പെരുമ്പാവൂര്‍: ടൗണിലെ മൊബൈല്‍ ഷോപ് ഉടമയെ മര്‍ദിച്ചവരെ പിടികൂടണമെന്ന ആവശ്യം ശക്തമാകുന്നു. പ്രൈവറ്റ് ബസ്സ്റ്റാൻഡിന് സമീപത്തെ നാത്തേക്കാട് ആര്‍ക്കേഡില്‍ സലീം ടെലികോം എന്ന സ്ഥാപനം നടത്തുന്ന ചേലാമറ്റം പള്ളത്തുകുടി വീട്ടില്‍ സലീമിനാണ് മര്‍ദനമേറ്റത്. കഴിഞ്ഞ ഞായറാഴ്ച ഫോണില്‍ സ്‌ക്രീന്‍ ഗാര്‍ഡ് പതിക്കുന്നതുമായി ബന്ധപ്പെട്ട് ചിലരുമായി കടയില്‍ വാക്തര്‍ക്കമുണ്ടായി. ഗാര്‍ഡ് ഒട്ടിച്ചതില്‍ അപാകത ആരോപിച്ച് ഒരു സംഘം യുവാക്കള്‍ കടയിലെ ജീവനക്കാരെ ഭീഷണിപ്പെടുത്തുകയും അസഭ്യം പറയുകയുമായിരുന്നു. പുറത്തുപോയിരുന്ന സലീം വിവരമറിഞ്ഞ് യുവാക്കളുമായി വാക്കേറ്റമുണ്ടായതായി പറയുന്നു. ചൊവ്വാഴ്ച വൈകീട്ട് സലീം പള്ളിയിലേക്ക് പോകുമ്പോള്‍ ഒരുകൂട്ടം ആളുകള്‍ വളഞ്ഞിട്ട് ആക്രമിക്കുകയായിരുന്നു. സലീമിൻെറ തലക്ക് ഗുരുതര പരിക്കുണ്ട്. ചെവി മുറിഞ്ഞ് തൂങ്ങിയതിനെത്തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. പൊലീസ് കേസെടുത്ത് അന്വേഷണം ആരംഭിച്ചു. എട്ടോളം പേര്‍ പ്രതികളാണെന്നാണ് വിവരം. എന്നാല്‍, ഒളിവില്‍ പോയ ഇവരെ പിടികൂടാനായിട്ടില്ല. സംഭവത്തില്‍ മര്‍ച്ചൻറ്സ് അസോസിയേഷന്‍ പ്രതിഷേധിച്ചു. മൊബൈല്‍ ഫോണ്‍ ഷോപ് അസോസിയേഷന്‍ ടൗണില്‍ പ്രകടനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.