നിങ്ങളുടെ പഴ്​സ്​ ​കൈയിലുണ്ട്​; ഉടമയെ തേടി കത്ത്​

കൊ​ച്ചി: ‘നി​ങ്ങ​ളു​ടെ ​​​​പ​ഴ്​​സ്​ കൈ​യി​ലു​ണ്ട്. എ​റ​ണാ​കു​ളം വു​ഡ്​​ലാ​ൻ​ഡ്​ ജ​ങ്​​ഷ​നി​ലെ ഫു​ട്​​പാ​ത്തി​ൽ​നി​ന്ന്​ കി​ട്ടി​യ​താ​ണ്. ഇ​താ​ണ്​ എ​ന്‍റെ ഫോ​ൺ ന​മ്പ​ർ’. ക​ത്തി​ലെ വ​രി​ക​ൾ ക​ണ്ട​തും ടി.​ഐ. അ​ബൂ​ബ​ക്ക​റി​ന്​​ ശ്വാ​സം നേ​രെ വീ​ണു.

ഒ​രാ​ഴ്ച മു​മ്പ്​​ എ​റ​ണാ​കു​ളം യാ​ത്ര​ക്കി​ടെ ന​ഷ്​​ട​​പ്പെ​ട്ട പ​ഴ്​​സാ​ണ്​ കി​ട്ടു​മെ​ന്ന്​ ഉ​റ​പ്പി​ല്ലാ​തി​രു​ന്ന സ​മ​യ​ത്ത്​ ക​ത്തി​ന്‍റെ രൂ​പ​ത്തി​ൽ പ്ര​തീ​ക്ഷ​യേ​കി എ​ത്തി​യ​ത്​. ചേ​രാ​ന​ല്ലൂ​ർ മ​ഫ്താ​ഹു​ൽ ഉ​ലൂം മ​ദ്​​റ​സ​യി​ലെ അ​ധ്യാ​പ​ക​നാ​ണ്​ അ​ബൂ​ബ​ക്ക​ർ. ക​ഴി​ഞ്ഞ 31നാ​ണ്​ എ​റ​ണാ​കു​ള​ത്ത്​ എ​ത്തു​ന്ന​ത്. വീ​ട്ടി​ലെ​ത്തി​യ​പ്പോ​​​​​ഴാ​ണ്​​ പ​ഴ്​​സ്​ ന​ഷ്ട​പ്പെ​ട്ട വി​വ​ര​മ​റി​യു​ന്ന​ത്. 7000 രൂ​പ​യും എ.​ടി.​എം കാ​ർ​ഡും ലൈ​സ​ൻ​സും ആ​ധാ​ർ കാ​ർ​ഡു​മൊ​ക്കെ പ​ഴ്​​സി​ലാ​യി​രു​ന്നു. തി​ങ്ക​ളാ​ഴ്ച ഉ​ച്ച​യോ​ടെ​യാ​ണ് ത​ന്‍റെ വി​ലാ​സ​ത്തി​ൽ​ ഒ​രു ക​ത്ത്​ കൈ​യി​ലെ​ത്തു​ന്ന​തെ​ന്ന്​ അ​ബൂ​ബ​ക്ക​ർ പ​റ​ഞ്ഞു. പൊ​ട്ടി​ച്ച്​ വാ​യി​ച്ച​പ്പോ​ൾ ​​​​പ​ഴ്​​സ്​ ഞ​ങ്ങ​ളു​ടെ കൈ​യി​ലു​ണ്ടെ​ന്നും ക​ത്തി​ലെ ന​മ്പ​റി​ൽ ബ​ന്ധ​പ്പെ​ടാ​നു​മാ​യി​രു​ന്നു എ​ഴു​തി​യി​രു​ന്ന​ത്. ഉ​ട​ൻ ക​ത്തി​ലെ ന​മ്പ​റി​ൽ വി​ളി​ച്ചു. കോ​ർ​പ​റേ​ഷ​നി​ലെ ശു​ചീ​ക​ര​ണ വി​ഭാ​ഗം ജീ​വ​ന​ക്കാ​ര​ൻ സ​ജീ​വാ​ണ്​ ഫോ​ണെ​ടു​ത്ത​ത്. പ​ഴ്​​സും പ​ണ​വും സു​ര​ക്ഷി​ത​മാ​യി ത​ങ്ങ​ളു​ടെ കൈ​യി​ലു​ണ്ടെ​ന്ന്​ സ​ജീ​വ്​ അ​റി​യി​ച്ചു.

ഓ​ട​യി​ൽ​നി​ന്നാ​ണ്​ പ​ഴ്​​സ്​ കി​ട്ടി​യ​തെ​ന്നും​ വി​ലാ​സ​വും കാ​ർ​ഡു​മൊ​ക്കെ ഉ​ണ്ടാ​യി​രു​ന്നെ​ങ്കി​ലും ന​മ്പ​റി​ല്ലാ​ത്ത​തി​നാ​ലാ​ണ്​​​ ക​ത്തി​ലൂ​ടെ വി​വ​ര​മ​റി​യി​യി​ക്കാ​ൻ തീ​രു​മാ​നി​ച്ച​തെ​ന്നും സ​ജീ​വ്​ ‘മാ​ധ്യ​മ’​ത്തോ​ട് പ​റ​ഞ്ഞു. ചൊ​വ്വാ​ഴ്ച രാ​വി​ലെ​ത​ന്നെ പ​ഴ്​​സ്​ സ്വീ​ക​രി​ച്ച​താ​യി അ​ബൂ​ബ​ക്ക​ർ പ​റ​ഞ്ഞു. പ​ഴ്​​സ്​ തി​രി​കെ കി​ട്ടി​യ സ​ന്തോ​ഷ​ത്തി​ൽ ​സ​​മ്മാ​ന​വും ന​ൽ​കി ന​ന്ദി​യും പ​റ​ഞ്ഞ്​ ​അ​ബൂ​ബ​ക്ക​ർ മ​ട​ങ്ങു​ക​യും ചെ​യ്തു.