അടിമാലി: യജമാനനൊപ്പം പതിവായി സ്‌കൂട്ടറില്‍ സഞ്ചരിക്കുന്നൊരു വളര്‍ത്തുനായ് ഉണ്ട് കമ്പിളിക്കണ്ടം മുക്കുടത്ത്. ബ്യൂട്ടീഷനായ ജോബെറ്റിന്റെ ആറ് മാസം പ്രായമുള്ള വളര്‍ത്തുനായ് ജൂലിയാണ് കാഴ്ച്ചക്കാര്‍ക്ക് കൗതുകം പകരുന്ന സ്‌കൂട്ടര്‍ യാത്രക്കാരി. യജമാനനൊപ്പം സ്‌കൂട്ടറില്‍ എത്ര കിലോമീറ്റര്‍ യാത്ര ചെയ്യാനും ജൂലിക്ക് ഒരു മടിയുമില്ല. ബഹളങ്ങളില്‍ ഭയചകിതയാവുകയോ മറ്റുള്ളവരെ ആക്രമിക്കുകയോ ചെയ്യില്ലെന്ന് മാത്രമല്ല യജമാനന്റെ ആജ്ഞ കിട്ടാതെ ജൂലി സ്‌കൂട്ടറില്‍ നിന്നിറങ്ങുക പോലുമില്ല. മുക്കുടത്തുനിന്ന് കിലോമീറ്ററുകള്‍ ദൂരെയുള്ള പെരുമ്പാവൂരില്‍ വരെ ജൂലിയുമായി ജോബെറ്റ് സ്‌കൂട്ടറില്‍ യാത്ര ചെയ്തിട്ടുണ്ട്. ജൂലിയോടൊപ്പമുള്ള സ്‌കൂട്ടര്‍ യാത്ര ഒരു രസത്തിന് തുടങ്ങിയതാണെങ്കിലും അനുസരണാശീലം തിരിച്ചറിഞ്ഞതോടെ മറ്റ് കാര്യങ്ങളിലും കൃത്യമായ പരിശീലനം നല്‍കാനാണ് ജോബെറ്റിന്റെ തീരുമാനം. ജൂലിയുമൊത്തുള്ള സ്‌കൂട്ടര്‍ യാത്രകള്‍ ലോകത്തെ അറിയിക്കാന്‍ ജോ റിങ് മാസ്റ്റര്‍ എന്ന യൂട്യൂബ് ചാനലും തുടങ്ങിയിട്ടുണ്ട്. വഴിയോരത്തുനിന്ന് കിട്ടിയ ജൂലിയിപ്പോള്‍ ജോബെറ്റിന്റെ വീട്ടിലെ ഒരംഗമായി മാറിക്കഴിഞ്ഞു. idl adi 3 dog ചിത്രം: ജോബെറ്റും വളര്‍ത്തുനായ് ജൂലിയും
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.