തു​റ​ന്നു​കൊ​ടു​ത്തു; ‘പ​ണി’​യാ​കു​മോ...

കാ​സ​ർ​കോ​ട്: കാ​ഞ്ഞ​ങ്ങാ​ട്- കാ​സ​ർ​കോ​ട് സം​സ്ഥാ​ന പാ​ത​യി​ലെ ച​ന്ദ്ര​ഗി​രി ജ​ങ്ഷ​ൻ മു​ത​ൽ പു​ലി​ക്കു​ന്നു​വ​രെ​യു​ള്ള പാ​ത അ​ട​ച്ചി​ട്ടു​ള്ള ഇ​ന്റ​ർ​ലോ​ക്ക് പാ​ക​ൽ പ​ണി ഒ​രു​വി​ധ​ത്തി​ൽ തീ​ർ​ത്ത് ശ​നി​യാ​ഴ്ച തു​റ​ന്നു​കൊ​ടു​ത്തു.

അ​തേ​സ​മ​യം, ക​ണ്ണി​ൽ​പൊ​ടി​യി​ടാ​ൻ മാ​ത്ര​മാ​ണ് ഇ​ങ്ങ​നെ​യൊ​രു നി​ർ​മാ​ണ പ്ര​വൃ​ത്തി​യെ​ന്ന് നാ​ട്ടു​കാ​രും യാ​ത്ര​ക്കാ​രും ആ​രോ​പി​ക്കു​ന്നു. ഏറെ നാളായി ഇവിടങ്ങളിൽ യാത്ര ദുസ്സഹമായിരുന്നു.

ഇന്റർലോക്ക് പാകൽ ഒരുപരിധിവരെ ആശ്വാസമാകുമെങ്കിലും അശാസ്ത്രീയമായ നിർമാണപ്രവൃത്തിയെന്നാണ് പരക്കെ ആക്ഷേപമുണ്ടായിരിക്കുന്നത്. നി​ർ​മാ​ണ പ്ര​വൃ​ത്തി​ക്കി​ടെ നാ​ട്ടു​കാ​ർ ഇ​ട​പെ​ട്ട് കാ​ല​താ​മ​സ​ത്തി​ൽ ഒ​ച്ച​പ്പാ​ടു​ണ്ടാ​യി​രു​ന്നു. പി​ന്നാ​ലെ​യാ​ണ് തി​ര​ക്കി​ട്ട് നി​ർ​മാ​ണ​പ്ര​വൃ​ത്തി തീ​ർ​ത്ത​തും റോ​ഡി​പ്പോ​ൾ തു​റ​ന്നു​കൊ​ടു​ത്ത​തും. റോ​ഡി​ൽ ഇ​ന്റ​ർ​ലോ​ക്ക് പാ​കാ​നാ​യി അ​ട​ച്ച​ത് സെ​പ്റ്റം​ബ​ർ 19നാ​യി​രു​ന്നു.

പ​ണി തു​ട​ങ്ങി​യ​പ്പോ​ൾ മ​ഴ വ​ന്ന​തും പ​ണി നീ​ളാ​ൻ കാ​ര​ണ​മാ​യി​രു​ന്നു. കൂ​ടാ​തെ, ഇ​ന്റ​ർ​ലോ​ക്ക് പാ​കി​യ​ത് വെ​ള്ളം ഉ​റ​വ വ​ന്ന് കി​നി​ഞ്ഞി​റ​ങ്ങു​ന്ന സ്ഥ​ല​ത്താ​ണെ​ന്ന​തും ആ​ശ​ങ്ക വ​ർ​ധി​പ്പി​ക്കു​ന്നു​ണ്ട്. ആ​ത്യ​ന്തി​ക പ​രി​ഹാ​രം കോ​ൺ​ഗ്രീ​റ്റ് മാ​ത്ര​മാ​ണെ​ന്നും ഇ​ത് പെ​ട്ടെ​ന്നു​ത​ന്നെ ഇ​ള​കി​വ​രാ​ൻ ഇ​ട​യാ​ക്കു​മെ​ന്നും ജ​ന​ങ്ങ​ൾ പ​റ​യു​ന്നു​ണ്ട്.

ഇ​തു​കൊ​ണ്ട് കു​റെ ഫ​ണ്ട് ചെ​ല​വ​ഴി​ച്ച​ത​ല്ലാ​തെ ഒ​രു ഗു​ണ​വു​മി​ല്ലെ​ന്നും ഇ​നി​യും സം​സ്ഥാ​ന​പാ​ത​യി​ലെ നി​ര​വ​ധി കു​ഴി​ക​ൾ അ​ട​ക്കാ​നു​ണ്ടെ​ന്നും അ​പ​ക​ട​ങ്ങ​ൾ തു​ട​രു​മ്പോ​ൾ ഈ ​കു​ഴി​ക​ൾ കൂ​ടി അ​ട​ച്ചി​രു​ന്നെ​ങ്കി​ൽ എ​ന്നാ​ണ് യാ​ത്ര​ക്കാ​രു​ടെ പ്ര​ധാ​ന ചോ​ദ്യം.

ഇ​ന്റ​ർ​ലോ​ക്ക് പാ​ക​ൽ തു​ട​ങ്ങി​യ​പ്പോ​ൾ പ​ല പ്രാ​വ​ശ്യം മ​ണ്ണ് നീ​ക്കി​യും ഇ​ന്റ​ർ​ലോ​ക്ക് പാ​കി​യും എ​ടു​ത്തും ലെ​വ​ലാ​ക്കാ​ൻ ക​ഷ്ട​പ്പെ​ടു​ന്ന കാ​ഴ്ച​യാ​ണ് മു​മ്പ് ക​ണ്ടി​രു​ന്ന​ത്.

കോ​ൺ​ഗ്രീ​റ്റ് പ്ര​വൃ​ത്തി മാ​ത്ര​മാ​ണ് ശാ​ശ്വ​ത പ​രി​ഹാ​ര​മാ​ണെ​ന്ന് യാ​ത്ര​ക്കാ​രും ബ​സ് തൊ​ഴി​ലാ​ളി​ക​ളും മ​റ്റും പ​റ​ഞ്ഞി​രു​ന്നെ​ങ്കി​ലും ഇ​ന്റ​ർ​ലോ​ക്ക് പാ​കു​ക​യാ​യി​രു​ന്നു. നി​ർ​മാ​ണ പ്ര​വൃ​ത്തി ന​ട​ന്ന റോ​ഡി​ലെ ഡ്രെ​യ്നേ​ജ് മൂ​ടി​യ​തും ആ​ഴ​മി​ല്ലാ​ത്ത​തും ഒ​രു മ​ഴ പെ​യ്താ​ൽ റോ​ഡ് ത​ക​രാ​ൻ കാ​ര​ണ​മാ​കു​മെ​ന്നാ​ണ് പ്ര​ദേ​ശ​വാ​സി​ക​ള​ട​ക്കം പ​റ​യു​ന്ന​ത്. ഇ​തി​നെ​തി​രെ ജ​ന​ങ്ങ​ളു​ടെ പ്ര​തി​ഷേ​ധ​വു​മു​ണ്ട്. അ​ടു​ത്തു​ള്ള ക്ഷേ​ത്ര​ത്തി​ൽ ഉ​ത്സ​വം തു​ട​ങ്ങു​ന്ന​തി​നു​മു​ന്നേ ഈ ​റോ​ഡ് തു​റ​ന്നു​കൊ​ടു​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടി​രു​ന്നു. അ​തി​നി​ട​യി​ലാ​ണ് തി​ര​ക്കി​ട്ടി​പ്പോ​ൾ പ​ണി പൂ​ർ​ത്തി​യാ​ക്കി​യി​രി​ക്കു​ന്ന​ത്. ഇ​നി വാ​ഹ​ന​ങ്ങ​ൾ നീ​ങ്ങി​ത്തു​ട​ങ്ങി​യി​ട്ടു​വേ​ണം ക​ണ്ട​റി​യാ​ൻ എ​ത്ര​കാ​ലം അ​തി​വി​ടെ നി​ൽ​ക്കു​മെ​ന്ന്.