കെ.എസ്.ആർ.ടി.സി ജില്ല വർക്ക്ഷോപ് ചോർന്നൊലിക്കുന്നു

മൂലമറ്റം: . ജില്ലയിലെ കെ.എസ്.ആർ.ടി.സി ബസുകൾക്കായി ഏതാനും മാസം മുമ്പാണ് വർക്ക്​ഷോപ് തുറന്നത്. പ്രവർത്തനം ആരംഭിച്ചെങ്കിലും ആവശ്യമായ ഭൗതിക സാഹചര്യങ്ങൾ ഒരുക്കിയിട്ടില്ല. പതിറ്റാണ്ടുകൾ പഴക്കമുള്ള താൽക്കാലിക ഷെഡ്​ മഴ തൂളിയാൽ പോലും ചോർന്നൊലിക്കും. പ്രതിദിനം മൂന്നിലധികം വാഹനങ്ങൾ ഇവിടെ തകരാറുകൾ പരിഹരിക്കാനെത്തുന്നുണ്ട്​. ഡിപ്പോയിൽ ആദ്യകാലത്ത് ഉപയോഗിച്ചിരുന്ന ഷെഡിലാണ് വാഹനങ്ങൾ നന്നാക്കുന്നത്. കാലപ്പഴക്കത്താൽ കെട്ടിടം ഏതുസമയവും ഇടിഞ്ഞുവീഴാവുന്ന നിലയിലാണ്. ആസ്ബസ്​റ്റോസ് മേഞ്ഞ കെട്ടിടത്തിന്റെ മേൽക്കൂര ഏറെയും പൊട്ടിത്തകർന്ന നിലയിലാണ്. ആവശ്യത്തിന് വെളിച്ചവും ഇല്ല. ഷീറ്റുകൾ മാറ്റി കെട്ടിടം ബലവത്താക്കണമെന്നാണ് ജീവനക്കാരുടെ ആവശ്യം. tdl mltm6 ചോർന്നൊലിക്കുന്ന മൂലമറ്റം കെ.എസ്.ആർ.ടി.സി വർക്ക്​ഷോപ്