നാണക്കേടിന്‍റെ നേർക്കാഴ്ച; അങ്കമാലി താലൂക്ക് ആശുപത്രിയിൽ ആംബുലൻസും ‘മോർച്ചറി’യിൽ

അ​ങ്ക​മാ​ലി: മൂ​ന്ന​ര പ​തി​റ്റാ​ണ്ടു​മു​മ്പ് ക​ണ്ടം​ചെ​യ്ത താ​ലൂ​ക്ക് ആ​ശു​പ​ത്രി​യി​ലെ ആം​ബു​ല​ൻ​സ് എ​ന്തു​ചെ​യ്യ​ണം, എ​ങ്ങോ​ട്ട് നീ​ക്ക​ണ​മെ​ന്ന​റി​യാ​തെ ആ​ശു​പ​ത്രി അ​ധി​കൃ​ത​ർ. പ​തി​റ്റാ​ണ്ടു​ക​ളാ​യി ആ​ശു​പ​ത്രി​യു​ടെ ചു​റ്റു​വ​ശ​ങ്ങ​ളി​ൽ പ​ല​യി​ട​ത്താ​യി പാ​ർ​ക്ക്​ ചെ​യ്തി​രു​ന്ന ആം​ബു​ല​ൻ​സ് ഇ​പ്പോ​ൾ മോ​ർ​ച്ച​റി​ക്ക് സ​മീ​പ​ത്തേ​ക്കാ​ണ് നീ​ക്കി​യി​രി​ക്കു​ന്ന​ത്. ആം​ബു​ല​ൻ​സി​ൽ പ​ട്ടി​യും പാ​മ്പും ക്ഷു​ദ്ര​ജീ​വി​ക​ളു​മ​ട​ക്കം വി​ഹ​രി​ക്കു​ന്ന​ത് രോ​ഗി​ക​ൾ​ക്കും ആ​ശു​പ​ത്രി​യി​ലെ​ത്തു​ന്ന മ​റ്റു​ള്ള​വ​ർ​ക്കും ഭീ​ഷ​ണി​യാ​ണ്.

എം.​സി റോ​ഡും ദേ​ശീ​യ​പാ​ത​യും സം​ഗ​മി​ക്കു​ന്ന അ​ങ്ക​മാ​ലി ടൗ​ണി​ൽ സ്ഥി​തി ചെ​യ്യു​ന്ന സ്വ​കാ​ര്യ ആ​ശു​പ​ത്രി​ക​ളെ​പ്പോ​ലും വെ​ല്ലു​ന്ന സൗ​ക​ര്യ​മു​ള്ള അ​ങ്ക​മാ​ലി താ​ലൂ​ക്ക് ആ​ശു​പ​ത്രി നാ​ൾ​ക്കു​നാ​ൾ പു​രോ​ഗ​തി കൈ​വ​രി​ച്ചു​വ​രു​ക​യാ​ണ്. എ​ന്നാ​ൽ, 35 വ​ർ​ഷം​മു​മ്പ് ഉ​പേ​ക്ഷി​ച്ച തു​രു​മ്പാ​യി​ത്തീ​ർ​ന്ന ആം​ബു​ല​ൻ​സ് ആ​ശു​പ​ത്രി വ​ള​പ്പി​ൽ​നി​ന്ന് നീ​ക്കം​ചെ​യ്യാ​ത്ത​ത് നാ​ണ​ക്കേ​ടി​ന്‍റെ നേ​ർ​ക്കാ​ഴ്ച​യാ​ണ്.

പ്രാ​ഥ​മി​കാ​രോ​ഗ്യ കേ​ന്ദ്ര​മാ​യി പ്ര​വ​ർ​ത്ത​നം ആ​രം​ഭി​ച്ച​കാ​ലം മു​ത​ൽ ഉ​പ​യോ​ഗി​ച്ചി​രു​ന്ന ആം​ബു​ല​ൻ​സ് സാ​മൂ​ഹി​കാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യ​പ്പോ​ഴും അ​നേ​ക​ങ്ങ​ൾ​ക്ക് സാ​ന്ത്വ​ന​മേ​കി​യി​യി​രു​ന്നു. മ​റ്റ​ഡോ​ർ ക​മ്പ​നി​യു​ടെ ആം​ബു​ല​ൻ​സ് മാ​റ്റി ആ​ധു​നി​ക രീ​തി​യി​ലു​ള്ള ആം​ബു​ല​ൻ​സ് ന​ൽ​കാ​മെ​ന്ന് സ​ർ​ക്കാ​ർ ന​ൽ​കി​യ ഉ​റ​പ്പി​ലാ​ണ് പ്ര​വ​ർ​ത്ത​നം നി​ർ​ത്തി​വെ​ച്ച​തും അ​റ്റ​കു​റ്റ​പ്പ​ണി ന​ട​ത്താ​തി​രു​ന്ന​തും.

എ​ന്നാ​ൽ, വ​ർ​ഷ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ സ​ർ​ക്കാ​റി​ൽ​നി​ന്ന് ആം​ബു​ല​ൻ​സി​ന് പ​ക​രം ല​ഭി​ച്ച​ത് ജീ​പ്പാ​യി​രു​ന്നു​വ​ത്രേ. ആം​ബു​ല​ൻ​സ് ന​ൽ​കു​ന്ന​ത് സം​ബ​ന്ധി​ച്ച് പി​ന്നീ​ട് ഒ​ര​റി​യി​പ്പു​മു​ണ്ടാ​യി​ല്ല. എ​ന്നാ​ൽ, ക​ട്ട​പ്പു​റ​ത്താ​യ ആം​ബു​ല​ൻ​സ് എ​ന്ത് ചെ​യ്യ​ണ​മെ​ന്ന കാ​ര്യ​ത്തി​ൽ നി​ർ​ദേ​ശ​മു​ണ്ടാ​യി​ല്ല.

പി​ന്നീ​ടു​ള്ള കാ​ലം ഉ​പേ​ക്ഷി​ക്ക​പ്പെ​ട്ട ആം​ബു​ല​ൻ​സ് എ​ന്തു​ചെ​യ്യ​ണ​മെ​ന്ന നി​ർ​ദേ​ശം സ​ർ​ക്കാ​റി​ൽ​നി​ന്ന് ല​ഭി​ക്കാ​ൻ മാ​റി​മാ​റി വ​രു​ന്ന ആ​ശു​പ​ത്രി സൂ​പ്ര​ണ്ടു​മാ​ർ ഡി.​എം.​ഒ​ക്ക് എ​ഴു​തു​ന്നു​ണ്ടെ​ങ്കി​ലും നാ​ളി​തു​വ​രെ ഒ​രു പ​രി​ഹാ​ര നി​ർ​ദേ​ശ​വു​മു​ണ്ടാ​യി​ട്ടി​ല്ല​ത്രേ. ലേ​ലം ചെ​യ്ത് നീ​ക്കു​ക​യോ ആ​രോ​ഗ്യ വ​കു​പ്പ് തി​രി​ച്ചെ​ടു​ക്കു​ക​യോ താ​ലൂ​ക്കാ​ശു​പ​ത്രി​യു​ടെ ഭ​ര​ണ​ച്ചു​മ​ത​ല​യു​ള്ള ന​ഗ​ര​സ​ഭ​ക്ക് പ​രി​ഹാ​ര​ന​ട​പ​ടി സ്വീ​ക​രി​ക്കു​ന്ന​തി​നോ ഒ​രു നി​ർ​ദേ​ശ​വും ല​ഭി​ക്കു​ന്നി​ല്ല​ത്രേ.

ആ​ശു​പ​ത്രി​ക്ക് നാ​ണ​ക്കേ​ടാ​യി​ത്തീ​ർ​ന്ന ആം​ബു​ല​ൻ​സ് നീ​ക്കു​ന്ന​ത് സം​ബ​ന്ധി​ച്ച് ആ​രോ​ഗ്യ വ​കു​പ്പി​നും ബ​ന്ധ​പ്പെ​ട്ട അ​ധി​കാ​രി​ക​ൾ​ക്കും എ​ഴു​തി​യ ക​ത്തു​ക​ൾ​ക്ക് ക​ണ​ക്കി​ല്ലെ​ന്നാ​ണ് താ​ലൂ​ക്ക് ആ​ശു​പ​ത്രി അ​ധി​കൃ​ത​ർ ചൂ​ണ്ടി​ക്കാ​ട്ടു​ന്ന​ത്. അ​ടു​ത്തി​ടെ ചാ​ർ​ജെ​ടു​ത്ത മെ​ഡി​ക്ക​ൽ സൂ​പ്ര​ണ്ടും ആം​ബു​ല​ൻ​സ് നീ​ക്കാ​ൻ ക​ത്തെ​ഴു​തി​യി​രു​ന്നു.

ജി​ല്ല അ​തി​ർ​ത്തി​യി​ലെ സ​ർ​ക്കാ​ർ ആ​തു​രാ​ല​യം എ​ന്ന​നി​ല​യി​ൽ മ​ന്ത്രി​മാ​ര​ട​ക്കം സ​ന്ദ​ർ​ശി​ക്കു​മ്പോ​ഴും ആ​രോ​ഗ്യ വ​കു​പ്പു​മാ​യി ബ​ന്ധ​പ്പെ​ട്ട ദേ​ശീ​യ, സം​സ്ഥാ​ന, ജി​ല്ല​ത​ല പ​രി​പാ​ടി​ക​ൾ​ക്ക് പ്ര​മു​ഖ​രെ​ത്തു​മ്പോ​ഴും ആം​ബു​ല​ൻ​സ് ആ​ശു​പ​ത്രി​ക്ക്​ നാ​ണ​​ക്കേ​ടാ​യി​രി​ക്കു​ക​യാ​ണ്. വെ​ള്ളി​യാ​ഴ്ച എ​യ്ഡ്സ് ദി​നാ​ച​ര​ണ ജി​ല്ല​ത​ല ഉ​ദ്ഘാ​ട​ന​വും അ​ങ്ക​മാ​ലി താ​ലൂ​ക്ക് ആ​ശു​പ​ത്രി​യി​ലാ​ണ് സം​ഘ​ടി​പ്പി​ച്ചി​രി​ക്കു​ന്ന​ത്.