മഞ്ചേശ്വരം: കാസർകോട് ജില്ലയിൽ രണ്ട് പേർ കൂടി കോവിഡ് ബാധിച്ച് മരിച്ചു. മംഗൽപാടി പഞ്ചായത്തിലെ ബന്തിയോട് ഇച്ചിലങ്കോട് സ്വദേശി മൊയ്തീൻ(65), കുമ്പളയിൽ ചികിത്സയിലായിരുന്ന കമല (60) എന്നിവരാണ് മരിച്ചത്. ഞായറാഴ്ച രാവിലെ ഏഴ് മണിയോടെയായിരുന്നു മൊയ്തീെൻറ മരണം.
ഇദ്ദേഹം പ്രമേഹവും വൃക്ക സംബന്ധമായ അസുഖങ്ങളും മൂലം പരിയാരം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കാസർകോട് സ്വകാര്യ ആശുപത്രിയിൽ വച്ചാണ് മൊയ്തീന് കൊറോണ പോസിറ്റിവ് ആയത്. തുടർന്ന് കഴിഞ്ഞ വ്യാഴാഴ്ച പരിയാരം മെഡിക്കൽ കോളജിലേക്ക് മാറ്റുകയായിരുന്നു. കടുത്ത ന്യൂമോണിയയും ഉണ്ടായിരുന്നു.
കുമ്പളയിൽ ചികിത്സയിലായിരുന്ന കമലയെ ഞായറാഴ്ച രാത്രി അസുഖം മൂർച്ഛിച്ചതോടെ വിദഗ്ധ ചികിത്സക്ക് മെഡിക്കൽ കോളജ് ആശുപത്രിയിലേക്ക് മാറ്റാനുള്ള ഒരുക്കങ്ങൾക്കിടെയാണ് മരണം സംഭവിച്ചത്. കാസർകോട് കോവിഡ് ബാധിച്ച് മരിച്ചവരുടെ എണ്ണം 43 ആയി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.