കൊച്ചി: മഴ ശക്തിപ്പെട്ട് റോഡപകട സാധ്യത വർധിക്കുന്ന സാഹചര്യത്തിൽ ഹെവി വാഹനങ്ങളുടെ ഓട്ടസമയം പുനർനിർണയിച്ച് കുറ്റമറ്റതാക്കണമെന്ന് റോഡ് ആക്സിഡന്റ് ആക്ഷൻ ഫോറം (റാഫ്) സംസ്ഥാന പ്രവർത്തക യോഗം ആവശ്യപ്പെട്ടു. സ്കൂളുകൾ തുറക്കുന്നതിനു മുമ്പായി ടിപ്പറുകൾ അടക്കമുള്ള ഹെവി ചരക്കുവാഹനങ്ങൾ രാവിലെ എട്ടു മുതൽ 10വരെയും വൈകീട്ട് നാലു മുതൽ ആറുവരെയും ഓട്ടം നിർത്തി നിയന്ത്രണം ഏർപ്പെടുത്തണം. വിദ്യാർഥികൾക്കും പൊതുജനങ്ങൾക്കുമായി റോഡ് സുരക്ഷാ ബോധവത്കരണ തുടർപരിപാടികൾക്ക് മലപ്പുറത്ത് തുടക്കം കുറിക്കാൻ തീരുമാനിച്ചു. റാഫ് മുഖ്യരക്ഷാധികാരി പാലോളി അബ്ദു റഹ്മാൻ അധ്യക്ഷതവഹിച്ചു. സംസ്ഥാന പ്രസിഡന്‍റ് ഡോ. കെ.എം. അബ്ദു ഉദ്ഘാടനം ചെയ്തു. അലി കാരോളി, എം.ടി. തെയ്യാല, അനീഷ് മലാപ്പറമ്പ്, എൻ. കൃഷ്ണൻകുട്ടി, ടി.ഐ.കെ. മൊയ്തു, ബേബി ഗിരിജ, നിസാർ പാമ്പാടി, ജോൺസൻ, എസ്.എൻ. വിജയകുമാർ, അഡ്വ. സുജാത വർമ, എംഎം. സുബൈദ തുടങ്ങിയവർ സംസാരിച്ചു. സംസ്ഥാന ജനറൽ സെക്രട്ടറി വിജയൻ കൊളത്തായി സ്വാഗതവും സാബിറ ചേളാരി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.