ബിജു ചാരുംമൂട്: പാലമേൽ ഗ്രാമ പഞ്ചായത്ത് മുൻ പ്രസിഡന്‍റ് നൂറനാട് എരുമക്കുഴി കുറുമ്പാണിക്കൽ കെ.ബിജു (51) നിര്യാതനായി. രോഗബാധയെത്തുടർന്ന് ശസ്ത്രക്രിയക്ക് വിധേയനായി എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. ശനിയാഴ്ച വൈകീട്ടായിരുന്നു മരണം. പാലമേൽ പഞ്ചായത്ത് എരുമക്കുഴി വാർഡ് അംഗമായി നിലവിൽ പ്രവർത്തിക്കുന്ന ബിജു പഞ്ചായത്ത് വൈസ് പ്രസിഡന്‍റായും പ്രവർത്തിച്ചിട്ടുണ്ട്. പടനിലം എച്ച്.എസ്.എസ് ലൈബ്രേറിയനുമായിരുന്നു. സി.പി.എം പാലമേൽ തെക്ക് ലോക്കൽ കമ്മിറ്റി അംഗം, എരുമക്കുഴി ബ്രാഞ്ച് സെക്രട്ടറി, ഡി.വൈ.എഫ്.ഐ പാലമേൽ തെക്ക് മേഖല പ്രസിഡന്‍റ്, സെക്രട്ടറി, നൂറനാട് സി.ബി.എം.എച്ച്.എസ്.എസ് പി.ടി.എ പ്രസിഡന്‍റ്, നൂറനാട് ദക്ഷിണമൂർത്തി സംഗീതസഭ പ്രസിഡന്‍റ് തുടങ്ങിയ നിലകളിൽ പ്രവർത്തിച്ചിട്ടുണ്ട്. ഭാര്യ: സരിത (മാവേലിക്കര കാർഷിക വികസന ബാങ്ക്). മക്കൾ: ജീവൻ, സൂര്യൻ. പിതാവ്: പരേതനായ കേശവൻ. മാതാവ്: ഓമന. സംസ്കാരം പിന്നീട്. ഫോട്ടോ: കെ.ബിജു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.