തിരുവനന്തപുരം: ജല അതോറിറ്റിയുടെ ഗാര്‍ഹിക ഉപഭോക്താക്കള്‍ക്ക് കുടിവെള്ള ചാര്‍ജ് പിഴയില്ലാതെ അടക്കാവുന്ന സമയപരിധി 15 ദിവസം വരെയാക്കി കുറച്ചു.
മുമ്പ് പിഴയില്ലാതെ അടക്കാനുള്ള സമയപരിധി 30 ദിവസമായിരുന്നു. ഇതുസംബന്ധിച്ച് ജലവിഭവ വകുപ്പ് ഉത്തരവിറക്കി.
ഇനി ബില്‍ തീയതി മുതല്‍ 15 ദിവസം വരെ പിഴയില്ലാതെ അടക്കാം. പിന്നീടുള്ള 15 ദിവസം 12 ശതമാനം പ്രതിവര്‍ഷ പലിശ ഈടാക്കും. പിഴയോടുകൂടി 15 ദിവസത്തിനകം അടച്ചില്ലെങ്കില്‍ കണക്ഷന്‍ വിച്ഛേദിക്കാൻ നടപടിയെടുക്കും. 30 ദിവസം കഴിഞ്ഞാല്‍ 18 ശതമാനം പ്രതിവര്‍ഷ പലിശ ഈടാക്കും.
ഗാര്‍ഹികേതര കണക്ഷനുകള്‍ക്ക്‌ ബില്‍ തീയതി മുതല്‍ 15 ദിവസം വരെ പിഴയില്ലാതെ അടക്കാം. പിന്നീടുള്ള 15 ദിവസത്തിനകം അടക്കുകയാണെങ്കില്‍ 12 ശതമാനം പ്രതിവര്‍ഷ പലിശ ഈടാക്കും. പിഴയോടുകൂടി 15 ദിവസത്തിനകം അടച്ചില്ലെങ്കില്‍ കണക്ഷന്‍ വിച്ഛേദിക്കും. 30 ദിവസം കഴിഞ്ഞാല്‍ 24 ശതമാനം പ്രതിവര്‍ഷ പലിശ ഈടാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.