വാനോളം ഈ വനിത മുന്നേറ്റം; കൃഷിയിടങ്ങൾക്ക് ഡ്രോൺ കവചമൊരുക്കി പെൺപുലികൾ

കൊ​ച്ചി: കൃ​ഷി​യി​ട​ങ്ങ​ളി​ൽ ഡ്രോ​ൺ ക​വ​ച​മൊ​രു​ക്കി വ​നി​ത​ക​ളു​ടെ നാ​ൽ​വ​ർ സം​ഘം. ജി​ല്ല​യി​ലെ വി​വി​ധ കൃ​ഷി​യി​ട​ങ്ങ​ളി​ലാ​ണ് ഡ്രോ​ൺ സ​ഹാ​യ​ത്തോ​ടെ കൃ​ഷി പ​രി​പാ​ല​ന​ത്തി​നാ​യി നാ​ലം​ഗ വ​നി​ത സം​ഘം ക​ർ​മ​നി​ര​ത​രാ​യ​ത്. കേ​ന്ദ്ര സ​ർ​ക്കാ​റി​ന്‍റെ ഡ്രോ​ൺ ദീ​ദി പ​ദ്ധ​തി​യു​ടെ ഭാ​ഗ​മാ​യി സം​സ്ഥാ​ന കു​ടും​ബ​ശ്രീ മി​ഷ​ന്‍റെ നേ​തൃ​ത്വ​ത്തി​ലാ​ണ് ഇ​വ​ർ​ക്കാ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കി​യ​ത്. പ​രി​ശീ​ല​ന​മെ​ല്ലാം പൂ​ർ​ത്തി​യാ​ക്കി ക​ർ​മ​രം​ഗ​ത്ത് ഇ​വ​ർ സ​ജീ​വ​മാ​യ​തോ​ടെ കാ​ർ​ഷി​ക മേ​ഖ​ല​യി​ൽ പു​തു​മാ​റ്റ​ത്തി​ന് വ​ഴി​വെ​ക്കു​മെ​ന്നാ​ണ് ക​ണ​ക്കു​കൂ​ട്ട​ൽ

അ​തി​ജീ​വ​ന​ത്തി​ൽ പു​തു​മാ​തൃ​ക

മ​ഴു​വ​ന്നൂ​ർ പ​ഞ്ചാ​യ​ത്തി​ലെ അ​ച്ചാ​മ്മ ഏ​ലി​യാ​സ്, കൂ​വ​പ്പ​ടി​യി​ലെ ഷീ​ബ എ​ൽ​ദോ​സ്, ക​രു​മാ​ല്ലൂ​രി​ലെ എം.​ആ​ർ. ബി​ന്ദു, ചെ​ങ്ങ​മ​നാ​ട്ടെ കെ.​എ. മി​നി എ​ന്നി​വ​രാ​ണ് ജി​ല്ല​യു​ടെ സ്വ​ന്തം വ​നി​ത ഡ്രോ​ൺ പൈ​ല​റ്റു​മാ​ർ. പ​രാ​ധീ​ന​ത​ക​ളെ അ​തി​ജീ​വി​ച്ചാ​ണ് ഇ​വ​രു​ടെ വ​ള​ർ​ച്ച. എ​ല്ലാ​വ​രും മ​ധ്യ​വ​യ​സ്ക​ർ. ആ​കാ​ശ​ത്തു​കൂ​ടി പോ​കു​ന്ന വി​മാ​ന​ങ്ങ​ൾ കൗ​തു​ക​ത്തോ​ടെ നോ​ക്കി​നി​ന്നി​ട്ടു​ള്ള​ത​ല്ലാ​തെ പൈ​ല​റ്റാ​കു​ന്ന​തി​നെ​ക്കു​റി​ച്ചോ മ​റ്റ് സാ​ങ്കേ​തി​ക​വ​ശ​ങ്ങ​ൾ പ​ഠി​ച്ചെ​ടു​ക്കു​ന്ന​തി​നെ​ക്കു​റി​ച്ചോ ഇ​വ​ർ ചി​ന്തി​ച്ചി​രു​ന്നി​ല്ല. എ​ന്നാ​ൽ, കേ​ന്ദ്രാ​വി​ഷ്കൃ​ത പ​ദ്ധ​തി​യു​ടെ ഭാ​ഗ​മാ​യി കാ​ർ​ഷി​ക​രം​ഗ​ത്തെ ശാ​ക്തീ​ക​ര​ണം ല​ക്ഷ്യ​മി​ട്ട് വ​നി​ത​ക​ൾ​ക്കാ​യി ന​ട​ത്തി​യ ഡ്രോ​ൺ പ​രി​ശീ​ല​ന​ക്ക​ള​രി​യി​ലേ​ക്ക് കു​ടും​ബ​ശ്രീ ഇ​വ​രെ തെ​ര​ഞ്ഞെ​ടു​ത്ത​തോ​ടെ​യാ​ണ് ഗ​തി​മാ​റി​യ​ത്.

തു​ട​ർ​ന്ന് ചെ​ന്നൈ​യി​ൽ ഗ​രു​ഡ എ​യ​ർ​ഫോ​ഴ്സി​ൽ 14 ദി​വ​സ​ത്തെ പ​രി​ശീ​ല​നം. പി​ന്നാ​ലെ കു​ടും​ബ​ശ്രീ​യും കേ​ന്ദ്ര കി​ഴ​ങ്ങു​വി​ള ഗ​വേ​ഷ​ണ കേ​ന്ദ്ര​വും സം​യു​ക്ത​മാ​യി ന​ട​ത്തി​യ പ​രി​ശീ​ല​നം. ഇ​ത് പൂ​ർ​ത്തി​യാ​ക്കി പ​ത്തു​വ​ർ​ഷ​ത്തേ​ക്കു​ള്ള ഡ്രോ​ൺ പൈ​ല​റ്റ് ലൈ​സ​ൻ​സും നേ​ടി ഇ​വ​ർ പു​റ​ത്തി​റ​ങ്ങി. ഇ​തോ​ടെ ഇ​വ​ർ ആ​ളി​ല്ലാ ഡ്രോ​ൺ പ​റ​ത്തു​ന്ന പൈ​ല​റ്റു​മാ​രാ​യി. സി.​എ​സ്.​ആ​ർ ഫ​ണ്ടി​ൽ​പെ​ടു​ത്തി ഫാ​ക്ടാ​ണ് ഇ​വ​ർ​ക്ക് നാ​ലു​പേ​ർ​ക്കും ഡ്രോ​ൺ ന​ൽ​കി​യ​ത്. പ​ത്തു​ല​ക്ഷം രൂ​പ വി​ല​യു​ള്ള 25 കി​ലോ ശേ​ഷി​യു​ള്ള​താ​ണി​ത്.

ഫീ​ൽ​ഡി​ലി​റ​ങ്ങി ഡ്രോ​ൺ പൈ​ല​റ്റു​മാ​ർ

പ​രി​ശീ​ല​നം പൂ​ർ​ത്തി​യാ​ക്കി ഡ്രോ​ണും കൈ​വ​ശ​മെ​ത്തി​യ​തോ​ടെ നാ​ലം​ഗ സം​ഘം ര​ണ്ടു​മാ​സം മു​മ്പ് ത​ങ്ങ​ളു​ടെ ദൗ​ത്യ​മാ​രം​ഭി​ക്കു​ക​യാ​യി​രു​ന്നു. നെ​ൽ​കൃ​ഷി​ക്ക് വ​ള​മി​ട​ലാ​യി​രു​ന്നു ആ​ദ്യ ദൗ​ത്യം. ക​രു​മാ​ല്ലൂ​ർ പ​ഞ്ചാ​യ​ത്തി​ലെ വെ​ളി​യ​ത്തു​നാ​ട് ത​ടി​ക്ക​ട​വ് പാ​ട​ശേ​ഖ​ര​ത്തി​ലാ​യി​രു​ന്നു ജി​ല്ല​ത​ല ഉ​ദ്ഘാ​ട​നം. പി​ന്നാ​ലെ ചേ​ലാ​മ​റ്റം, മു​ട​ക്കു​ഴ, ക​രു​മാ​ല്ലൂ​ർ, കു​ന്നു​ക​ര പ്ര​ദേ​ശ​ങ്ങ​ളി​ലെ കൃ​ഷി​യി​ട​ങ്ങ​ളി​ൽ സേ​വ​ന​വു​മാ​യി ഡ്രോ​ൺ​സം​ഘ​മെ​ത്തി.

നെ​ൽ​കൃ​ഷി​ക്ക് പു​റ​മേ റ​ബ​ർ, പ​യ​ർ അ​ട​ക്ക​മു​ള്ള കൃ​ഷി​ക​ൾ​ക്കും വ​ള​മി​ടു​ന്ന​തി​നും ക​ള​നാ​ശി​നി​ക​ൾ ത​ളി​ക്കു​ന്ന​തി​നും പ്ര​യോ​ജ​ന​പ്ര​ദ​മാ​ണ്​ ഡ്രോ​ണു​ക​ൾ. വേ​ഗ​ത്തി​ൽ ജോ​ലി തീ​രു​മെ​ന്ന​തും കൂ​ലി കു​റ​വാ​ണെ​ന്ന​തു​മാ​ണ് പ്ര​ത്യ​ക​ത. ഒ​രേ​ക്ക​റി​ൽ മ​രു​ന്ന​ടി​ക്കു​ന്ന​തി​ന് ഏ​ക​ദേ​ശം എ​ട്ട് മി​നി​റ്റാ​ണെ​ടു​ക്കു​ന്ന​ത്. ഇ​തി​ന് 600 മു​ത​ൽ 800 രൂ​പ വ​രെ​യാ​ണ് ഇ​വ​ർ ഈ​ടാ​ക്കു​ന്ന​ത്. എ​ന്നാ​ൽ, ബാ​ലാ​രി​ഷ്ട​ത​ക​ൾ ചി​ല​പ്പോ​ഴൊ​ക്കെ പ്ര​തി​സ​ന്ധി​യും സൃ​ഷ്ടി​ക്കു​ന്നു​ണ്ട്. ബാ​റ്റ​റി​യു​ടെ ആ​യു​സ്സാ​ണ് ഇ​തി​ൽ പ്ര​ധാ​ന വി​ല്ല​ൻ. ഒ​രു ബാ​റ്റ​റി​യു​ടെ ചാ​ർ​ജ് നി​ൽ​ക്കു​ന്ന​ത് എ​ട്ട് മി​നി​റ്റാ​ണ്. പി​ന്നീ​ട് ഇ​ത് ചാ​ർ​ജ് ചെ​യ്യ​ണ​മെ​ങ്കി​ൽ മു​ക്കാ​ൽ മ​ണി​ക്കൂ​റെ​ടു​ക്കും. അ​ത് മ​റി​ക​ട​ക്കാ​നാ​യി ഇ​വ​ർ നാ​ലു​പേ​രും ഗ്രൂ​പ്പാ​യാ​ണ് വ​ർ​ക്ക് ചെ​യ്യു​ന്ന​ത്.

പ്ര​വ​ർ​ത്ത​നം വി​പു​ല​മാ​ക്കാ​ൻ പ​ദ്ധ​തി​ക​ൾ

കാ​ർ​ഷി​ക മേ​ഖ​ല​യി​ൽ പു​ത്ത​നു​ണ​ർ​വ്​ ന​ൽ​കു​ന്ന​തി​നൊ​പ്പം വ​നി​ത​ക​ൾ​ക്ക്​ സ്വ​യം തൊ​ഴി​ൽ എ​ന്ന ല​ക്ഷ്യ​വു​മാ​ണ് പ​ദ്ധ​തി​ക്ക് പി​ന്നി​ൽ. അ​തു​കൊ​ണ്ടു​ത​ന്നെ പ​ദ്ധ​തി കൂ​ടു​ത​ൽ വി​പു​ലീ​ക​രി​ക്കാ​നു​ള്ള ശ്ര​മ​ത്തി​ലാ​ണ് കു​ടും​ബ​ശ്രീ. ഇ​വ​രു​ടെ സേ​വ​നം കൂ​ടു​ത​ൽ മേ​ഖ​ല​യി​ലേ​ക്ക് വ്യാ​പി​പ്പി​ക്കാ​നും അ​തു​വ​ഴി കൂ​ടു​ത​ൽ വ​രു​മാ​നം ഉ​റ​പ്പാ​ക്കാ​നും ല​ക്ഷ്യ​മി​ടു​ന്നു​ണ്ട്. ബാ​ലാ​രി​ഷ്ട​ത​ക​ൾ മാ​റ്റി​യെ​ടു​ക്കാ​നു​ള്ള പ്ര​വ​ർ​ത്ത​ന​ങ്ങ​ളും ആ​സൂ​ത്ര​ണം ചെ​യ്യു​ന്നു​ണ്ട്. ജി​ല്ല മി​ഷ​ൻ കോ​ഓ​ഡി​നേ​റ്റ​ർ ടി.​എം. റ​ജീ​ന, പ്രോ​ഗ്രാം മാ​നേ​ജ​ർ അ​നൂ​പ് എ​ന്നി​വ​രാ​ണ് മേ​ൽ​നോ​ട്ടം.