പുഷ്പഗിരിക്കുന്നുക​ളെ ഇങ്ങനെ അവഗണിക്കണോ?

ചെ​റു​തോ​ണി: കാ​മാ​ക്ഷി പ​ഞ്ചാ​യ​ത്തി​ലെ മൂ​ന്ന് വാ​ർ​ഡു​ക​ളി​ലാ​യി വ്യാ​പി​ച്ചു​കി​ട​ക്കു​ന്ന പു​ഷ്പ​ഗി​രി മ​ല​നി​ര​ക​ളെ ടൂ​റി​സം വ​കു​പ്പ് അ​വ​ഗ​ണി​ക്കു​ന്നു. കു​ടി​യേ​റ്റ​കാ​ലം മു​ത​ൽ സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്ര​മാ​ണി​വി​ടം. തൈ​ല​പ്പു​ല്ലു​ക​ൾ ത​ല​യാ​ട്ടി നി​ൽ​ക്കു​ന്ന മ​ല​നി​ര​ക​ളി​ൽ സ​ദാ ത​ഴു​കി​യെ​ത്തു​ന്ന കാ​റ്റി​ന് ഔ​ഷ​ധ​മൂ​ല്യ​മു​ണ്ടെ​ന്നാ​ണ് വി​ശ്വാ​സം.

1970 -80ൽ ​ജി​ല്ല​യി​ലെ പ്ര​ധാ​ന പു​ൽ​ത്തൈ​ല നി​ർ​മാ​ണ കേ​ന്ദ്ര​ങ്ങ​ളി​ലൊ​ന്നാ​യി​രു​ന്നു പു​ഷ്പ​ഗി​രി. ഉ​ൽ​പാ​ദ​ന​ച്ചെ​ല​വ് വ​ർ​ധി​ച്ച​തും വി​റ​കി​ന്റെ ല​ഭ്യ​ത​ക്കു​റ​വും​മൂ​ലം പു​ൽ​ത്തൈ​ലം നി​ർ​മാ​ണം നി​ല​ച്ചു. സ​മു​ദ്ര​നി​ര​പ്പി​ൽ​നി​ന്ന്​ 3400 അ​ടി​യോ​ളം ഉ​യ​ര​ത്തി​ലു​ള്ള മ​ല​നി​ര​ക​ളി​ലെ പ്ര​ധാ​ന ആ​ക​ർ​ഷ​ണം കോ​ട​മ​ഞ്ഞാ​ണ്. മ​ല​മു​ക​ളി​ൽ​നി​ന്ന് നോ​ക്കി​യാ​ൽ ദൂ​ര​ക്കാ​ഴ്ച​ക​ൾ നി​ര​വ​ധി​യാ​ണ്. കു​യി​ലി​മ​ല, നെ​ടു​ങ്ക​ണ്ടം, ക​ട്ട​പ്പ​ന, ക​ല്യാ​ണ​ത്ത​ണ്ട്, രാ​മ​ക്ക​ൽ​മേ​ട്, മൂ​ന്നാ​ർ, ആ​ന​മു​ടി, ചൊ​ക്ര​മു​ടി തു​ട​ങ്ങി​യ​വ ഇ​തി​ൽ ചി​ല​തു മാ​ത്രം. പു​ഷ്പ​ഗി​രി​യി​ലെ കു​രി​ശു​മ​ല ന​ന്ന​ങ്ങാ​ടി​ക​ളു​ടെ ക​ല​വ​റ കൂ​ടി​യാ​ണ്. ചെ​റു​തും വ​ലു​തു​മാ​യ നി​ര​വ​ധി ന​ന്ന​ങ്ങാ​ടി​ക​ൾ ഇ​വി​ടെ​യു​ണ്ട്.

2005ൽ ​വി​വി​ധ മൊ​ബൈ​ൽ ക​മ്പ​നി​ക​ൾ പു​ഷ്‌​പ​ഗി​രി​ക്കു​ന്നു​ക​ളി​ൽ മൊ​ബൈ​ൽ ട​വ​റു​ക​ൾ സ്ഥാ​പി​ച്ച്​ തു​ട​ങ്ങി​യ​തോ​ടെ ഇ​വി​ടം ട​വ​റു​ക​ളു​ടെ നാ​ട് എ​ന്നും അ​റി​യ​പ്പെ​ടാ​ൻ തു​ട​ങ്ങി. 2015ൽ ​വി​നോ​ദ​സ​ഞ്ചാ​ര വ​കു​പ്പ്​ ജി​ല്ല​യു​ടെ വി​നോ​ദ​സ​ഞ്ചാ​ര ഭൂ​പ​ട​ത്തി​ൽ പു​ഷ്പ​ഗി​രി​യെ ഉ​ൾ​പ്പെ​ടു​ത്തു​മെ​ന്ന്​ അ​റി​യി​ച്ചെ​ങ്കി​ലും തു​ട​ർ​ന​ട​പ​ടി ഉ​ണ്ടാ​യി​ല്ല. 20 വ​ർ​ഷം മു​മ്പ് അ​ന​ർ​ട്ടി​ന്റെ നേ​തൃ​ത്വ​ത്തി​ൽ പ​രീ​ക്ഷ​ണ കാ​റ്റാ​ടി സ്ഥാ​പി​ക്കു​ക​യും വ​ർ​ഷ​ത്തി​ൽ എ​ല്ലാ ദി​വ​സ​വും ശ​ക്ത​മാ​യ കാ​റ്റ് ല​ഭി​ക്കു​ന്ന പു​ഷ്പ​ഗി​രി​ക്കു​ന്നു​ക​ൾ കാ​റ്റാ​ടി യ​ന്ത്ര​ങ്ങ​ൾ സ്ഥാ​പി​ക്കാ​ൻ അ​നു​യോ​ജ്യ​മാ​ണെ​ന്ന് ക​ണ്ടെ​ത്തു​ക​യും ചെ​യ്തി​രു​ന്നു. എ​ന്നാ​ൽ, ഇ​ക്കാ​ര്യ​ത്തി​ലും തു​ട​ർ​പ്ര​വ​ർ​ത്ത​ന​ങ്ങ​ൾ ഉ​ണ്ടാ​യി​ല്ല. മൂ​ന്നാ​റി​നും തേ​ക്ക​ടി​ക്കും മ​ധ്യേ സ്ഥി​തി​ചെ​യ്യു​ന്ന പു​ഷ്പ​ഗി​രി​യി​ലേ​ക്ക്​ ര​ണ്ടി​ട​ത്തു​നി​ന്നും 50 കി​ലോ​മീ​റ്റ​റു​ണ്ട്. മൂ​ന്നാ​ർ, തേ​ക്ക​ടി കേ​ന്ദ്ര​ങ്ങ​ളെ ബ​ന്ധി​പ്പി​ച്ച് ക​ട്ട​പ്പ​ന -തോ​പ്രാം​കു​ടി റൂ​ട്ടി​ൽ ബ​സ് സ​ർ​വി​സ് ആ​രം​ഭി​ച്ചാ​ൽ പു​ഷ്പ​ഗി​രി​ക്കും അ​ത് പ്ര​യോ​ജ​ന​പ്പെ​ടും. ഇ​വി​ടേ​ക്കു​ള്ള മ​ൺ​പാ​ത സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന കാ​ല​ങ്ങ​ളാ​യു​ള്ള ആ​വ​ശ്യം അ​ധി​കൃ​ത​ർ അ​വ​ഗ​ണി​ക്കു​ക​യാ​ണ്. പ്രാ​ഥ​മി​ക സൗ​ക​ര്യ​ങ്ങ​ളും വി​ശ്ര​മ​കേ​ന്ദ്ര​ങ്ങ​ളും അ​മി​നി​റ്റി സെ​ന്റ​റും സ്ഥാ​പി​ച്ച് പു​ഷ്പ​ഗി​രി​യു​ടെ വി​നോ​ദ​സ​ഞ്ചാ​ര സാ​ധ്യ​ത പ്ര​യോ​ജ​ന​പ്പെ​ടു​ത്ത​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.