കോഴിക്കോട്: മുസ് ലിം ലീഗിനെതിരെ രൂക്ഷവിമർശനവുമായി എൽ.ഡി.എഫ് കൺവീനർ എ. വിജയരാഘവൻ. ലീഗ് വർഗീയവാദികൾ തന്നെയെന്ന് വിജയരാഘവൻ പറഞ്ഞു.
ലീഗ് സംസ്ഥാനത്തിന്‍റെ സാമൂഹ്യ പുരോഗതിയെ പ്രതിനിധാനം ചെയ്യുന്ന പ്രസ്ഥാനമല്ല. മുസ് ലിംകളെ പ്രതിലോമ പക്ഷത്തേക്ക് നയിക്കുന്ന വർഗീയവാദികളാണ്. വർഗീയ വാദത്തിന്‍റെ പ്രതീകമായ ലീഗിന് കോൺഗ്രസ് കീഴ്പ്പെടുന്നുവെന്നും വിജയരാഘവൻ ആരോപിച്ചു.
രമ്യ ഹരിദാസിനെതിരെ നടത്തിയത് വ്യക്തിപരമായ പരാമർശമല്ലെന്ന് വിജയരാഘവൻ പറഞ്ഞു. തെരഞ്ഞെടുപ്പിൽ മൽസരിക്കാൻ ഒരു സീറ്റ് ലഭിച്ചാൽ വർഗീയവാദത്തിലെ പ്രതീകമായ ലീഗ് നേതാക്കളുടെ അനുഗ്രഹം വാങ്ങാൻ കോൺഗ്രസ് നേതാക്കൾ ഒാടുന്ന ദയനീയ കാഴ്ചയാണ് ഈ തെരഞ്ഞെടുപ്പിൽ കണ്ടതെന്നും വിജയരാഘവൻ പറഞ്ഞു.
സി.പി.എം കേരള ഫേസ്ബുക്ക് പേജിൽ നടത്തിയ സംവാദത്തിലാണ് ഇക്കാര്യം വ്യക്തമാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.