കെ.എസ്.ആർ.ടി.സി കൊറിയർ, ലോജിസ്റ്റിക്സ് സേവനങ്ങളുടെ ഉദ്ഘാടനം മന്ത്രി ആന്‍റണി രാജു നിർവഹിക്കുന്നു
തിരുവനന്തപുരം: കെ.എസ്.ആർ.ടി.സി ബസുകൾ വഴിയുള്ള കൊറിയർ സർവിസിന് തുടക്കമായി. തമ്പാനൂർ കെ.എസ്.ആർ.ടി.സി കോംപ്ലക്‌സിൽ നടന്ന ചടങ്ങിൽ മന്ത്രി സംരംഭം ഉദ്ഘാടനം ചെയ്തു. 16 മണിക്കൂറിനുള്ളിൽ കേരളത്തിലെവിടെയും കൊറിയർ/പാർസൽ കൈമാറുക എന്നതാണ് ലക്ഷ്യം.
ബസ് സ്റ്റാൻഡിൽ സ്ഥാപിച്ച കൊറിയർ ഔട്ട് ലെറ്റിൽ മന്ത്രി ആദ്യ കൊറിയർ ഏറ്റുവാങ്ങി.
കെ.എസ്.ആർ.ടി.സി ഡിപ്പോകളിലെ ഫ്രണ്ട് ഓഫിസുകളിലാണ് കൊറിയർ സർവിസിന്റെ കൗണ്ടറുകൾ. നഗരങ്ങളിലും ദേശീയപാതക്ക് സമീപത്തും പ്രവർത്തിക്കുന്ന 15 ഡിപ്പോകളിലെ കൊറിയർ സർവിസ് 24 മണിക്കൂറും പ്രവർത്തിക്കും.
മറ്റ് ഡിപ്പോകളിൽ രാവിലെ ഒമ്പതു മുതൽ രാത്രി ഒമ്പതു വരെയാണ്. പൊതുസ്വകാര്യ പങ്കാളിത്തത്തോടെ ഫ്രാഞ്ചൈസികളും ഭാവിയിൽ അനുവദിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.