സർക്കാർ ഉത്തരവ്​ ലക്ഷ്യംകണ്ടില്ല; സ്വന്തമായി ആധാരമെഴുതിയത്​ ആയിരത്തിൽ താഴെപേർ

തി​രു​വ​ന​ന്ത​പു​രം: വ​സ്​​തു ഇ​ട​പാ​ടി​ൽ സ്വ​ന്ത​മാ​യി ആ​ധാ​രം എ​ഴു​തി ര​ജി​സ്​​റ്റ​ർ ചെ​യ്യു​ന്ന​തി​ന്​ സ​ർ​ക്കാ​ർ ​ഏ​ർ​പ്പെ​ടു​ത്തി​യ സൗ​ക​ര്യം ല​ക്ഷ്യം​ക​ണ്ടി​ല്ല. പ്ര​മാ​ണം ത​യാ​റാ​ക്കി സ​ബ് ര​ജി​സ്​​ട്രാ​ർ ഒാ​ഫി​സു​ക​ളി​ൽ ര​ജി​സ്​​റ്റ​ർ ചെ​യ്യു​ന്ന​തി​ന്​ ആ​ധാ​രം എ​ഴു​ത്തു​കാ​രു​ടെ​യോ അ​ഭി​ഭാ​ഷ​ക​രു​ടെ​യോ ആ​വ​ശ്യ​മി​ല്ലെ​ന്ന്​ മൂ​ന്ന്​ വ​ർ​ഷം മു​മ്പാ​ണ്​ സ​ർ​ക്കാ​ർ ഉ​ത്ത​ര​വി​റ​ക്കി​യ​ത്​. ഇ​തി​ന​കം സം​സ്​​ഥാ​ന​ത്ത് സ്വ​യം ആ​ധാ​രം എ​ഴു​തി​യ​ത് ആ​യി​ര​ത്തി​ൽ താ​ഴെ​പേ​ർ മാ​ത്ര​മാ​ണ്. വ​സ്​​തു കൈ​മാ​റ്റം ചെ​യ്യു​ന്ന​വ​ർ​ക്ക്​ സ്വ​യം ആ​ധാ​രം എ​ഴു​തു​ന്ന​തി​ന്​ അ​വ​സ​ര​മൊ​രു​ക്കാ​ൻ 1960ലെ ​ആ​ധാ​രം എ​ഴു​ത്തു​കാ​രു​ടെ ലൈ​സ​ൻ​സ്​ ഭേ​ദ​ഗ​തി ചെ​യ്ത സ​ർ​ക്കാ​ർ വി​ജ്​​ഞാ​പ​നം 2016 മേ​യ് 30നാ​ണ് നി​ല​വി​ൽ​വ​ന്ന​ത്.

ഇ​ട​ത്ത​ട്ടു​കാ​രു​ടെ ചൂ​ഷ​ണം ഒ​ഴി​വാ​ക്കു​ന്ന​തി​നും സ​ബ് ര​ജി​സ്​​​ട്രാ​ർ ഒാ​ഫി​സു​ക​ളി​ലെ അ​ഴി​മ​തി ത​ട​യു​ന്ന​തി​നും ല​ക്ഷ്യ​മി​ട്ടാ​യി​രു​ന്നു ഇ​ത്. സ​ബ് ര​ജി​സ്​​​ട്രാ​ർ ഒാ​ഫി​സു​ക​ളി​ൽ ര​ജി​സ്​​റ്റ​ർ ചെ​യ്യു​ന്ന പ്ര​മാ​ണ​ങ്ങ​ൾ ആ​ധാ​രം എ​ഴു​ത്ത് ലൈ​സ​ൻ​സി​ക​ളും അ​ഭി​ഭാ​ഷ​ക​രു​മാ​ണ് സാ​ധാ​ര​ണ ത​യാ​റാ​ക്കി​യി​രു​ന്ന​ത്. സ്വ​യം ആ​ധാ​രം എ​ഴു​തു​ന്ന​തി​ന് ഉ​ത്ത​ര​വി​റ​ങ്ങി​യ​തോ​ടെ ആ​ധാ​ര​ങ്ങ​ൾ വ​സ്​​തു​കൈ​മാ​റ്റം ചെ​യ്യു​ന്ന​വ​രോ, ല​ഭി​ക്കു​ന്ന​വ​രോ ത​യാ​റാ​ക്കി​യാ​ൽ സ​ബ് ര​ജി​സ്​​​ട്രാ​ർ ഒാ​ഫി​സു​ക​ളി​ൽ ര​ജി​സ്​േ​ട്ര​ഷ​ൻ പൂ​ർ​ത്തീ​ക​രി​ച്ച് ന​ൽ​കും. സ്വ​യം ആ​ധാ​രം ത​യാ​റാ​ക്കു​ന്ന​തി​ന്​ സ​ബ് ര​ജി​സ്​​​ട്രാ​ർ ഒാ​ഫി​സു​ക​ളി​ലെ ജീ​വ​ന​ക്കാ​രു​ടെ സേ​വ​നം വി​നി​യോ​ഗി​ക്കാ​മെ​ന്നും വ​കു​പ്പ് ഉ​ത്ത​ര​വി​റ​ക്കി. എ​ന്നാ​ൽ ഇ​തും പാ​ലി​ക്ക​പ്പെ​ട്ടി​ട്ടി​ല്ല.

സ്വ​യം ആ​ധാ​രം എ​ഴു​തു​ന്ന​തി​ന്​ പൊ​തു​ജ​ന​ങ്ങ​ളെ ബോ​ധ​വ​ത്ക​രി​ക്കാ​നോ ഇ​ട​നി​ല​ക്കാ​രു​ടെ ചൂ​ഷ​ണം ത​ട​യാ​നോ സ​ർ​ക്കാ​ർ കാ​ര്യ​ക്ഷ​മ​മാ​യ സം​വി​ധാ​നം ഇ​നി​യും ഏ​ർ​പ്പെ​ടു​ത്തി​യി​ട്ടു​മി​ല്ല. ര​ജി​സ്​​്ട്രേ​ഷ​ൻ വ​കു​പ്പി​​െൻറ വെ​ബ്​​സൈ​റ്റി​ൽ നി​ല​വി​ലു​ള്ള മാ​തൃ​ക പ്ര​മാ​ണ​ങ്ങ​ളു​പ​യോ​ഗി​ച്ച് സാ​ധാ​ര​ണ​ക്കാ​ർ​ക്ക് ഇ​പ്പോ​ഴും സ്വ​യം ആ​ധാ​രം എ​ഴു​താ​ൻ ക​ഴി​യി​ല്ലെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു. ​സം​സ്​​ഥാ​ന​ത്തെ 314 സ​ബ് ര​ജി​സ്​​​ട്രാ​ർ ഒാ​ഫി​സു​ക​ളി​ലാ​യി ആ​റാ​യി​ര​ത്തോ​ളം ആ​ധാ​രം ത​യാ​റാ​ക്ക​ൽ ലൈ​സ​ൻ​സി​ക​ളും ഇ​ര​ട്ടി​യോ​ളം പ​ക​ർ​ത്തി​യെ​ഴു​ത്ത് ലൈ​സ​ൻ​സി​ക​ളു​മു​ണ്ട്. സ​ർ​ക്കാ​ർ ഉ​ത്ത​ര​വ​നു​സ​രി​ച്ച് 400 രൂ​പ മു​ത​ൽ 7500 രൂ​പ​വ​രെ ആ​ധാ​രം ത​യാ​റാ​ക്കു​ന്ന​തി​ന് എ​ഴു​ത്തു​കാ​ർ​ക്ക് ഫീ​സാ​യി ഈ​ടാ​ക്കാ​നാ​കും. എ​ന്നാ​ൽ അ​മി​ത ഫീ​സ്​ ഈ​ടാ​ക്കു​ന്ന​താ​യു​ള്ള പ​രാ​തി വ്യാ​പ​ക​മാ​യ​തോ​ടെ​യാ​ണ് സ്വ​യം ആ​ധാ​രം എ​ഴു​തു​ന്ന​തി​ന്​ സ​ർ​ക്കാ​ർ ഉ​ത്ത​ര​വി​റ​ക്കി​യ​ത്.

പ​ല ആ​ധാ​ര​ങ്ങ​ളു​ടെ​യും ത​യാ​റാ​ക്ക​ൽ സ​ങ്കീ​ർ​ണ​മെ​ന്നാ​ണ് ര​ജി​സ്​േ​ട്ര​ഷ​ൻ വ​കു​പ്പി​ലെ ഉ​ദ്യോ​ഗ​സ്​​ഥ​രും വി​ര​മി​ച്ച സ​ബ് ര​ജി​സ്​​ട്രാ​ർ​മാ​രും പ​റ​യു​ന്ന​ത്. പ​രി​ച​യ​സ​മ്പ​ന്ന​രാ​യ ആ​ധാ​രം എ​ഴു​ത്തു​കാ​രും അ​ഭി​ഭാ​ഷ​ക​രും ത​യാ​റാ​ക്കി​യി​ട്ടു​പോ​ലും സം​സ്​​ഥാ​ന​ത്ത് പ്ര​തി​വ​ർ​ഷം ഓ​രോ സ​ബ് ര​ജി​സ്​​ട്രാ​ർ ഒാ​ഫി​സു​ക​ളി​ലും ശ​രാ​ശ​രി നൂ​റി​ലേ​റെ തി​രു​ത്താ​ധാ​ര​ങ്ങ​ൾ ര​ജി​സ്​​റ്റ​ർ ചെ​യ്യു​ന്ന​താ​യാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്.