പള്ളുരുത്തി: ഇടക്കൊച്ചി 16ാം ഡിവിഷനിലെ രണ്ടാം നമ്പർ അംഗൻവാടിയിൽ 75 മൺചെരാതുകൾ തെളിച്ച് സ്വാതന്ത്ര്യ ദിനാഘോഷത്തിന് തുടക്കം കുറിച്ചു. കൗൺസിലർ അഭിലാഷ് തോപ്പിൽ ഉദ്ഘാടനം ചെയ്തു. അംഗൻവാടി വർക്കർ ജൂലി തോമസ്, കമ്മിറ്റി അംഗങ്ങളായ പി.എ. ശിവാനന്ദൻ, സജിത സനിൽ, അഞ്ജു വിനീഷ്, ഹെൽപർ ലിസി കെ.എൽ എന്നിവർ നേതൃത്വം നൽകി. ആസാദി കാ അമൃത് മഹോത്സവ ഭാഗമായി മുണ്ടംവേലി സെന്‍റ് ലൂയീസ് ഹൈസ്‌കൂളിൽ സ്വാതന്ത്ര്യദിന വിളംബര സൈക്കിൾ റാലി നടത്തി. ദേവാലയ സഹവികാരി ഫാ. ജിതിൻ വർഗീസ് ഫ്ലാഗ് ഓഫ് ചെയ്തു. മൂന്ന് യുദ്ധങ്ങളിൽ രാജ്യത്തിനുവേണ്ടി പങ്കെടുത്ത ധീര ജവാൻ സുബേദാർ എ.പി. ജോസഫ് ആനന്ദശ്ശേരിയെ ആദരിച്ചു. കൗൺസിലർ കലിസ്റ്റ പ്രകാശൻ, പ്രധാനാധ്യാപിക റീന പി.വി, പി.ടി.എ പ്രസിഡന്‍റ് ഹെൻട്രി വി.ജെ, റിട്ട. അധ്യാപിക സി.എം. മേരി, അധ്യാപകരായ ഡിഗ്‌ന പോൾ, തോമസ് ഹണി എന്നിവർ സംസാരിച്ചു. ചിത്രം: സ്വാതന്ത്ര്യദിനാഘോഷ ഭാഗമായി അംഗൻവാടിയിൽ മൺചെരാതുകൾ തെളിച്ചപ്പോൾ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.