പുരുഷമംഗലം ക്ഷേത്രത്തിൽ ഉത്സവം തുടങ്ങി

പിറവം: കക്കാട് ​ശ്രീ പുരുഷമംഗലം ശ്രീകൃഷ്ണ ക്ഷേത്രത്തിലെ വിശ്വരൂപ ദർശന മഹോത്സവത്തിന് തുടക്കമായി. വിശ്വരൂപം പ്രതിഷ്​ഠയായുള്ള ചുരുക്കം വൈഷ്ണവ ക്ഷേത്രങ്ങളിലൊന്നാണ് കക്കാട് ക്ഷേത്രം. ജനുവരി രണ്ടുവരെയുള്ള മഹോത്സവത്തിന് മുന്നോടിയായി പഞ്ചാരിമേളത്തി​ൻെറ അകമ്പടിയോടെ 18 ദിവസം മാത്രം ഭഗവാന് ചാർത്താനുള്ള വിശ്വരൂപഗോളക ശ്രീലകത്തേക്ക് എഴുന്നള്ളിച്ചു. തന്ത്രി കാവനാട് പരമേശ്വരൻ നമ്പൂതിരി, മേൽശാന്തി കണ്ണൻ നമ്പൂതിരി എന്നിവർ കാർമികത്വം വഹിച്ചു. ക്ഷേത്ര കമ്മിറ്റി പ്രസിഡൻറ്​ സി.സി. ശ്രീകുമാർ, കെ.സി. അശോകൻ, ഇ.കെ. ഗോകുലൻ നായർ എന്നിവർ നേതൃത്വം നൽകി. ചിത്രം: കക്കാട് ശ്രീ പുരുഷമംഗലം ശ്രീകൃഷ്ണ ക്ഷേത്രത്തിലെ വിശ്വരൂപ ദർശന മഹോത്സവത്തിന് തുടക്കംകുറിച്ച് വിശ്വരൂപഗോളക ശ്രീലകത്തേക്ക് എഴുന്നള്ളിക്കുന്നു