കട്ടപ്പന: ഡ്രൈ ഡേയിൽ വ്യത്യസ്ത അബ്കാരി കേസുകളിൽ രണ്ട് പേർ കട്ടപ്പന എക്‌സൈസിന്‍റെ പിടിയിലായി. മാട്ടുക്കട്ട പീടികപറമ്പിൽ ജയരാജ് (55) കോവിൽമല തുളസിപ്പടി വടക്കേമുണ്ടത്താനത്ത് റോയ് (53) എന്നിവരാണ് പിടിയിലായത്. ജയരാജിൽ നിന്ന് നാല് ലിറ്റർ വിദേശ മദ്യവും റോയിയിൽ നിന്ന് വ്യാജ മദ്യവും കോടയും വാറ്റുഉപകരണങ്ങളുമാണ് പിടികൂടിയത്.
ഡ്രൈഡേയുടെ ഭാഗമായി രാവിലെ നടത്തിയ പരിശോധനയിലാണ് ജയരാജ് അറസ്റ്റിലായത്. വ്യാജ മദ്യം നിർമ്മിക്കുന്നുവെന്ന രഹസ്യവിവരത്തെ തുടർന്ന് കട്ടപ്പന റേഞ്ച് ഇൻസ്‌പെക്ടർ പി.കെ സുരേഷ് റെയ്ഡിന് നേതൃത്വം നൽകിയത്. വീടിനുള്ളിൽ നിന്ന് വ്യാജ മദ്യവും കോടയും വാറ്റുപകരണങ്ങളും പിടികൂടി. ഇയാൾ മുൻപും സമാന കേസിൽ അറസ്റ്റിലായിട്ടുണ്ട്.
പ്രിവൻറ്റീവ് ഓഫീസർ അബ്ദുൽ സലാം, അസി.പ്രിവന്‍റീവ് ഓഫിസർമാരായ സജിമോൻ ജി. തുണ്ടത്തിൽ, ജോസി വർഗീസ്, സി.ഇ.ഒമാരായ സി.എൻ ജിൻസൺ, എസ്. ശ്രീകുമാർ, എം.സി സാബുമോൻ, പി.കെ ബിജുമോൻ, ഷീന തോമസ് എന്നിവർ ചേർന്നാണ് റെയ്ഡ് നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.