പ്രതിഷേധം അയഞ്ഞു; തീരദേശ റോഡിൽ ഗതാഗതം പുനഃസ്ഥാപിച്ചു

ആ​റാ​ട്ടു​പു​ഴ: തൃ​ക്കു​ന്ന​പ്പു​ഴ മ​തു​ക്ക​ൽ ഗെ​സ്റ്റ് ഹൗ​സ് ജ​ങ്ഷ​ൻ ഭാ​ഗ​ത്ത് തീ​ര​ദേ​ശ റോ​ഡി​ൽ അ​ടി​ഞ്ഞ മ​ണ​ൽ നീ​ക്കി ഗ​താ​ഗ​തം പു​നഃ​സ്ഥാ​പി​ച്ചു. ഏ​ഴ് ദി​വ​സ​ത്തി​നു​ള്ളി​ൽ ജി​യോ ബാ​ഗി​ൽ മ​ണ​ൽ നി​റ​ച്ച് താ​ൽ​ക്കാ​ലി​ക പ്ര​തി​രോ​ധ സം​വി​ധാ​നം ഒ​രു​ക്കു​മെ​ന്ന് കാ​ർ​ത്തി​ക​പ്പ​ള്ളി ത​ഹ​സി​ൽ​ദാ​ർ ന​ൽ​കി​യ ഉ​റ​പ്പി​നെ തു​ട​ർ​ന്നാ​ണ് പ്ര​ദേ​ശ​വാ​സി​ക​ൾ മ​ണ​ൽ നീ​ക്കാ​ൻ അ​നു​വ​ദി​ച്ച​ത്.

ബു​ധ​നാ​ഴ്ച രാ​വി​ലെ 11ഓ​ടെ റോ​ഡി​ലെ മ​ണ​ൽ നീ​ക്കി ഗ​താ​ഗ​തം പു​നഃ​സ്ഥാ​പി​ക്കാ​ൻ കാ​ർ​ത്തി​ക​പ്പ​ള്ളി ത​ഹ​സി​ൽ​ദാ​ർ ഡെ​പൂ​ട്ടി ത​ഹ​സി​ൽ​ദാ​ർ അ​ജി​ത് ജോ​യി, ഉ​ണ്ണി​കൃ​ഷ്ണ​ൻ മൂ​സ​ത് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള റ​വ​ന്യൂ അ​ധി​കൃ​ത​രും പൊ​ലീ​സ് സം​ഘ​വും എ​ത്തി​യി​രു​ന്നു. മ​ണ്ണു​മാ​ന്തി യ​ന്ത്രം വ​ന്ന​തോ​ടെ നാ​ട്ടു​കാ​ർ ത​ട​യു​ക​യും സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള​വ​ർ റോ​ഡി​ൽ കു​ത്തി​യി​രു​ന്ന് പ്ര​തി​ഷേ​ധി​ക്കു​ക​യും ചെ​യ്തു. എ​ന്നാ​ൽ, മ​ണ​ൽ ചാ​ക്കു​ക​ൾ നി​ര​ത്തു​ന്ന കാ​ര്യ​ത്തി​ൽ വ്യ​ക്ത​മാ​യ ഉ​റ​പ്പ് ല​ഭി​ച്ചി​ട്ട് മ​ണ​ൽ മാ​റ്റാ​ൻ അ​നു​വ​ദി​ക്കു​മെ​ന്ന് നാ​ട്ടു​കാ​ർ പ​റ​ഞ്ഞു. ഇ​തോ​ടെ ഉ​ദ്യോ​ഗ​സ്ഥ​രും നാ​ട്ടു​കാ​രും ത​മ്മി​ൽ ത​ർ​ക്കം ഉ​ണ്ടാ​യി. വ​ൻ പൊ​ലീ​സ് സ​ന്നാ​ഹം സ്ഥ​ല​ത്ത് നി​ല​യു​റ​പ്പി​ച്ചി​രു​ന്നു. മ​ണ​ൽ ചാ​ക്കു​ക​ൾ നി​ര​ത്താ​ൻ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യു​ടെ ഫ​ണ്ടി​ൽ​നി​ന്ന് ആ​ദ്യ​ഘ​ട്ട​മാ​യി നാ​ല് ല​ക്ഷം രൂ​പ തൃ​ക്കു​ന്ന​പ്പു​ഴ പ​ഞ്ചാ​യ​ത്തി​ന് കൈ​മാ​റു​മെ​ന്നും തു​ട​ർ​ന്ന് കൂ​ടു​ത​ൽ പ​ണം ആ​വ​ശ്യ​മാ​കു​ന്ന മു​റ​ക്ക്​ ഫ​ണ്ട് ന​ൽ​കാ​നും തീ​രു​മാ​ന​മാ​യ​താ​യി ത​ഹ​സി​ൽ​ദാ​ർ അ​റി​യി​ച്ചു. ഒ​രാ​ഴ്ച​ക്കു​ള്ളി​ൽ നി​ർ​മാ​ണം പൂ​ർ​ത്തീ​ക​രി​ക്കു​മെ​ന്നും സ​മ​ര​ക്കാ​ർ​ക്ക് ത​ഹ​സി​ൽ​ദാ​ർ ഉ​റ​പ്പ് ന​ൽ​കി. തു​ട​ർ​ന്നാ​ണ് സ​മ​ര​ക്കാ​ർ പി​ന്തി​രി​ഞ്ഞ​ത്. ഉ​ച്ച​ക്ക് ര​ണ്ടോ​ടെ മൂ​ത്തേ​രി മു​ത​ൽ ഗെ​സ്റ്റ് ഹൗ​സി​നു സ​മീ​പം വ​രെ റോ​ഡി​ൽ അ​ടി​ഞ്ഞ മ​ണ​ൽ നീ​ക്കം ചെ​യ്തു.

നാ​ല് ദി​വ​സ​മാ​യി തോ​ട്ട​പ്പ​ള്ളി-​വ​ലി​യ​ഴീ​ക്ക​ൽ റോ​ഡി​ലെ ഗ​താ​ഗ​തം ഇ​തോ​ടെ പൂ​ർ​ണ​മാ​യും പു​നഃ​സ്ഥാ​പി​ച്ചു. എ​ന്നാ​ൽ, തീ​ര​ദേ​ശ​വാ​സി​ക​ളു​ടെ ഏ​ക ആ​ശ്ര​യ​മാ​യ റോ​ഡി​ൽ ദി​വ​സ​ങ്ങ​ളോ​ളം ഗ​താ​ഗ​തം മു​ട​ക്കു​ന്ന​തി​നെ​തി​രെ പ്ര​തി​ഷേ​ധ​വും ഉ​യ​ർ​ന്നി​ട്ടു​ണ്ട്. ബ​ദ​ൽ മാ​ർ​ഗം പോ​ലു​മി​ല്ലാ​ത്ത സാ​ഹ​ച​ര്യ​ത്തി​ൽ ഇ​ത്ത​രം സ​മ​ര​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ഹൈ​കോ​ട​തി​യെ സ​മീ​പി​ക്കു​മെ​ന്ന് വി​വ​രാ​വ​കാ​ശ പ്ര​വ​ർ​ത്ത​ക​ൻ ഷാ​ജി പ​തി​യാ​ങ്ക​ര പ​റ​ഞ്ഞു.