സി.പി.എമ്മി‍െൻറ സവർക്കർസ്നേഹം ലജ്ജാകരം -യൂത്ത് ലീഗ്

സി.പി.എമ്മി‍ൻെറ സവർക്കർസ്നേഹം ലജ്ജാകരം -യൂത്ത് ലീഗ് കളമശ്ശേരി: ബ്രിട്ടീഷുകാർക്ക് മാപ്പ് എഴുതി കൊടുക്കുകയും സ്വാതന്ത്ര്യ സമരത്തെ തള്ളി പറയുകയും ചെയ്ത സംഘ് പരിവാർ ആചാര്യൻ വീർ സവർക്കറിന് സ്വാതന്ത്ര്യസമര സേനാനി പട്ടം സമ്മാനിച്ചു കൊണ്ടുളള സി.പി.എമ്മി‍ൻെറ നിലപാട്​ ലജ്ജാകരമാണെന്ന് മുസ്‌ലിം യൂത്ത് ലീഗ് സംസ്ഥാന ട്രഷറർ പി. ഇസ്മായിൽ പറഞ്ഞു. സീതി സാഹിബ് അക്കാദമിയ പാഠശാലയുടെ ജില്ല തല ഉദ്ഘാടനം കളമശ്ശേരിയിൽ നിർവഹിക്കുകയായിരുന്നു അദ്ദേഹം. തൃശൂർ പൂരത്തിലെ ചമയപ്രദർശനത്തിനുള്ള കുടകളിൽ നവോത്ഥാന നായകർക്കൊപ്പം സവർക്കറുടെ ചിത്രം പ്രത്യക്ഷപ്പെട്ടതിലും കണ്ണൂർ സർവകലാശാലയിലെ സിലബസിൽ ഇടം നൽകിയതിലും മതേതര കേരളം ഒറ്റക്കെട്ടായിട്ടാണ് പ്രതിഷേധിച്ചത്. അതിൽനിന്ന് പാഠം ഉൾക്കൊള്ളാതെ സവർക്കറുടെ പേരുള്ള അന്തമാൻ സെല്ലുലാർ ജയിലിലെ ഫലകം സി.പി.എം സംസ്ഥാന കമ്മിറ്റിയുടെ ഔദ്യോഗിക ഫേസ്ബുക്ക് പേജിൽ പ്രത്യക്ഷപ്പെട്ടത് ആർ.എസ്.എസ് പ്രീണനത്തി‍ൻെറ ഭാഗമാണെന്ന് അദ്ദേഹം കുറ്റപ്പെടുത്തി. യൂത്ത് ലീഗ് മുനിസിപ്പൽ കമ്മിറ്റി പ്രസിഡന്‍റ്​ സലീം കാരുവള്ളി അധ്യക്ഷത വഹിച്ചു. സംസ്ഥാന പ്രവർത്തക സമിതി അംഗം കെ.എ. മുഹമ്മദ് ആസിഫ്, ജില്ല പ്രസിഡന്‍റ്​ പി.എ. സലീം, ജനറൽ സെക്രട്ടറി കെ.പി. ജലീൽ, മുസ്​ലിം ലീഗ് ജില്ല സെക്രട്ടറി പി.എ. അഹമ്മദ് കബീർ, പി.എം.എ ലത്തീഫ് തുടങ്ങിയവർ സംസാരിച്ചു. റിയാസ് വട്ടേക്കുന്നം സ്വാഗതവും കെ.എ. റഫീഖ് നന്ദിയും പറഞ്ഞു. ER KALA 1LEGUE സീതി സാഹിബ് അക്കാദമിയ പാഠശാലയുടെ ജില്ല തല ഉദ്ഘാടനം കളമശ്ശേരിയിൽ മുസ്‌ലിം യൂത്ത് ലീഗ് സംസ്ഥാന ട്രഷറർ പി.ഇസ്മായിൽ നിർവഹിക്കുന്നു