മൂലമറ്റം: അശോക-മൂലമറ്റം റോഡിലെ ഒരുകിലോമീറ്റർ ദൂരം കുഴിയടച്ചു. ഇനി ഒരുകിലോമീറ്റർ കൂടി കുഴിയടക്കാനുണ്ട്. മഴക്കാലം തുടങ്ങുന്നതിന് മുന്നോടിയായി മൂലമറ്റം കെ.എസ്.ആർ.ടി.സി കവല മുതൽ സെന്‍റ് ജോർജ് സ്‌കൂളിനു സമീപംവരെ ഒരുകിലോമീറ്റർ ദുരത്തെ കുഴികളാണ് അടച്ചത്. ഞായറാഴ്ച രാവിലെയാണ് കുഴിയടക്കൽ തുടങ്ങിയത്. വലിയ കുഴികളിൽ കാര്യമായി ടാർ ഉപയോഗിക്കാതെയാണ് അടച്ചത്. മെറ്റലിനൊപ്പം ഏതാനും തുള്ളി ടാർ ചേർത്തെങ്കിലും ഇവ കുഴിയിൽ ഉറച്ചുകിടക്കില്ല. ഈ റോഡ് പൂർണമായും ടാറിങ് നടത്തിയിട്ട് 20വർഷത്തിലധികമായെന്ന് നാട്ടുകാർ പറയുന്നു. മൂലമറ്റത്തേക്ക് അറക്കുളം അശോക കവലയിൽനിന്ന് രണ്ടുകിലോമീറ്ററേ ദൂരമുള്ളൂ. മൂലമറ്റംവഴി കടന്നുപോകുന്ന മൂലമറ്റം-കോട്ടമല റോഡ്, മൂലമറ്റം-പുള്ളിക്കാനം റോഡ്, മൂലമറ്റം-പുത്തേട് വാഗമൺ റോഡ്, മൂലമറ്റം പതിപ്പള്ളി-ഉളുപ്പൂണി റോഡ് എന്നിവയെല്ലാം പൊതുമരാമത്ത്‌ വകയാണ്. ഈ റോഡുകളെല്ലാം റീടാറിങ് നടത്തുമ്പോഴും മൂലമറ്റം റോഡിന് പാച്ച് വർക്ക് മാത്രം. സമീപ പ്രദേശങ്ങളെല്ലാം പട്ടികജാതി-പട്ടികവർഗ മേഖലകളാണ്, എന്നിട്ടും മൂലമറ്റത്തിന് അവഗണനയാണ്. tdl mltm5 മൂലമറ്റം കെ.എസ്.ആർ.ടി.സി കവല മുതൽ സെന്‍റ് ജോർജ് സ്‌കൂൾ വരെയുള്ള ഒരുകിലോമീറ്റർ ദൂരം കുഴിയടക്കുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.