മൂവാറ്റുപുഴ: തൃക്കളത്തൂർ ഗവ. എൽ.പി സ്കൂളിൽ അവധിക്കാല ക്യാമ്പിന് (കോലുമിഠായി-2022) തുടക്കമായി. പായിപ്ര ഗ്രാമപഞ്ചായത്ത് പ്രസിഡന്റ് മാത്യൂസ് വർക്കി ഉദ്ഘാടനം നിർവഹിച്ചു. എ.ഇ.ഒ ജീജ വിജയൻ, സീനിയർ സൂപ്രണ്ട് ഡി. ഉല്ലാസ് എന്നിവർ കുട്ടികൾക്കുവേണ്ട മാർഗനിർദേശങ്ങൾ നൽകി. ചിത്രകല അധ്യാപകൻ കെ.എം. ഹസന്‍റെ നേതൃത്വത്തിൽ 'വരയും കുറിയും' ചിത്രകല പരിശീലനം നടന്നു. റൈഹാൻ സമീർ ബലൂൺ ആർട്ട് പരിശീലനവും ഈസ്റ്റ് മാറാടി വൊക്കേഷനൽ ഹയർ സെക്കൻഡറി സ്കൂൾ അധ്യാപകൻ സമീർ സിദ്ദീഖി പേപ്പർ കാരിബാഗ് നിർമാണവും ലോഷൻ നിർമാണവും അവതരിപ്പിച്ചു. ചടങ്ങിൽ വാർഡ് അംഗം എൽ.ജി. റോയ്, ഹെഡ്മാസ്റ്റർ പി.എ. സലീം, പി.ടി.എ പ്രസിഡന്റ് റഷീദ്, അധ്യാപക പ്രതിനിധികളായ ഭാഗ്യലക്ഷ്മി, നിഷാമോൾ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.