദി​ച്ചി​ല്ലെ​ന്നും ഭി​ന്ന​ശേ​ഷി​ക്കാ​ര​നാ​യ ത​നി​ക്ക് പെ​ട്ടി​ക്ക​ട അ​നു​വ​ദി​ക്കു​ക​യോ ന​ഷ്ട​പ​രി​ഹാ​രം ന​ൽ​കു​ക​യോ ചെ​യ്യ​ണ​മെ​ന്നും പ​രാ​തി​ക്കാ​ര​നാ​യ കു​മ്പ​ള എ​ട​നാ​ട് സ്വ​ദേ​ശി ഇ​സ്സ​കു​ഞ്ഞി അ​റി​യി​ച്ചു.