മുഹമ്മയിൽ എം.ഡി.എം.എയുമായി പൊലീസ് അറസ്റ്റ് ചെയ്ത പാർഥസാരഥി, നന്ദുകൃഷ്ണൻ, അശ്വിൻ.
മുഹമ്മ: ബംഗളൂരുവിൽനിന്ന് വിൽപനക്ക് എത്തിച്ച 16 ഗ്രാം എം.ഡി.എം.എയുമായി മുഹമ്മക്കാരായ മൂന്ന് യുവാക്കൾ പൊലീസ് പിടിയിൽ.
മുഹമ്മ പഞ്ചായത്ത് 16ാം വാർഡിൽ കായിക്കര ക്ഷേത്രത്തിന് പടിഞ്ഞാറ് ചെറുകാട്ടുവെളിവീട്ടിൽ പാർഥസാരഥി (23), അഞ്ചാം വാർഡ് കായിപ്പുറം സഹകരണബാങ്കിനുസമീപം കല്യാണശ്ശേരി വീട്ടിൽ നന്ദുകൃഷ്ണൻ (24), അഞ്ചാം വാർഡിൽ ജനശക്തി ജങ്ഷനുസമീപം വെറുങ്ങാട്ട് ചുവട്ടിൽ അശ്വിൻ (24) എന്നിവരെയാണ് മുഹമ്മ എസ്.എച്ച്.ഒ എൻ.വിജയന്‍റെ നേതൃത്വത്തിലുള്ള സംഘം അറസ്റ്റ് ചെയ്‌തത്.
രഹസ്യവിവരം ലഭിച്ചതിനെത്തുടർന്ന് ശനിയാഴ്ച ഉച്ചക്ക് രണ്ടരയോടെ കായിക്കര ക്ഷേത്രത്തിനുസമീപത്തുനിന്നാണ് ഇവരെ കസ്റ്റഡിയിലെടുത്തത്. പ്രതികളെ ചോദ്യം ചെയ്തുവരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.